آزادلیق تؤره دن قوشون ایلک دؤنه تبریز شهرینده

« مجاهد » عنوانی، ایلک دؤنه ایران دا و مشروطه دؤرونده تبریزین غیبی مرکزینده یئرلندی کی کربلایی علی مسیو بینؤره سین تؤکمیش دیر. دئمه ک اولار غیبی مرکزین ده یه رلی و شورلو ایشی ، آزادلیغی ساخلاماق و زورون قاباغیندا دایانماق اوچون مجاهد تؤره تمه ک و مسلّح سازمانی جورله مه ک ایدیر.
تبریز مسجدلرینده دانیشانلار منبره گئدیب آداملاری دؤیوش فنّ لری و توفنگ اؤرگشمه گه تشویق ائتدیلر. بازاردا توفنگ آل وئری و توفنگ اؤرگه شمه ک باشلادی و هامی آت سورمه ک ، نئجه دؤیوشمه کلردن دانیشدیلار.
تهرانین مشروطه چی لری ، مشروطه فرمانلاری نین چیخماسین و مجلسین آچیلماسین هدفه چاتماق اوچون کیفایت بیلیردیلر و تبریزلی لرین انقلاب اوچون توفنگله اوز به اوز اولماقلارین سایا سالماییردیلار. آمما سونرادا کی فیرتانالار ثابت ائتدی کی بیر انقلابی یئرینه یئتیرمه ک ساده لوحلیق ایله اولا بیلمه ز.
اگر مجلسین بمب باران گونو، تهرانین آزادلیق ایستییه نلری ، او بئله قورخمامازلیق ایله ائلییه بیلمه دیلر دؤیوشو باشا وئره لر سببی آماده اولماماق ایدی. بو مجاهدلرین بیر بؤلومو تهران دا آذربایجان انجمنی نین عضولری ایدیلر.
بو دؤره گؤرموش خالقین ایچیندن ، ستارخان، باقیرخان، حسین خان باغبان و میر هاشم خان کیمی ایگیت لر انقلاب مئیدانیندا آددیم آتدیلار . بوتون بو چالیشلار علی مسیو نین نظری آلتیندا اولموشدو و او پولاد کیمی بئله بیر خطرلی ایشی بوینونا آلمیشدی.
قایناق: کتاب تبریز – شهر اولین ها / دوکتور صمد سرداری نیا
چئویره ن : الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz