روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۰/۲۷
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 1,205
  • بازدید دیروز: 1,131
  • کل بازدید ها: 527,839
آذربایجان مودئرن شئعری احمـد هاشم

سوواری
شو باکیر زیروه لرین آردینـــــدان
بیــــر سوواری گلیور قــــان رنگی
باشـــــلیور بو مــــلول آخشــــاندا
سون اوفوقلارلا بولوتلار جنگی. . .
بیر باکیر تاسدا آلوو شیمدی حووض
سویــا ساپلاندی قیزیل میزراقــــلار
آچـیلیب قیوریلاراق گؤیلرده
اوچویور پارچالانان بایراقلار!
“سوواری”، – بیزیم دیلیمیزده “آتلی”- منظومه سی، کیچیک حجمینه باخمایاراق، بیر آخشام چاغی نین اؤزگون و ملول چاغینی گؤزه ل ایفاده لریله جانلاندیرماسی، بیر شاعیرین باشاریسینی گؤسته ریر. ایندی، احمد هاشیمین حیاتی ایله تانیش اولوب، سونرا شئعرینه دؤنک.
احمد هاشم تورک شئعرینی یوکسلدن و مودئرن شئعری نین بینؤره لرینی محکملندیرن شاعیرلردن بیریدیر. احمد هاشم ۱۸۸۴ ایلینده باغداد شهرینده آنادان اولدو و ۱۹۳۳ جو ایلده استانبولدا دونیاسینی ده ییشدی. احمد هاشم ازمیرده حقوق فاکولته سینی بیتیرمیش، سونرا ۱۹۱۲جی ایلدن مالیه ناظیرلییینده دیلماج کیمی ایشله میشدیر.
احمد هاشیمین ایلک شئعرلری ۱۹۰۰ ایلیندن یاییلماغا باشلامیشدیر. بیر سیرل شئعرلری “خیال آخشام” درگیسینده و “مصور” ایله “محیط” کیمی مجموعه لردن چاپ اولور و سونرا “ثروت فنون” درگیسینده ان چالیشقان گونلرینی کئچیریر. آنجاق دوز یازیلارینا “درگاه” درگیسینده چوخ سونرالار باشلادی. “درگاه” درگیسی اونون “بیر گونون سونوندا آرزو” شئعریله یاییلماغا باشلادی. ۱۹۲۷جی ایلدن “آخشام” درگیسینده چالیشاراق، شئعرلرینی یایماغا میدان آچدی. بیر زامان پاریسه گئده رک فرانسیز شئعریله تانیش اولدو. اونون شئعر حاققیندا یازیلاری، پاریسده ده یاییلیردی.
شاعیرین ۱۹۳۲ ایلینده فرانکفورتدان دؤندویونده باسیلان سیاحت یازیلارینی “ملیت” غزئته سینده و “مولکیه” مجموعه سینده اوخویوروق. هاشم بیر چوخلو اثرلری ده تورکجه یه چئویرمه ده چالیشیر. احمد هاشم هله مکتب زامانلاریندان بیر سیرا یازیلاریلا بیر سیرا دوستلاریلا دارتیشیب، ادبی نقدلرینی یولا سالمیشدیر. او، بو دارتیشمالاردا عزت ملیح، حمداله صبحی، عبدالحق شناسی، اورهان شمس الدین، امره بولنت ایله ده توپلانتیلار قوروب ادبی دانیشیقلارا گیریشیر. اونلار او زامان تورکیه ده اورتایا گلن ادبی آخیملار و ادبی انجمنلرله ادبی دارتیشمالارا گیریرلر. او جومله دن “فجر آتی” ادبی آخیمی ایله بو ادبی انتقادی حرکتلر داوام تاپیر. آمما سونرالار احمد هاشم اؤزو بیر ادبی خط سئچه رک، اؤز دوشونجه سی ایله شئعرلرینی باشقالاریندان آییریر.
بوگونه قده ر احمد هاشیمین اثرلری چوخلو ادیبلر طرفینده آراشدیریلیب و اینجه له نیبدیر. اونون حاققیندا یازیلان کتابلار چوخدور . بیز بورادا بیر نئچه سینی آد آپاریریق:
کریم سادی، احمد هاشم، ۱۹۳۳٫
یعقوب کادری، احمد هاشم، آنکارا، ۱۹۳۴٫
ن.آ.احمد هاشم، حیات انسیکلپودییاسی، ۱۹۳۵٫
احمد جودت، احمد هاشم حیاتی و اثرلری، ۱۹۳۷٫
یوسف ضیا، احمد هاشم حیاتی و اثرلری، استانبول، ۱۹۳۷٫
کونت اوزان، احمد هاشم، استانبول، ۱۹۳۷٫
شریف خلوصی، احمد هاشم حیاتی و شعرلری، ۱۹۴۷٫
جمیل سنا اونقون، احمد هاشیمین سیمبولیزمی، استانبول، ۱۹۴۷٫
ظاهر گووه ملی، احمد هاشم و شعرلری، ۱۹۴۷٫
یاشار نبی حایر، احمد هاشم وارلیق یایینلاری، ۱۹۵۴٫
رفعت نجدت ائوریمر، احمد هاشم، استانبول، ۱۹۵۹٫
عبدالحق شناسی حصار، احمد هاشم شعری و حیاتی، ۱۹۶۳٫ م.کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
سامانه پیامکی
آذربایجانین گوزه للیک لری
پیگیری وعده مسئولان
تصویر روز