آغرین آلیم

بو چرخی دُونموش فلکــــــــــه
نِئیله میشم آغرین آلیــــــــــــــم
آچیلمامیش گولّریمـــــــــــــــی
اِئتدی هَشَم آغرین آلــــــــــــیم
اویلاغیما بوزلار یاغیـــــــــــر
ایتگین دوشن باختیم چاغیـــــر
روحو دوشگون یوکو آغیــــــر
جــفا کِشم آغرین آلیــــــــــم .
گیلِیلی یم او سیرداشــــــــــــدان
اعتیبارسیز باغری داشــــــــدان
دوستدان، قوهومدان، قارداشدان
اینجیمــیشم آغرین آلیــــــــــم.
وارمی من تـــــک درده دؤزَن؟
قارا گونلر باغـــــــــــری اَزَن؟
مجنون کیمی چؤلّر گـــــــــزَن
بیر درویشــــــم آغریـــــن آلیم.
هر بیر حؤکمی وئرن بـــاختی
نه حاکیمدی نه ده تاخـــــــتدی
قوی او گولسون آغلامــــاقدی
منیم پِئشم آغــــــــــــرین آلیم.
دِئیین اونا باخـــــــــــــتی قارا
گؤزله بیرگون دوشــــمه دارا
من “داشقیـــــــــنام” آه و زارا
اؤیرَنمیشم آغیرین آغرین آلیم.
مظاهیر داشقین

دیدگاه بگذارید

avatar
  Subscribe  
باخبر شدن از