روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۰۱
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,114
  • بازدید دیروز: 1,443
  • کل بازدید ها: 800,763
آذربایجان مودئرن شئعری ( اوختای رفعت )

قدح
بوراســی دال یان کــافه سی
اورتالــــیق سوت ماویســــی
آپوستول بو نه بیچیم میخانه؟
طاباقیمدا بیر بولوت
قدحیمده گؤگ یوزو
اوختای رفعتی تانیماق اوچون تکجه بونو دئمه یه کیفایتله نیرم کی اورهان ولی ایله اوچلوک یارادان اوچ شاعیرین بیری همان اوختای رفعت دیر. قاباقجا بو اوچ نفردن سؤز آچیب و اونلارین مودئرن تورک شئعرینده یاراتدیقلاری یئنی لیکلردن دانیشمیشام. بو قده ر یئتر.
اوستده یازدیغیم شئعر تکجه بئش دیزه لیک بیر شئعردیر، آنجاق بؤیوک بیر حیکایه اوندا گیزلی دیر. شاعیر بؤیوک بیر اوستادلیق اؤرنه یی گؤسته ره رک شئعره یوک اولاجاق بوتون کلمه لری آییقلامیش ان آز کلمه ایله مرامینی آنلادا بیله جک یوغونلوقدا بیر شئعر یاراتماغی باشارمیشدیر.
شئعرین اورگانیک یاپیسی منظومه یه آدینی دا ونره ن« قدح » کلمه سی اوزه رینه قورقولانمیشدیر. اؤزنه نین قدح کلمه سیله ایمله دیگی گره کن شئی بیر ایچگی سوفره سی دیر. نورمال زامانلاردا آخشام وقتی قورولماسی گره کن بیر شادلیق سوفره سی دیر. آمما شئعره باخیلدیغیندا ایکی آیری زامانین قوللاندیغی گؤرونور. شئعرین اؤزه سی دال – یان کافه سینه گئتمیشدیر. دال-یان، دنیز، گؤل و ایرماقلارین قیراقلاریندا بیر بالیق اوولاما یئری دیر. شاعیرین دال یان کافه سی دییه تانیملادیغی یئر گوندوز کافه و گئجه لر میخانه اولاراق ایشله دیلن بیر یئردیر. تورک کولتورونده بیر میخانه چی تیپی اولاراق ایملنمیش روم آپوستولون ایشلتدیگی متوازی بیر کافه ایزله نیمه وئرمکده دیر. بوراسی نین مداوم لری بللی دیر. یؤره ده چالیشان بالیقچیلار، قاییقچیلار و باشقا ایشچیلرین گروپودور.
گوندوز کافه اولاراق ایشله دیلن بو کافه ده گئجه میخانه خدمتینده اولور. زامان گوندوز دور و اورتالیق سوت ماوی سی دیر. ایندی چالیشما و ایش واختی دیر. بالیق سبدلرله اوغراشما زامانی دیر. آمما اؤزنه نین پسیکولوژیک زامانینا گؤره ایندی شادلیق سوفره سی نین قورولوب ایچگی ایچیلمه سی گره کن زاماندیر. حال بو کی میخانه چی آپوستول، آخشام اولمادیغی اوچون هنوز، ایچگی حاضیرلیقلارینا باشلامامیشدیر. گوندوز اولدوغو اوچون طاباقدا آنجاق بیر بولوتون عکسی واردیر. حال بو کی اؤزنه طاباغی نین مزه ایله دولو اولماسینی گؤزله مکده دیر. عینی شکیلده اؤزنه نین قدحینده گؤگ یوزونون عکسی واردیر. اؤزنه نین ایچینده بولوندویو “زامانا اویمازلیق”شئعرین قورقوسونو اولوشدورور.
شاعیر بورادا شئعرین یاپیسینا و آنلام دونیاسینا ضرر وئره بیله جک کلمه لری متندن آتیر. بیر هئیکل تراش کیمی بیر مرمرین ایچیندن بوتون بیر آنلام دونیاسینی ایفاده ائده بیله جک بیر مینیاتور هئیکل جیک چیخاریر. شئعره گیره ن هر کلمه نین بیر یوک اولدوغونون فرقینده دیر. اونون داشییاجاق باشقا کلمه لر و دیزه لر گره کدیره بیلیر. بونون اوچون شاعیر فقط آنلامدان هئچ بیر فداکارلیق یاپمایاراق متنی نی بیر هؤرومجک تیتیزلیگی ایله هؤرور.
اوستاد شاعیرلر متن لرینی آغیرلاشدیراراق دئییل، بلکه چابوکلاندیراراق هؤره رلر. هر کلمه بیر اوتوبوسا آلینان اضافه یولچولار کیمی دیر. بو آغیرلیق اوتوبوسون آخساغینا سبب اولار. شئعر ده ساده جه او متنه گیره ن دئییل، گیرمه ین کلمه لردن ده اولوشور. شاعیرین سئچیجی لیگی آز کلمه ایچینده چوخ آنلامی داشیمایا یئتر ده آرتار بئله.م.کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز