روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۳۰
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 320
  • بازدید دیروز: 1,118
  • کل بازدید ها: 878,267
آذربایجان فولکلروندا اوشاقا آد قویماق

هر بیر اینسان چیخارینا گؤره اؤزونه یاراشان آد قازاناردی ،بئله لیکله گؤرونور کی هر کیمین آدی اونون شخصیتین گؤرسدن دیر . تورک لر ایلک هم ده ایسلام دینینی قبول ائدنلردن اولدوقلاری اوچون بوتون اؤز عادت – عنعنه لرینه ایسلامی اینانجلارا قاتاراق اونلاری یاشاتمیشلار .
هر میللتین وارلیغی ، تاریخی ، عادت – عنعنه لرینی یالنیز آدلارلا تانیماق اولا بیلر . بونلاردا آد قونوسو اجتماعی ، سیاسی یاشاییشادا اولارکن اؤز اؤنمینی ادبیات ، مدنیت باشقا ساحه لرده قورویوب ساخلاییر.
اسکی تورک لر اوشاق لارینا آد قویماغی چوخ اؤنملی سایاردیلار . اوشاغین آدی ایله ائلین یازیسی آراسیندا بیر باغلیلیق اولدوغونا ، سانکی اوشاغین آدی اونون روحو کیمی بیر شئی ساییلدیغینا اینانیلاردی . آد قویمایا اسکی تورک لرده تؤره‌ن توتولاردی . هر اوشاغین دونیایا گؤز آچماسی او عائیله یه ، سونسوز سئوینج باغیشلار . بو سئوینجله باغلی اولان بیر سیرا عادت – عنعنه لریمیز اولاردی بو مراسیملردن بیر پارا سینین ایزلری ایندی ده گؤزه دیمک ده دیر . اونلارین بیری اوشاغین ایکی آدلیلیغی دیر . اسکی تورکلرین ایناملارینا گؤره اوشاغی ، کیچیک یاشلاریندا عائله وریندن بیر آد وئریلیب سونرالار بویا – باشا چاتدیغیندا آد قازانیلمالی ایدی .
هر بیر اینسان چیخارینا گؤره اؤزونه یاراشان آد قازاناردی ، بئله لیکله گؤرونور کی هر کیمین آدی اونون شخصیتین گؤرسدن دیر . آذربایجان اؤزللیک له تبریز شهرینده بئله بیر رسم واردیر کی بوتون اوغلان اوشاقلاری نین آدی محمد ، قیز اوشاقلاری نین آدی فاطیمه قویولار سونرا عائله وریندن باشقا اؤز سئودیکلری بیر آد سئچیلر . آد قویما دبی قدیم چوخ طنطنه لی – رسمی کئچیریلردی . اوشاق اولدوقدان سونرا ۱۰- اونجو گون طایفانین بویوکلری قوناق چاغریلیب آد قویما توتولاردی . بوتون قوناقلار بیر آرایا ییغیشدیقدان سونرا اوشاغی آناسی ، ائوین ، ائلین آغ ساققال یا آغ بیرچیی نین قوجاغینا وئریب اودا اوشاغین ساغ قولاغینا اذان ، سول قولاغینادا ایقامه اوخویوب آدین قولاغینا دئیردی . آدین سئچیلمه سینده ده بیر پارا رسمیلر واریدی . بیرینجی بوکی چالیشیلاردی آدلار گؤزل هم ده آنلاملی سئچیلسینلر . تکجه اوشاغین کیچیکلی یی گؤز اؤنونه آلینمازدی. ایکینجی سی عائیله نین بؤیوکلرینین آدلارینی یاشاتماغا اوشاغین بؤیوک آتاسی یا اوشاغین بؤیوک آناسی نین آدی سئچیلردی . بئله لیکله چالیشیلاردی بؤیوکلرین آدلاری همه شه دیری قالسین . بو آد قوروماق رسمینی ائوین ،عائیله نین کیچیک اوغلو اؤز اوشاغینا قویمالیدی . اگر بیر ائوده بؤیوک ائولاد ایسته سه یدی اوشاغینا بؤیوک آتا یا بؤیوک آناسی نین آدین قویسون گرک کیچیک قارداشینا پای آلیب اوندان آدی آلایدی.
اوشاغین آدی قورآندان یا دوغولدوغو گونه باغلی سئچیرلردی . اوشاغین آدی اوغلان طایفاسی وریندن وئریلیب ، قیز عائله سی چوخ آز ، آد قویمالارا قاتیلاردیلار.
اوشاغین قولاقلارینا اذان – ایقامه اوخودوقدان سونرا اوشاغین آدین دئییب دئیردیلر : آدین من وئردیم ،یاشین تاری وئرسین. سونرا ساغ طرفدن قوناقلار بیر – بیر اوشاغی قوجاقلارینا آلیب دئیردیلر : ال اوشاغی ، وئر اوشاغی ، تاری ساخلاسین بو اوشاغی یا آتالی – آنالی اولاسان ، آللاه الیزده – اووجوزدا ساخلاسین .
ائلین آغ بیرچکلری ، اوشاغی قوجاقلارینا آلیب اوزوندن اؤپوب آدین دئییب دئیردیلر : کؤرپه نی وئر بیرمنه اؤپوم اونو دویونجا ؛ آرزیم بودور همه شه ؛ یاشایاسان آدینجا .
ان سون اوشاق آناسینا چاتاندا هامی اوشاغین آدین اونا تبریک دئییب ؛ آتالی – آنالی اولوب روزوسو بول اولماسین دئیردیلر . اوشاغی گؤزدن قورماق اوچون آد قویولدوقدان سونرا بؤرکونه یا پالتارینا گؤزمینجیغی یا پنجه الا بیر( پنج تن آل عبا ) یازیلی قیزیل یا گوموش پلاک سانجاردیلار . قوناقلار شنلیک ائدیب یئمک وئریلردی سونرا قوناقلار هره سی بیر آلقیش دئییب اوشاغا اوزون عؤمورلر دیلردیلر . بو آلقیشلار بوجوردو : آدی ایله بویوسون ، بویوک اوغلان یا قیز اولاسان ، گون او گون اولسون تویوندا سوزه – سوزه اویناییم .
هر عائله دوشونجه – اینانجلارینا گؤره اوشاغینا آد سئچر . چوخ آدام اوشاغینا ایگید بابالاری نین ، ائل قهرمانلاری نین یا یوردونون آدلیم کیشی لری نین آدین سئچیب قویاردیلار .
یازار: احمد

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز