روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۶/۲۹
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 199
  • بازدید دیروز: 649
  • کل بازدید ها: 796,864
آد قویماق

اوشاقلیقدا کیمین، منه آد قویدوغون، بیر ایکی دؤنه آنام گیلدن سوروشموشام. آنجاق، دوغرو دوزگون یادیمدا قالماییب. نسیللر دَییشدیکجه قویولان آدلار دا دَییشیلیرلر. بیر سیرا آدلار، گئچمیشده قالیرلار، بیر سیرا آدلار، آدلارین اؤنونه داشینیرلار. گئچمیش نسیلین اوشاقلاری چوخ اولدوغو اوچون، اؤنلرینه گلن آدی قویوردولار. قوهومدا، بیر آدی نئچه آدامدا گؤرمک اولور.
بو گون، آذربایجانلیلارین ایچینده، ائولنمک یاشی اوتوزدان یوخاری-یا قالخیبدیر. اونونلا بیرگه تک اوشاقلیق دا، توپلومون ایچینده چوخ سئویلیر. بو اوزدن ده، توپلوم گئتدیکجه قوجالیر. بو ندنلره گؤره، سون ایللر ائولیلیکدن یانا اولوب، چوخ اوشاق سئون بیرینه چئوریلمیشم. بو چئوریلمه یه
آتا-بابالاریمیزین بیر یاخشی سؤزو وار؛ دالدان آتیلان داش
توپوغا ده یه ر. ائولیلیکدن یانا اولدوغوما باخمایاراق
ائولنمه ییم اوتوز یاشدان سونرا اولدو. ائولیلیک، ایــکی
کسدن اولوشدوغونا گؤره، نئچه اوشاقلیق قالسین قیراقدا، بیر اوشاغین گلمه-یی بئله نئچه ایل چکیر!
سونوندا بیز ده آتا آنا اولا بیله-جکدیک. اوشاغین، آدی-بسی گلن گوندن، اونا نه آد قویاجاغیمیزین اوستونده دانیشیقلار گئدیردی. اوغلانلیغــــــی ایله قیزلیغی بللی اولمایانا دک، قـــیز
اوغلان آدلاردان بیر نئچه آدین اوستونده قرارا گلمیشدیک
آتاسی ایله آناسی اولاراق! یولدا، اولانین قیز اولدوغو بللی
اولاندان سونرا، قیـــز آدلاری، هـــردن بیر، اؤنــوموزه
سیرالانیردی. اؤنـــجه-دن بیر آدین اوســتونده اورتاق یئره
گلمیشدیک ساییلا بیلردی. آنجاق، یان-یؤوره ائشیـدندن
سونرا، منیـــــم قراریمی ده-ییشدیردیلر. داها دوغروسو،
ندنلرین سایدیقدا، آدی ده-ییشمه-یی خانیم ایله اورتایا قویدوم. او آدی، خانیم چوخ سئویردی. منیم اوچون ده، اویغون آد نظره گلیردی. آدین ده-ییشمه-یینه خانیمی راضیلاشدیرماقلا، یئنی آد سئچمه ماراتونو باشلادی. چوخ گؤزل تورکو آدلار وار ایدی. چوخ قویولان آدلاری ایسته-میردیک(بو ایستکده منیم پاییم چوخ دیر ساییلا بیلر!) اوشاغا قویاق، بیر-ایکی یاخشی آد قالیردی، اونلاری دا، یاخینلاردان اوشاقلاری اوچون قویموشدولار.
بیزه، یان-یؤوره ده اولان، یاخین-اوزاق کیمسه-لر، اوشاقلارینا آد قویماق اوچون باش ووراردیلار. بیزیم ده الیمیزده، هر زامان بیر بؤللو آد اولاردی. آدلار اوچون، یوروملاریمیز بئله وار ایدی. اؤزوموزه گلدیکده، آد سئچمه-ییمیز چتینلشدی. اوشــاغین دوغوم واختی یاخینــلاشدیقجا، بیر-ایـــکی آدین
اوستونده دایانمیشدیق. سیجیللی آلماق اوچون، قویولا
بیلن آدلارین لیسته-سی بیر دوشرگه-ده وار ایدی.
سئچدیییمیز آدلارین، هئچ بیری اوردا یوخ ایدی.
بو دا، او دئمک کی؛ او آدلاری آلماق او قده ر ده
راحات دئییل ایدی.
آدلارین بیرینین اوستونده قرار
وئـرمیشدیک. ایکیمیزین
آراسیندا کسینلشدیردیکدن
سونرا، یاواش-یاواش یاخینلار
یمیزی ایله اورتایا قویوردوق.
هر بیر آدی بَیه-نیب بَیه-نمه-ینلر
اولور. ایلک الشدیرمه-لر یاخینلاردان
گلیـــــردی. دالدا-بوجاقدا آدی
قــویماماق اوچون، بیر سؤزلر
دانیشیلیردی. بیر دؤنه قرارا
گلدیییمیز آدی َییشدیرمیشدیک
بو آدی دا یاخشی
قانیتلاری اولسایدی
دَییشدیره بیلردیک، آنجاق ساده-جه بیر بَیَه نیب، بَیَه نمه-مه اولدوقدا، آدی دَییشدیرمه-یی دوشونموردوک. بو اوزدن، آدا قرار وئریلمیشدی. هر بیر قونو، اورتایا قویولدقدا، ان یاخشی یاناشما، چئشتلی آچیلاردان باخانلارین، قانیتلارینین اورتایا قویدوقلاری اولور. آنجاق، الشدیریلرین هئچ بیری، اوزوموزه دئییلمه-دیینه گؤره قانیتلاردان خبریمیز اولموردو. الشدیرنلر، الشدیرمه-لریندن چکیلمیردیلر، آنجاق بیزیم قرارلی اولدوغوموزو گؤردوکده، آدی چاغیرمایا باشلادیلار. اوشاغین قولاغینا آد سسلندیکدن سونرا، اوشاغین قولاغینا آدی سسلندیکدن سونرا، اوشاغا کیملیک بلگه-سینی آلماق اوچون، سیجیللی ایداره-سینه گئتدیم. سیجیللی وئرن یئره گئتدیکده، بیر چوخ کیشی صف چکمیشدیلر. سوخولا-سوخول ایدی، ایچه-رییه گئچمک اوچون، سونوندا منده سوخولوب، اوشاغا سیجیللی آلماق اوچون، اؤز سیجیللیلریمیزی دوغوم بلگه-سی ایله بیرلیکده سیجیللی مأمورونا وئردیم. آد مأمورون قولاغینا تانیش دئییل ایدی. سوروشدو آدی دفترده وار، دفتری گؤتوردو باخدی. آد یوخ ایدی. بیر دیلکچه یازیب، اورا وئردیم، یئنی آد اوچون. نه قده ر واخت آپاردیغینی سوروشدوغومدا، مأمورلارین دئدیکلرینه گؤره ییرمی گون چکیردی.
ییرمی گوندن سونرا، گئتدیکده آدا جواز گلمه-میشدی. بیر نومره وئردیلر، نئجه اولدوغونو سوروشماق اوچون. بیر نئچه گون سونرا، زنگ آچدیم. زنگ چالیردی، کیمسه گؤتورموردو. دؤنه-لرله زنگ آچدیم، دئیه-سن کیمسه یوخ ایدی. بلکه ده نومره یانلیش ایدی. بیر داها گئتدیم، بو دؤنه دئدیلر، جاواب گلمه-ییب. گره ک، گئدردیم دیلکچه-نین گئتدییی یئره. اورا دا گئتدیم. الیمدن اولان نومره ایله، دیلکچه-نین دالیسین توتدوم. دیلکچه-یه باخان اولمامیشدی! سیز بیلدیینیز، گؤرمزدن گلمیشدی دیلکچه-نی! سوروشساز عمد وار، کسینلیکله یوخ دئیه-رم. ایداره-لره ایشی دوشنلر، بئله بیر دوروملار ایله تانیش دیرلار. بیر داها دیلکچه ایسته-دی. آد بیر کومئسیوندا آراشدیریلاجاق ایدی. اوردا اوتوران خانیم، فارس اولدوغو اوچون، آدین نه آنلامدا اولدوغونو سوروشدو، من ده جاواب وئردیم. بئهزاد-بئهزادین تورکجه-فارسجا سؤزلویو اوردا ایدی.
اورانین ایشله-یه-نلریندن تورک اولان، بیر آغا ایله بیر خانیم وار ایدی. آغا، مـــنه اؤیوت وئریردی “پئشمان اولاجاغین بیر آد قویما، سونرا دَییشدیرمه-یی چتین اولار” اؤرنه-یی ده “تؤکتم” آد ایدی، گویا بیری آلمیــشدی، اوشاق بؤیویندن سونرا دَییـــشمک
ایسته-میشدی( وابال دئیه-نین بوینونا) نه آنلامدا اولدوغون دا بیلمیردی.اوردا اولان تورک خانیمین تپگی-سی ایسه بو ایدی: “من ائشیتمه-میشم!” من اوردا اولالی، کومیسیونا گئدن دیلکچه-لرین چوخو، تورکو آدلار اوچون ایدی. “آنالی”-یا جواز وئرمه-میشدیلر.
اونلار دا بیر نومره وئردیلر، بئش-آلتی گون سونرا زنگ آچیب، سونوجو سوروشماق اوچون. وئریلن واختدا سوروشدوقدا، جاواب یوخ ایدی. زنگ آچدیغیمدا، ائشیتدیم “هاکان” آدی اوچون ده جواز وئرمه-ییب-لر. بیر داها، زنگ آچدیغیمدا، سونوج دئیه-سن اولوملو ایمیش کیمی ایدی. گرک، دیلکچه-نین سونوجونو دوشرگه-یه گئچردیلر. صاباحی زنگ آچدیقدا، باشقا بیر خانیمین سونوجدان خبری یوخ ایدی، ایچیم-ایچیمی یئییردی. آنجاق، تئلفونلارین گؤتورولدویو قویموردو داها آرتیق سینیرله-نم. اؤته-سی گون زنگ آچدیغیمدا، خوش خبری وئردیلر. آدی قویا بیلردیک، آنجاق بیر گون داها دؤزمه-لی ایدیک. اللی گون دوزموشودوک بیر گون ده اوستونه! دئیه-سن آدسیزلیغی، بیزیم اوشاقلار، بیر مودت یاشامالی ایدی. بیر سیرا آدلارین، نئجه یازیلیشینا پولچوک قوشوردولار، بیر سیرالاریندا آد دفترینده اولمادیغینا.
سیجیللی آلماغا گئتدیییمده، هله جاواب گلمه-ییب سؤزو، یئریمده دوندوردو. گئدیب-گلمکدن یورولموشــدوم،
بیر مأمورون یوخ دئدیینه، دالی چکیلن دئیـــیلدیم.
اونا گـــؤره، اوردان زنگ آچدیم، وئردیم مأمور
خانیما، مأمور خانیم، بیر-ایکی ده-یقه نیققیلدادیقدان
ســــونرا، تئلفـــونو آلیب، دانیشــــدی. قاش قاباغین
تورشادیب دئدی. بیزیم سیستئمه گلمه-ییب، سالیق وئردی گئدم، آشاغی قاتداکی سیجیللی وئرن باجایا. اورا گئتدیییمده، آدین سون حرفینی ترسه ووردوقلاری اوچون، جوازین وئریلمه-دیینی بیر داها وورغولادیلار. آدی، گؤردویومده یانلیشلیقلارینی دوزلدیب، دوزونو یازدیم.
آدی آلا بیلــــرسیز جاوابینی وئـــردیلر. اوردا، باشقا
تورکو آدلاری ایسته-ینلره دیلکچه حاضیرلانیردی.
شانســـی-لار گتیرسه آلا بیله-جکــــدیلر، شانسیلاری
گتیرمه-ییـــب، یاری یولدا یورولانـــلار، بیــر داها آد
سئچمه-لی اولاجاقدیلار. اؤزومه سؤز وئرمیــــشدیم،
آدی آلانا دک دالیسین توتاجایدیم. هئچ کیمـــسه، آتا
آنانی اوشاقلاری اوچون، آد قویماغین اؤنــــــون آلا
بیلمه ز.
بونلارین هر بیری بیریانا، ایسته-دیییمیزین یئرینه یئتیریلمه-سی بو قده ر چتینلیگه باخمایاراق بیر یانا! یامان دادی وار.
عباس نعیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز