روزنامه کثیرالانتشار سراسری صبح ایران
به دو زبان ترکی و فارسی

۱۳۹۸/۰۱/۰۳
روزنامه ساقی آذربایجان
آمار بازدید
  • 1
  • 474
  • 582
  • 997,217
آتا بابا سؤزلری..

ایگید جانلی ، کباب قانلی
***
ایگید غوغاسیز اولماز
***
ایگید لقبله تانینار
***
ایگید لیگین ده یئری وار
***
ایگید مئیداندا معلوم اولار
***
ایگید یارسیز اؤلمه ز
ایگید یوز یاشار، فرصت بیر دوشه ر
***
ایگیده هونرینه گؤره آد وئره رلر
***
ایگیدی یاخشی ساخلار، یاخشی آرواد یاخشی آت
***
ایگیدیم ایگید اولسون ، کول دیبی ائویم اولسون
***
ایگیدین الی ایشده گره ک
ایگیدین ایگیددن احتیاطی
آرتیقدیر
***
ایگیدین باشی قالدا گره ک
***
ایگیدین خنجری قینیندا قالماز
***
ایگیدین منزیلی بیر اولار ، نامردین منزیلی اولماز
***
ایل باهاریندان بیلینه ر
***
ایل وار بیر گونه دَه یه ر، گون وار بیر ایله دَه یه ر
***
ایل وار بیر گونه دَه یمه ز، گون وار بیر ایله دَه یه ر
***
ایلان آدامین توپوغونو گؤزلر، آدام ایلانین باشینی
***
ایلان آغزیندان قورتاردی ، قورباغا آغزینا دوشدو
***
ایلان آغزیندان قورتولوب ، اَژدها آغزینا دوشدو
***
ایلان اولدوز گؤرمَسه اؤلمه ز
ایلان چیخدیغی باجانی یاخشی تانییار
***
ایلان دوزه لمَه یینجه یوواسینا گیرمه ز
***
ایلان قابیغینی دَه ییشه ر، خاصیّتینی دَه ییشمه ز
***
ایلان ووران آلا چاتیدان دا قورخار
***
ایلان ووران یاتار ، آج یاتماز
***
ایلان هر یئره ده اَیری گئدسه ده ، اؤز یوواسینا دوز گئده ر
***
ایلان یولو اَیری گئده ر، یوواسینا دوز گئده ر
***
ایلانی اؤزگه الی ایله دوتمازلار
***
ایلانی سید احمد الی ایله دوتارلار
***
ایلانی یارالی بوراخمازلار
***
ایلانین آجیغی یارپیزدان گله ر اودا یوواسی نین آغزیندا چیخار

ایلانین آغینا دا لعنت ،قاراسینا دا

ایلانین باشینی اؤزگه الی ایله اَز

ایلانین بوغازینا گیرَه ن چیخماز

ایلانین قویروغونو یوخ ، باشینی اَزه رلر

ایلده باشا گلمَه ین ، دیلده باشا گله ر

ایلقاریندان دؤنن نامرددیر

ایللر قوجالتماز انسانی غصّه قوجالدار

ایلنمیش اته میلچک قونار

ایلنمیش سویو ایچمه زلر

ایلین آخیر چرشنبه سی کیمینه دوشه ر، کیمینه یوخ

دیر ایلین یاخشی اولاجاغی باهاریندان بللی

اَینینده دونو یوخ ، باشیندا پاپاق آختاریر

بار وئره ن آغاجا داش آتارلار

آجیقلی دیلَنچی نین تورباسی بوش قالار

آخیردا گولن یاخشی گوله ر

آخیرده گلن قاپینی اؤرته ر

آخیری فنا اولاجاق ایشی هئچ باشلاما

آدامین آغزی آشا چاتاندا ، باشی داشا دَه یه ر

آرالیق اویونون آرالیقدا اوینارلار

آرالیق سؤزو ائو ییخار

آرالیق مالی آرادا یئییله ر

آوازین یاخشی گلیر ، اوخودوغون قرآن اولسا

اؤکوزو اولانا ، گؤن بورج وئرمه زلــر

اؤرتولو بازار دوستلوغو پوزار

ائرتَه یه قالان ، بلادان قورخما

قاز أتین ، یئییه ن بیله ر لذّتین

اؤردک گلیب قاز اولماز، گلین گلیب قیز اولماز

اؤردَکی باغلاماغا ایپک گره ک ، یار ایله اویناماغا اوره ک گره ک

اؤردَکی سو ایله قورخوتمازلار

ائرمنی دن شاهید ایستَه دیلر ، اوزوم آیاقلایان گتیردی

اؤز آدینی اؤزگه لره قویما

اؤزو اؤزونه ائیلَیَه نه چاره یوخدور

اؤز ائولری نین تولکوسو ، اؤزگه ائوی نین آسلانی دیر

اؤز ائویمین نؤکری یَم ، اؤزگه ائوی نین آغاسی

اؤز ائوینده اؤز باشینی باغلایا بیلمیر ، اؤزگه ائوینده گلین باشی باغلاییر

اؤز چؤرَه گینی اؤزگه سوفره سینده یئمه

اؤز عاغلینی اؤزگه عاغلینا وئرمه

اؤز قدرینی بیلمَیَه نین قدرینی اؤزگه سی ده بیلمه ز

اؤز قورو چؤره گیم ، اؤزگه نین پیلوووندان یاخشیدیر

اؤز کؤوشنینده اوتلایان مال آج قالماز

اؤز گؤزونده بایقوشون بالاسی ، تاووس قوشوندان دا گؤزه لدیر

اؤز گؤزونده تیری گؤرمه ییر، اؤزگه گؤزونده قیل سئچیر

اؤز گؤزونده دیرَه گی گؤرمه ییر ، اؤزگه گؤزونده چؤپو گؤرور

اؤزو عدالتلی اولانین قاضیی یه احتیاجی اولماز

اؤزو قازانمایان مال قدرینی بیلمه ز

اؤزو ییخیلان آغلاماز

اؤزونه باخما سؤزونه باخ

اؤزوندن قوّتلی ایله آیاق چکمه

اؤزونده اولمایاندا قونشویا گئدرسن ، قونشوندا اولمایاندا هارا گئدرسن ؟

اؤزونو یاستا بیلسن ، یولداشینی اؤلموش بیل

اؤزونو باشقاسینا نردیوان ائیلَمه

اؤزونه حؤرمت قویمایان ، اؤزگَیه ده حؤرمت قویماز

اؤزونه قییمادیغینی ، اؤزگیَه ده قییما

ائششک نه بیلیر زعفران نه دیر؟

اؤکوز اؤزونه یونجا اَکنده باشی آغرییار

• اؤکوز اؤلدو، اورتاق آیریلدی

اؤکوز اؤلمَه یینجه اینه گه قیمت اولماز

اؤکوزو اولانا بورج گؤن وئره رلر

اؤلموش آتا یوک چاتمازلار

اؤلموش آسلانا دووشانلاردا هجوم ائیله ر

اؤلموش آسلاندان دیری کؤپک یاخشیدیر

اؤلموش دوه نین دریسی بیر ائششگه یوکدور

اؤلَه نین بورجونو باققال دیریلره یوکلر

اؤلو آسلانین ساققالینی یولارلار

اؤلوسو اولان بیر گون آغلار ، دَلیسی اولان هر گون آغلار

اؤلوم قاش ایله گؤز آراسیندادیر

اؤلونو بیر دفعه یووارلار

اؤلونون وصیّتی اؤزو ایله گئده ر

ائله ائیله کی ، بیرده بازارا شور ساتان دئییم گلسین

ائله ایش دوت کی، ایچیندن قنبر قولو چیخماسین

ائله باغین بئله ده مئیوه سی اولار

ائله تیکه گؤتور کی ، اودا بیلَه سن

ائله دون گئیمه ک گره ک کی ، یاماغی ائوده تاپیلا

ائله سؤز دئه کی ، کالی تؤکولسون دَیمیشی قالسین

ائله سؤز دئییر کی ، پیشمیش تویوغون گولمه گی گلیر

ائله قازانین بئله ده آشی اولار

اؤیره نمَگه عار اولماز

اؤیودو آلمایانا وئره رلر

احتیاج انسانی هر ایشه قویار

ارز ایشینی اؤزون گؤر

ارکوزو اولانا یول گؤسترن چوخ اولار

آغاج بهشتدن چیخیبدیر

قویون اؤز یئرینده کؤکَه لر

قیز آلان گؤز ایله باخماسین فقط قولاق ایله ائشیتسین

قیز آنادان قورخماسا ، اؤیود آلماز

قیز آناسی ائلچی گؤزلر

قیز ائوی ناز ائوی

قیز ائوین قوناغی دیر ، واختی گله ر، گئده ر

قیزلار بیر گونشدیر، اوغلانلار آی پارچاسی

قیزی سالدین بئشیگه ، جهازینی چک ائشیگه

قیزیشیمادیق ایستی سینه ، کور اولدوق توستوسونه

قیزیل اینه ک قارا قاباق گلینه سود وئرمه ز

قیزیم سنه دئییره م ، گلینیم سن ائشیت

قیزین قسمتی آتانین دؤلتی

قیش چیخدی درد چیخدی ،کئچیلر یازا چیخدی

قیشدا یورقانسیز ، یایدا آیرانسیز اولما

قیلینج یاراسی ساغالار ، دیل یاراسی ساغالماز

کؤپک ائله کؤپکدیر، خالتاسی قیزیلدان اولسادا

کؤپک تایا دیبینده یاتار ، ائله بیله ر اؤز کؤلگه سی دیر

کؤپک صاحیبینی تانییار

کؤپگین قارنی توخ اولسا، گئجه اولدوزا هوره ر

کئچل باخار گوزگویه آدین قویار اؤزگَه یه

کئچل چاره بیلسه ، اؤز باشینا ائیله ر

کئچل حالوا یئیه ر ، پولونا منّت

کئچل سویا گئتمه ز

کئچی جان هاییندا ، قصّاب پیی آختاریر

کئچی نین باشی گیجیشنده بوینوزون چوبانین چوماغینا سورته ر

کئچی نین قوتورو سرچشمه دن سو ایچه ر

کؤمگی ایگیده سؤزیله ، ضعیفه ال ایله ائت

کار ائشیتمه ز ، یاراشدیرار، کور ائشیتمه ز ، قوراشدیرار

کار ائشیتدیگینی ، کور دوتدوغونو بوراخماز

+ نوشته شده در چهارشنبه بیست و هشتم آذر ۱۳۹۷ ساعت ۰:۳۴ توسط دادا | نظرات

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز