روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۴
روزنامه ساقی آذربایجان
تبلیغات
آمار بازدید
  • 0
  • 168
  • 700
  • 1,332,108
اؤلمه ییبسن!

عاشورا حماسه سین دیری ساخلایان ، قادینلار قادینی ، زینب حضرتلری (س) باره سینده دانیشماق بیزیم اوچون چوخ چتیندیر.
ایسلام دینی نین بایراغینا دایاق زینب حضرتلری نین آجیلیقلاری هئچ تدقیقاتچییا گیزلین اولمایاراق، ایمکانی یوخدور کی « اربعین » کلمه سی گؤزه دَه یَه ، « زینب حضرتلری » یادا دوشمه یه .
بو گونلرین مناسبتینده ، آغیر غم یوکو داشییان خانیم ، کربلا شهیدلری نین زیارتینه گئتمیشدیر.
حضرت زینبین(س) دیلیجه – مرثیه:
داغدار ائتدی حسین(ع)! پوزغون مزارون زینبی
آتــــــــشِ عشقه سالیب ، صبر و قرارون زینبی
*
غـــم قوجالدیبدیر منی ائیلیبدی گیریان قارداشیم!
گؤز یاشیملا بیر آخیر گؤزلرده کی قان قارداشیم!
چوخ مصیبـــــتله یئتیشدیم قبریوه، جان قارداشیم!
ائیله دی نیــــــسگیل داغی محزون غبارون زینبی
*
سؤیله ییم آخیر سنه من هانسی بیر فرجـــامدن؟!
کــــــــوفه دن یا دیر راهیب دن یا راه شام دن؟!
گل دئییم بیر قورخولی ویرانه قالــــمیش دام دن
گؤر نئجه ســــوزان ائدیبدیر طفل زارون زینبی!
*
باغریما اود سالدی هیجران،قانه دولــــدی شامده
غصّه دن بیر نوگولون آج یاتدی ســولدی شامده
هئچ سوروشمورسان رقیّه ن پس نه اولدی شامده
جـــــان وئریب یاندیردی نازلی یادگارون زینبی
*
محبس اولدی روحیمه او مُلک شـامی قارداشیم!
شرمسارم کی دییه م من چوخ کلامی قارداشیم!
اکتـــــــفا ائت بو سؤزه آل بو سلامی قارداشیم
یانـــــدیریب یاخدی خلاصه روزگارون زینبی
*
قالمادبق ســــــــاکت ولی پوزغونلو بیر آمالده
عرصه نی دار ائیله دیک ظولمه خروشان حالده
فرصتی دشمن دن آلـــــدیق، وقتِ قیل و قالده
صـبره تسلیم اولدو چون دوتدی وقارون زینبی
*
ائیله دیک رسوا یزیدی شامده سجّاد ایله (ع)
ناگــــران اولما کی جنگیم وار گئنه بیداد ایله
هاشمی بولبــــــــوللری قویمام گزه صیّاد ایله
عارفِ فاضل ائدیب عطــــــــرِ بهارون زینبی
*
خطبه میز یارمیشدی دشمن باغرینی شمشـــــیر تک
گؤز یاشی آنجاق سلاح اولموشدو کسکین تیر تک
روبهانِ کوفه و شامی ووروردوق شــــــــــــیر تک
ائیــــــله دی ســـــــــــؤزلر دَنیزی اقتدارون زینبی
*
باخما معناده بئله نیـسگیللی محـــــزون هیئته
دولموشام آللهه آند اولسون سراسر حــئیرته
یئنــــــدیریب جانون تکان وئر قلبِ شاهِ امّته
گؤرنه حــاله سالدی قانلی لاله زارون زینبی!
*
اولموشام افسرده هیجرانیندان ای دریــای داد
گل دعا ائیله بو تئزلیکله آچـــــیم وصله قاناد
قالماییم دونیاده گؤرموم بیر بئله جور و فـساد
ائیله دی مفتون او رازِ آشکـــــــارون زینـبی
*
دونیانین باغرین گره ک بو کربلاده داغلـــــییام
نیسگیلین چوخدور یئری وار هرنه قدری آغلییام
قالمادی فرصــــــت منه قارداش! یاراوی باغلییام
غرقِ ماتم ائتدی حزنِ بیشمـــــــــــــارون زینبی
*
قوی غریبلیکلرده یانسین قوربانون اولسون باجون
چیرپینـــان قلبی دایانسین قوربانون اولسون باجون
باشیـــــوه پیدر دولانسون قوربانون اولسون باجون
اودلادی دونیـــــــــــــاده چشمِ اشکبارون زینبی
*
روحیوی قایتارماغا بیر یول چالیش منله حسین! (ع)
آیریلـــــــــــیقلار آتشینده دور آلیش منله حسین!
دلشکسته قالمـــــــیشام گل بیر دانیش منله حسین!
الامان ائیلیبدی حالِ انتظـــــــــــــــــــارون زینبی
*
اَللـــــــــــری قوینوندا باخ گؤر نه نوا ائیلیر رباب!
سینه داغین غمــــــــــــلی حالدا برملا ائیلیر رباب
ایسته ییـــــــــــر دردین دئسین اما حیا ائیلیر رباب
اودلادی بو همـــــــــــــــــسر بی اختیارین زینبی
*
ناز بالاسین وئر آنا بیر آرزییا چاتسین حسـین!(ع)
باغرینا باسدیقجا بیر بیر غملرین آتســـین حسین!
اصغرین راحتدی راحتتر ولی یاتسین حــــــسین!
یاندیریب یاخدی عجب دیلســـیز هزارون زینبی
*
من دئییم یالقیز بالاندان ، سنده اکبردن (ع) بویور!
من دئییم نازلی رقیّه ندن، ســـن اصغردن(ع) بویور
من دئییم یاسدان ، سن عــباسِ (ع)دلاوردن بویور!
قارداشیم! چوخ یاندیریبــــــدی روزگارون زینبی!
*
اؤلمه ییبسن آمما سن ای عـــــــــــارفِ عالی مرام
حق یولوندا اؤلمز هئچ بیر شخص مخصــــوصاً امام
بو آخان گؤز یاشی اولموش آیریلیقـــدان، وَالسلام
عزّته مالیــــــــــک ائدیب پــــــروردگارون زینبی
دادا بیلوردی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز