آتا
آی باشــــی بلالی یانانیم آتا
چالیشان سئویملی جانانیم آتا
اوره‌ک سؤزلریمی قانانیم آتا
آی منیم هر یئرده دایاغیم آتا
غم ایچینده گولن یاناغیم آتا
***
قیـــــــشلاری اریدیر ایستی اللرین
ائله یاراشیــــــــق‌دیر ترلی تئللرین
سنه قوربان اولسون قیزیل گوللرین
مهریبان آللاهین محببتیسن
ازلدن وئردیگی مرحمتیسن
***
آه چکسن یاندیرار یاخار عالمی
ظالیـــمین یوکسه‌لر دردی المی
فله‌ییــــــــن الیندن دوشر قلمی
سنی اینجیده‌نین باختی قارادی
عاقیبتـــی تاردی جانی یارادی
***
او یـــــورغون جانینا جانیم قورباندی
قابارلی الینه گــــــــــؤزوم حئیراندی
“ایشیغلی” گولوشون منه درمـــــاندی
قــــــــــادانی آلارام بیر عؤمور سنین
هر زامان خار اولسون سنین دوشمنین
ایشیق قاراداغلی
دیدگاه بگذارید
اولین نفری باشید که نظر میدهید!