روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۲/۰۲
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 206
  • بازدید دیروز: 504
  • کل بازدید ها: 573,714
آنامین تندیری (ناغیل)

کندیمیزده، گؤز آچدیم دونیایا، دیل آچدیم دانیشدیم و آنامین لای – لای لاریندان موسیقی اؤیره نیب نغمه‌لر اوخودوم.
گونلرین بیر گونونده تندیریمیزین تؤکولوب داغیلان بیر چاغیندا، آنام دئدی: آی منیم نازلی بالام! آرتیق داها تندیریمیز تؤکولوب – داغیلیبدیر، گل گئده ک تندیر توپراغی گتیره ک و یئنی‌دن بیر تندیر قویاق (دیکک). دئدیم:
– آی آناجان تندیر توپراغی نه دیر؟
آنام دئدی:
– گول بالام ! بیر قیرمیزی توپراقدیر. یاخشی بیر پالچیغی (چومورو) اولار و اوندان گؤزه ل تندیر قوروب قویماق اولار. بونون اوچون ده بو توپراغا تندیر توپراغی دئییریک.
آنجاق اوزون سؤزون قیساسی بیز یولا دوشدوک، کندین شمال تاییندا بیر تپه واریدی. بیز تپه‌یه دوغرو یوللاندیق و یئتیشدیک. تپه‌نین چوخلو یئرلری قازیق- قازیق ایدی. من سوروشدوم:
– آناجان بو تپه نه دن بؤیله قازیلیبدیر؟
آنام سؤیلدی:
– دوزلو بالام! بو تپه‌نین توپراغی چوخ یاخشی، قیرمیزی توپراق اولدوغو اوچون کندین‌ هامیسی بوردان توپراق آپاریرلار.
آناملا بیرلیکده توپراغی قازیب، بیر ائششک ایله بیر قاتیرا یوکله‌ییب، ائوه قاییتدیق. ائوده باشلادیق پالچیق توتماغا و پالچیغی بوللو آیاخلاماغا. بیر گون سونرا (پالچیق یئتیشندن سونرا) آنام باشلادی تندیری قویماغا. آنجاق تندیر دوزه لیب بیتدی. آنام تندیرده اود یاندیریب، اونون پالچیغینی بیشیریب ساخسی‌دک برکیتدی. بیر گون سونرادا خمیر دوزه لدیب، چؤره ک یاپدی.
آنام تندیریمیزده یئددی چئشیت (نوع) چؤرک یاپاردی:
– ساج لاواشی
– تندیر لاواشی و بئش چئشیت قالین چؤره ک:
– یالین قالین (خمیریله اولونموش قالین چؤره ک)،
– یاغلی فتیر (ساری یاغ ایله دوزه لمیش خمیردن اولونان قالین چؤره ک)،
– سوت فتیری (سوت ایله اولونموش خمیردن اولونان قالین چؤره ک)
– قاتیق فتیری (یالین خمیرین اوزونه قاتیق یاخیب اونو قالین یاپاردی و بو فتیر‌ هامیسیندان آرتیق قیزاراردی)
-ته ته ( خیتاب ) (بو قالین چؤره یی‌ده اؤزللیکله یاز چاغیندا داغ تره‌سینین واختیندا یاپاردی. آنام گئدیب داغدان یئملی اوتلاردان او جمله دن: یاغلیجا، قاز آیاغی، ماندا، سیغیر دیلی و باشقا دادلی – یئملی اوتلاردان دریب گتیریب و خمیرین ایچینه قویوب و بیر قالین و بؤیوک چؤرک یاپاردی بو قالین چؤرک‌ هامیسیندان دادلی اولاردی.
بو چؤرک لر کندیمیزین ده ییرمانیندا دارتیلان اون‌لاردان اولدوغو اوچون و بو اون‌لار کپکلی (سبوسدار) اولدوغو اوچون، بیرده یاناجاقلاری آغاج و تزه ک (حئیوانلارین فضولاتی) اولدوغو اوچون چوخ دادلی اولاردی.
آنامین تندیرینده چوخلو شیرین آنلاریم اولوبدور، یاز ایله یای‌دا مکه، ات کابابی، یئر آلما کابابی بیشیرردیک، پاییزایله قیشدا ایسه چؤره ک یاپاندان سونرا‌ هامیمیز بیرلیکده آیاقلاریمیزی تندیره ساللاییب، آنام ایسه بیزه ناغیل دئییردی.
کاش او گونلر بیرده قایدایدی! … کاش!
بهرام حسینی ماکی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز