روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۷
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 1,120
  • بازدید دیروز: 1,309
  • کل بازدید ها: 834,314
ائششک ایله یولداشلیق ائتمه ک

بیر کندده بیر کیشی واریمیش بونون بیر دوه بیر ائششکی واریمیش . بیر ایل یایین ایستی چاغیندا اوْ بونلاری چوخ ایشله دیب یوْرورموش.
بیر گون بونلار فُرصت ائله ییب قاچیب کنددن ائشیکده کی اوْتلاقلارا دوشورلر. دورلو – دورلو گوْم گوْی اوْتلار، سرین سولار ایچینده یئییب ایچیب خوْش کئچیریرلر .
آجیندان یوْرقونلوقوندان سومویو بللنمیش ائشکین بالا- بالا دریسینین آلتینا ات سو گلیر ائله جه دوه ده اوسارسیز سروان سیز اؤز خوْشلادیگی کیمی گون کئچیریر .
بیر گون ائششک یئییب ایچیب شن له نیر دوه یه دئییر دوه قارداش منیم اوخوماقیم گلیر قولاق آس گؤر نئجه اوْخورام. دوه ایسه او هَندَوَرده آدام قوْخوسو دویوب ائششکه دئییر یوْخ ائششک قارداش ایندی اوْخوماق چاغی دئییل اولا بیله ر کی یئیه میز سسینی ائشیدیب گلیب بیزی تاپیب یئنیدن او سارسیدیجی گونلریمیزه قایتارار .
ائششک بیر آز دایانیر آنجاق یئنی دن دئییر : یوْخ دَوه قارداش من اوْخوماقیمی ساخلایانمیرام دوه نه قده ر یالوارسادا سؤزلری ائششکین قولاغینا کئچمیر کی کئچمیر .
او ْ آغزین گؤیه توتوب اوجادان آنقیریر. بونلارین یئیه لری نئچه گون بونلاری آختاریب یوْرولموشدو ائوه قاییتماق ایستیردی کی ائششکین سسین ائشیتدی .
یاخیندا کی چوْبانلاردان کؤمک لیک آلیب بونلاری توتوب نوْخدالاییب اوسارلاییر . او کی اولده اوره گی بوْشالینجا بونلاری تاپدالادی سوْنرا ایسه ائششکی مینیب دالینجا دوه نین اوْساریندان توتوب یوْلا دوشدو . بو زامان گؤیده بولوت واریدی بولوتلار آرتیلیب بیرله شیب گؤی گورولدادی ایلدیریم شاخدی یاغیش سئل کیمی گؤیدن یئره توْکولدو .
کندلی کیشی، بیر سیلدیریم داشین آلتیندا یاغیش آچینجا آرخالاندی سوْنرا یئنه یوْلا دوزه لیب کنده ساری قاییتدی .
اوْنلار آخشاما یاخین کندین یانیندا کی چایا چاتدیلار .
آنجاق چایدان ائله زوْر سئل گلیر دی کی کیشی باخدی گؤردو دَوه دن باشقا هئچ نه اوْ سئلدن کئچه بیلمه ز اوْنون چون دوه نی خیخلاییب اوْتوردو .
ائششکی دوه نین یانی اوستونه چاتیب اؤزو ایسه بوخومونا مینیب دَوه اوسارین الینه آلدی دَوه آیاغا قالخیب چایین ایچینه گیردی .
آنجاق سئلین آراسیندا دایانیب ائششکه دئدی : ائششک قارداش منیم بته ر اوْیناماقیم توتوتور .
ائششک باشلادی یالوارماقا : یوْلداش منه باخما منه اسگی چاغدان بری ائششک دئییب لر آدیم اوستومده دیر آنجاق سن ایسه نجیب حمیل یاخشی حئیوان سان سن … . دوه دئدی یوْخ ائششک قارداش من اوْیناماقیمی ساخلایانمیرام گره ک اوْینایام .
دَوه بونو دئییب یانین بیر اویانا بوردو بیر بویانا بوردو ائششکی اوستوندن سالدی . ائششک سئله دوشوب سئلیله گئتدی . دَوه ایسه دئدی بیرده من اوْللام ائششک له دوْستلوق ائتمه رم.

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز