آگلانما

آگلانما ، گؤزه ل ائو گوللریندن دیر کی چوخلو اونو آلا بولا گؤزه ل یارپاقلاریندان اؤترو ساخلاییرلار.
بو بیتگی گره کدیر آز چوخ ایشیق اولان یئرده قالسین . بو بیتگی چوخ داواملی و دؤزوملو بیتگی لردندیر و چوخ راحاتلیقلا آپارتماندا ساخلاماق اولار. هفته ده بیر دؤنه سو وئرمه ک بو گول اوچون گؤره ر . چوخ سو وئرمه ک بو گولون یارپاقلاری نین سارالماغینا سبب اولار.
آنجاق آییق اولون کی بئلنچی بیر گولو چوخ سویا باسمایین! البته یای دا هاوا قیزیشاراق گولدانین تورپاغی قورویاندا سووارین و هردن بیر یارپاقلارین اوستونه سو توزو سه پین!
بو گول دیبدن بئچه له ین قوللاری آییریب اکیب و پیل وورماق یولو ایله چوخالا بیله ر.
هاچان گؤردوز یارپاقلاری نین اوجو قورویان کیمی اولور ، چوخ احتمال وئریلیر کی سوسوزلوقداندیر.
بو گولو نه چوخ کؤلگه یئرده و نه ده چوخ گون آلتیندا ساخلایین.
پنجره قاباغی و ایشیقلی یئر بو گول اوچون یاخشی دیر.
هر ایکی اوچ هفته دن بیر بو گول اوچون سولو کوددان فایدالانماق داهادا آرتیق یارپاقلاری نین گؤزه للنمه یینه آرتیرار.
بو گولولون گولدان تورپاغی ، یارپاق تورپاغی کیمی یونگول اولمالی دیر.
قیش دا اون بئش درجه و یای دا ییرمی دؤرد درجه ایستی بو گول اوچون یاخشیدیر.
قایناق: اینترنت/بیتوته –
چئویره ن و آرتیران: الف . عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz