روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۲/۳۱
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 1,129
  • بازدید دیروز: 1,083
  • کل بازدید ها: 653,121
آتا – آنا محبّتی

آتام من‌له دانیشدیغیندا، هر زامان سؤزونو، «بوگونه قده ر، سنی نئجه دلیجه‌سینه سئودیییمی سنه سؤیله‌دیم می؟» دئیه باشلاردی. بو سئوگی ایفاده‌سی قارشیلیق بولوردو بلکه… اوْنون سوْنراکی ایللرینده، اوْنون عؤمرو گؤزلریمیزین اؤنونده توکه‌نیرکن، و بونون یانیندا بیزلر بؤیویورکن… آه، بو مومکون اوْلسایدی…
۸۲ یاشیندا اوْ اؤلمک اوچون حاضیردی، و چکدییی دردلرین بیتمه‌سی اوچون، من ده اوْنون گئتمه‌سینه ایذین وئرمه‌یه حاضیردیم. بیزلر گولدوک، آغلادیق، بیربیریمیزین اللرینی توتدوق و بیربیریمیزه سئوگیمیزدن دئدیک و آنلاشدیق کی آرتیق زامانی گلمیشدیر. دئدیم، «آتا، سن گئتدیکدن سوْنرا، من سندن، یاخشی اوْلدوغونو گوستره‌جک بیر نیشانه ایسته‌ییرم». اوْ بو سؤزون معناسیزلیغینا گولدو؛ آتام روحون باشقا بیر شکیلده یاشایاجاغینا اینانمیردی. منیم ده هئچ بیر قطعی دلیلیم یوْخ ایدی، آمما منیم بیر چوْخ تجروبه‌لریم وار ایدی کی منی، «اوْ بیری طرفدن» بعضی سیگناللار آلا بیله‌جه‌ییمه ایناندیریردی.
من و آتام اوْ قده ر دریندن بیربیریمیزه باغلی ایدیک کی، اوْ اؤلدویو آن، من اوْنون قلبینه گلن ضربه‌نی کؤکسومده حیس ائتدیم. سوْنرالار من یاس دوتدوم کی نییه خسته‌خانا، اوْ اؤلدویو آندا قوْیمادی کی من اوْنون اللرینی دوتام.
گونلرجه اوْندان بیر نیشانه گؤرمک اوچون دوعا ائتدیم، آمما هئچ بیر شئی اوْلمادی. گئجه‌لرجه یوخویا دالمادان اؤنجه بیر رؤیا آختاردیم. اوپ اوزون بیر دؤرد آی کئچدی و من نه بیر شئی دویدوم، نه ده بیر شئی گؤردوم، اوْنو الدن وئرمه‌نین آجیسیندان باشقا.
آنام بئش ایل اؤنجه آلزایمئر خسته‌لیییندن اؤلموشدو و من اؤز قیزلاریمی بؤیوتدویوم حالدا، اؤزومو ایتمیش بیر اوشاق کیمی حیس ائدیردیم.
بیر گون کی سس‌سیز و قارانلیق بیر اوْتاقدا، ماساژ میزی‌نین اوستونده یاتمیشدیم و گؤروشمه‌می گؤزله‌ییردیم، آتامین سسینی ائشیتدیم، نه قدر ده سسینی اؤزله‌میشدیم، اوْ سس منی اؤزویله آلیب گؤتوردو. من هیجان‌لانماغا باشلادیم، بلکه بو همن آتامین نیشانه‌سیدیر، اوغروندا چوْخ چتین‌لیکلر چکدیییم و آختاردیغیم نیشانه. آنلادیم کی بئینیم چوْخ یوکسک گوجلو بیر وضعییتده‌دیر. من تانیش اوْلمایان بیر شففافلیغی تجروبه ائدیردیم، ائله کی چوْخ بؤیوک میقداردا شکیللری باشیمدا یئرلشدیره بیلیردیم. دیققت ائتدیم امین اوْلام کی من اوْیاغام و رؤیا دا گؤرمورم، و بیلدیم کی اینسانین ان چوْخ اوْیاق اوْلدوغو قده ر اوْیاغام. منده اوْلان فیکیرلر، دورغون بیر گؤله دوشن بیر سو داملاسینین، ساکین‌لییی پوْزدوغو کیمی ایدی، بئینیمده‌کی هر شئی بیربیرینه قاریشمیشدی و من کئچن هر ثانییه‌ده اوْلان راحاتلیق و ساکین‌لیییه حئیران قالمیشدیم. سوْنرا دوشوندوم کی، «من اوْ بیری طرفدن گلن ایشاره‌لری کوْنتروْل ائتمه‌یه چالیشیرام؛ ایندی اوْنو دوردوراجاغام.»
بیردن، آنامین اوزو گؤروندو، آنامین اوزو! هم ده آلزایمئر خسته‌لییی‌نین اثرلری اوْنون بئینینی اوْندان آلمادان قاباقکی وضعییتینده اوْلدوغو کیمی. پارلاق گوموش ساچلاری، دادلی اوزونه بیر تاج کیمی اوْتورموشدو. آنام، اوْ قده ر گئرچک و اوْ قده ر یاخین ایدی کی حیس ائتدیم الیمی اوزالدیب و اوْنا توْخونا بیله‌رم. اوْ چوْخ ایللر بوندان قاباقکی کیمی باخیردی، عؤمرونون محو اوْلماسی باشلامادان اؤنجه‌کی کیمی باخیردی. حتتا ژوْی عطری‌نین قوْخوسونو حیس ائتدیم، اوْنون ان چوْخ سئودییی عطیر. ائله بیل کی بیر شئی گؤزله‌ییردی، دانیشمیردی. حئیرت ائتدیم کی آخی نئجه اوْلا بیلر، من آتاما فیکیرلشیردیم آمما آنامی گؤردوم. اؤزومو گوناهکار حیس ائدیردیم، چونکو اوْنا فیکیرلشمه‌میشدیم، اوْنو لاییقینجه درک ائتمه‌میشدیم.
دئدیم کی، «آنا، منی باغیشلا، چونکو سن اوْ قوْرخونج خسته‌لییین عذابینی چکمک زوْروندا قالدین.»
عذابلارینین باره‌سینده دئدیکلریمی قبول ائتدییینی گؤسترمک اوچون باشینی یاواش بیر طرفه اه‌یدی. سوْنرا گولومسه‌دی، چوْخ گؤزه ل بیر گولومسه‌مه، و چوْخ آچیقجا دئدی، «آمما منیم بوتون خاطیرلادیغیم، یالنیزجا سئوگی‌دیر.» و سوْنرا یوْخ اوْلدو.
تیتره‌مه‌یه باشلادیم، اوْتاق بیردن بیره سوْیوماغا باشلادی. و من چوْخ دریندن آنلادیم کی اؤنملی اوْلان تک شئی و خاطیرلانان تک شئی، بیزلرین وئردییی و آلدیغی سئوگی‌دیر. دردلر یوْخ اوْلوب گئده ر، گئری‌یه آنجاق سئوگی قالار.
آنامین دئدییی کلمه‌لر، منیم ائشیتدیییم ان اؤنملی سؤزلر ایدی، و اوْ آن، سوْنسوزا قده ر قلبیمده حک اوْلوندو.من هله ده آتامدان بیر شئی ائشیتمه‌میشم، هئچ بیر شئی ده گؤرمه‌میشم، آنجاق هئچ بیر شککیم یوْخدور کی بیر گون، اوْنو ان آز گؤزله‌دیییم آندا، آتام گله‌جک و دئیه‌جک کی، «بو گونه قده ر، سنی سئودیییمی سؤیله‌دیم می؟» .
یازار: بابی پروْبشتاین
چئویره ن: کاوه فضلی خلف

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز