روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۵
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 447
  • بازدید دیروز: 1,004
  • کل بازدید ها: 871,945
آشیق اصلان اؤلورسه‌ ده ، یاشایاجاق او بیر صنعت‌چی!

قیش‌ ین سازاقلی ایلک گونلرینده، «ساوالان» لا بویلاشان قارلی وقارلی «اورین»ین چاییرلی چیمن‌لی بر اته‌یینده کؤکلــــو و قوجامان بیر
آغاج سس سیزجه قول بوداق اولوب
تـــوپراقا دوشسه‌ده، اونون یاشار
یاشیـــل لیقین، أنلی اوجا بوی
بوخـــــــــو نون و اوره‌ییندن
چاغلاییب حیاتلا قاریشان دوم-
دورو سایســــــیز بولاق لارین
خاطیره‌سینی، «چله‌ خانا» و ورغونلاری هئچ اونودمایاجاقلار.
ائل‌لر- اوبالار هله‌ده یورقونلوق لاریندا، ایندی لیک ده گله جک‌ده، اونون کؤلگه‌سینی آراییب سینه‌سیندن چاغلایان بولاقلاردان دویونجا ایچمک ایسته‌یه جک‌لر. «اصلان» سسی داغ دره ده شاققیلدایاجاق و «صدفلی‌ ساز» ککلیک کیمی قاققیلداماقلا، انسانلارین خاطیره سینده و آذربایجان مدنیتی نین مکتوب و شفاهی وارلیقین دا، بؤیوک بیر یئر توتاجاق دی.
«آشیق اصلان» هوندور آغاج تک یئره- توپراقا قاووشسادا، اونون کؤکو بو توپراقدا یاشایاجاق. ایلک باهار اولدوقودا اونون یئنی جه گؤیه‌رمیش بوداق‌لاری هر بیر یئره قول آتاجاق. گزیب دولاشارکن اونو گؤره‌جه‌ییک «حمزیان» داغلاریندا، «زلزله بولاغیندا» یئرله‌ شن چاییرلی چیمن‌لرده، «چله‌خانا» درگاهیندا، «ربط» له یاخین «شمس تبریز» مزاریندا و ائشیده‌جه ییک حزین و مخمل تک یوموشاق سسی له سؤیله‌نن سای‌سیز شعرلر، آشیق‌لارین سؤز و سازلاریندا.
«آشیق اصلان» اؤلورسه ده یاشایاجاق، او بیر صنعت‌چی ۲۰ نجی یوز ایل لیگین بیتمه‌سینه اون گون قالان ۹۱ یاشیندا فانی حیاتا گؤز یومورسادا، «شهریار» دئمیشکن «گؤزل‌لرین آخیرا قالــــمیشی‌ایدی» و گـــــؤزل لیک‌لر
ســـــولورسادا، عطیـــرلری- دادلاری
انسانلار لا یئنی بیر حیات تاپاجاق دیر.
۱۵ یاشیندان باشلایاراق ۷۵ ایل دن آرتیق عاشیق لیق صنعتی‌لن یاشایان او بؤیوک ساز استادی، خلقین اوره‌یینده تخت قوروب اوزاق ائللرده اوبالاردا اؤز صفا و صاف لیقی لا جماعتین محبتین قازانیر سادا، اونون عظمت‌لی و ده‌یرلی خیدمتی‌، آذربایجان آشیق داستانلاری و ساز هاوالارینی اؤز استادی «عاشیق اسد» دن کی ۱۹- نجی یوز ایل لیگین ایکینجی یاریسین‌دا خوی‌دا دوغولموش و ۲۰- نجی عصرین ۳۰- نجی ایللرینده وفات ائتمیشدی، اؤیره نمه‌سی و یئنی نسیل‌لره باشاریلی بیر حالدا چاتدیرماسی ایدی.
آشیق اصلان ین سؤیله‌دیگی چوخلی داستانلارکی سازلا- سؤزله توی‌دا دو گونده، آشیقلار قفه‌سینده، رادیو و تلویزیون‌دا، دانشگاهلاردا و خصوصا ۱۹۷۵ نجی ایلده لندن دانشگاهی‌نین شرق شناسلیق بؤلومونون دعوتلی‌سی اولاراق وئردیگی کنسرت‌لر و چیخیش‌لار، قیزیل‌لار قده ر قیمت تاپان کاست لرده ضبط اولوب آذربایجان ادبیات و فولکلور و ورغونلاری نین شخصی گنجینه‌لرینده اؤزونه بؤیوک بیر یئر آلیر.
«آشیق اصلان» ین موسیقی باجاریقی و بدیع ادبی یارادیجیلیقی، چئشیدلی شعرلرینده و سازچالدیقدا قودرتلی پنجه لری‌ده کی اؤز دؤو رونده تایسیز و رقیب‌ سیز ایدی، آذربایجان ادبیات خادم‌لری‌نین ماراقینی قازانارکن، بؤیوک ادبیات شناس «دکتر جواد هیئت»ین ۱۳۶۷- نجی ایلده چاپ اولان «آذربایجان شفاهی خلق ادبیاتی» آدلی کتابیندا اونون حیاتی و یارادیجیلقی حاققیندا قیساجا اولورسادا فایدالی معلومات لار وئریلیب دی.
«آشیق اصلان» ین شعرلری ایران اسلام انقلابی نین ظفریندن سونرا، چئشیدلی ژورنال لاردا چاپ اولارکن «دده قورقود» «وارلیق» و «انقلاب یولوندا» آدلی مطبوعاتدا ایسه آرا- سیرا اؤز عکسینی تاپیر و اونون شعرلرینه و اونا اتحاف اولان شعرلره و یازی‌لارا ده‌یه‌رلی یئر وئریلیر.
اونون اوزون و بارلی عؤمری، چوخ‌لی روحی آجیلار و مادی سیخینتیلار ایچره کئچسه ده، صنعت حیاتی بیر اقیانوس تک درین، گئنیش و برکت لی ایدی. خویون «حمزیان» کندینده دوغولوب بویا باشا چاتسادا بوتون خوی، سلماس و اورمو ماحالی‌نین دویون لرینده دعوتلی اولاراق اشتراک ائدیب هله‌ده اونون سسی، سؤز و نغمه‌سی اوزه رینده آراشدیرمالار اولاجاق و «اصلان» تخلص‌لی دویغولو شعرلرینی کاست لردن ییغیب مکتوب لاشدیرماق، آذربایجان مدنیت سئؤه‌ن‌لری‌نین بؤیوک بیر وظیفه‌سی اولمالی‌ دیر.
او ۵۰ ایل دن آرتیق خوی شهری‌نین «دوز میدانیندا» کی تبریز یا انقلاب خیاوانی‌

نین اول‌ لرینده‌دی،
«دهقان آزاد» آدلی
آشیق قفه‌سی‌نین بانی‌سی
اولارکن آشیق لیق صنعتی‌له آلیشان چوخلی شاگیرد لرین استادی اولوب اونلارین هر بیریسی اؤزلرینه ایندی ساییلان بیر آشیق دیلار. «آشیق اصلان» گنج یاشلاریندا «آشیق حسین جوان» لا یاخین دوستلوق سورموش و اونو أن چوخ سئودیگی آشیق آدلاندیریردی.
«آشیق اصلان» اؤز شخصی حیاتیندا، آللاه تعالی‌یا اینانمیش اعتقادلی بیر مسلمان ایدی و اوروج نامازیندا همیشه برک و تعصب‌لی ایدی. اونون اؤلومو ۱۳۷۸- نجی ایلین دی آیی‌نین بیرینده اوز وئره‌رکن، بوتون آذربایجان ادبیات وورغونلارینی اینانیلماز حالدا درین بیر یاسا و کدره دالدیردی. اومودکی بوتون آذربایجانلی‌لار، عظمت‌لی بو ساز استادی‌نین آدینی یاشاتماقدا و اونون کاست‌لرینی اؤز شخصی گنجینه‌لریندن چیخاریب رسمی مجوز‌لر ایله یایماقدا، أل‌لریندن گلنی اسیرگه‌مه یه‌لر.
***
– اورین و چله‌خانا خوی شهری‌نین آدلیم داغلاریندان دیلار .
– حمزیان خویون کندلرییدن دیر .
– زلزله‌ بولاغی صفالی بیر یئر آدی دیر خوی‌دا .
– ربط، آشیق اصلانین یاشادیقی محله‌نین آدی دیر.
– شمس تبریز مزاری آشیق اصلان‌ین یاشادیقی ائوین یاخین‌لاریندا دیر.
– آشیق اصلانین سیجیللی ده دوغوم
ایلی ۱۲۹۶ گونش ایلی قید اولونسادا
اوون اؤز سؤیله دیگینه گؤره ۱۲۸۷
نجی ایلده دوغولموشدور.
علیرضا ذیحق

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز