روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۵/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 86
  • بازدید دیروز: 1,385
  • کل بازدید ها: 762,824
آذربایجان مودئرن شئعری احمـد هاشم

تورکیه ادبیاتیندا احمد هاشیما یازیلان کتابلارین ساییسی داها آرتیقدیر. آنجاق اؤز اثرلری ده دؤنه لرله چاپ اولوب، ماراقلا قارشیلانیبدیر. احمد هاشم حاققیندا یئنی ایللرده داها چوخ کتابلار یازیلمادادیر. او جومله دن “نازان گونتورکون”ون یازدیغی “احمد هاشیمین روح اؤلکه سی” یئنی یؤندن اونون شعرلرینی اینجه له ییر. چوخلو دونیا آکادئمیلرینده اثرلری آراشدیریلماق اوچون دوکتورلوق تئزلری یازیلیر و بوگون بئله حرکتلر داها زورلو ایره لی له ییر.
احمد هاشم بو شئعریله شؤهرت قازاندی:
ظن ائتمه کی گولدور نه ده لاله،
آتش دولودور توتما یانارسین،
قارشیندا شو گول – گون پیاله. . .
ایچمیشدی فضولی بو آلوودان،
دوشموشدو بو اکسیر ایله مجنون
شیرین سنه آنلاتدیغی حاله . . .
یانماقدا بو ساغردن ایچنلر،
دولدورموش اونونچون شب عشقی،
باشدان باشا افغان ایله ناله. . .
آتش دولودور توتما یانارسین،
قارشیندا شو گول – گون پیاله. . .
بو شئعریله بیر یئنی لیک گتیره ن احمد هاشم، بورادا دایانمیر و داوام ائدیر، بئله شئعرلریله:
دؤنسک می بو عشقین شفقیندن،
گئتسک می اقالیم لیاله؟
بیزدن داها اووا ائریشنلر،
آغلار بو گون اوولکی خیاله. . .
دؤنمک می؟ نه مونکون گئری دؤنمک.
دوشدویسه گؤنوللر بو ملاله؟
بیر الدیر اوفوقلاردان اوزانمیش،
ظولمت بیزی چکمکده وصاله. . .
آردیجا “پاریلتی” شئعری گلیر:
آتش کیمی بیر نهر آکییوردو،
روحوملا او روحون آراسیندان،
بحث ائتدی درندن اونا حالیم،
عشقین بو اونولماز یاراسیندان.
ووردوقجا بو نهرین اونا عکسی،
قاچدیم او باخیشدان او دوداقدان،
باخدیم اونا سس سیزجه اوزاقدان،
ووردوکجا بو عشقین اونا عکسی.
و قارانفیل شئعری هامینی اؤزونه جلب ائتدی:
یارین دوداغیندان گتیریلمیش
بیر قطره آلوودور بو قارانفیل،
روحوم آجیسیندان بونو بیلدی
دوشدوکجه وورولموش کیبی، یئر یئر
قیزغین کوکوسوندان که له بک لر،
گؤنلوم اونا پروانه کسیلدی.
و یئنه قیسسا بیر شئعری “قارانلیق” آدییلا:
عشقسن بو قارانلیق گئجه سینده
بولبول یئنه وحشی مترنم،
مجنونونو ترک ائتدی می لئیلا؟
وحشی سسی فکرت سسی ساندیم.
عشقین بو قارانلیق گئجه سینده
هجرانیمی دویدوم، سنی آندیم،
فکره زده بولبول کیبی یاندیم.
احمد هاشم ائله تاثیر قویوبدور کی یئنه اونا قاییتماغا مجبور اولاجاغیق. هله لیک بورادا دایانیب و اوولده گتیردیگیمیز شئعره دؤنمه لی ییک. شاعیر، بو شئعرینده، آخشام مضمونونو او گونه قده ر فرقلی بیر بیچیمده، او گونه قده ر قوللانمایان بنزه تمه لرله شئعرینده زنگین بیر چالیشمالاری ایره لی آپاریر. احمد هاشم سیمبولیست بیر شاعیر تانینیر؛ آنجاق سیمبولیستدن چوخ بیر امپرسیونیست شاعیردیر. احمد هاشم چوخلو سیمبوللار ایشه آپاردیغی اوچون سیمبولیست تانینسا دا، چوخلو اؤزونه مخصوص سیمبوللاری واردیر. همین سیمبوللار اونو باشقالاریندان فرقلی ائدیر. او ایشه آپاردیغی سیمبوللاری باشقالاری ایشه آپارمیر. شاعیر، بو شئعرینده آخشام چاغینی بیر بیر جنگه گئده ن آتلی یا بنزه دیر. بولوتلارین یاراتدیغی تابلولار شاعیرین شئعرینده جان تاپیر و ساواش مئیدانی صحنه سی گؤز اؤنونده تصویره آلینیر.
بورادا تصویره آلینان صحنه بیر آخشام اوستو بولوتلارین الوان چالدیغی و گونشین داغلار دالیندا گیزلنمه سیله یارانیر. گونشین یئر اوزونو ترک ائدیب گئده جه یینی آنلاتمادادیر. اونو قووماغا چالیشان بولوتلار بیر ساواش مئیدانینی حاضیرلاماقدادیرلار. بو ساده بیر ساواش دئییلدیر. گونش ساواشلاردا تجربه لر قازانمیش بیر آتلیدیر. آخشامین ملول، اؤزگون و سیخینتیلی اولوشونون سببی کیمی دوستدان آیری دوشه جک اولماسی دیر. آخشام اوستو دینجلیک وئرمه زامانی یوخ، بلکه اوره ک آغریسی نین باشلاندیغی، روح و تنین دینلنمه یه چکیلدیگی بیر زاماندیر. آخشام اوستونو شاعیر بوتون حُزن و اؤزگونلویو ایله تصویره آلیر. شاعیرین باشاریسی قیسسا بیر شئعرده بئله گؤزه ل تابلولار یاراتماسی چوخ اؤنملی دیر. بو باشاری هر شاعیرده اولاماز. شاعیرین قلمی بورادا بیر رسامین بویا فیرچاسی دیر کی ان باجاریقلا تصویرلر یارادیر.
بونو درین دوشونمک اوچون داها آرتیق شئعری آراشدیرماییب، شئعرین اینجه له مه سینی اوخوجولارا قویوروق. تکجه یولو گؤسترمکله اوخوجولارین ذهنینی بئله شئعر آراشدیرماسینا حاضیرلاییریق. ۱۹۲۰جی ایللرده بئله شئعرین یازماسی، دوغرودان دوغروسونا، مودئرن بیر حرکت و آوانگارد شئعر تانینماغا ایمکان وئرمیر؟
م.کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز