روزنامه کثیرالانتشار سراسری صبح ایران
به دو زبان ترکی و فارسی
۱۳۹۸/۰۶/۰۱
سوروشـــــــــــما حالیمی بو زمانه ده
سوروشسان آخ واییم یاندیــــرار سنی
آچمـــــا دردین منه درمان یوخومدی
درمانســـــــــیز دردلرین آغلادار منی
*
اؤز دردیم اوزومده قالـــــدی گیزلیده
آمما درد الیندن هئچ ســــــــیزلامادیم
آغریماز باشیـــــــــما دسمال باغلادیم
آغـــــــــــرییان باشیمی ساغیزلامادیم
*
ائل کؤچنده هارای چکدیم آغــلادیم
داغلار دئدی شاعر ائله آغلـــــــــــاما
دئدیـــــــــــــم نئجه آغلاماییم ائلیمه
دئدی آغلاســـــــــــــاندا ائله آغلاما
*
خوش اونون حالینا قانمـــــــاز یاشاییر
قانمازین حالینا قانان آغــــــــــــلادی
قانان آغـــــــــلایاندا اوره ک یاندیرار
قانماز آغلاسادا یالان آغـــــــــــلادی
*
عؤمور گلیر گئچیر آغلی قــــــــارالی
گئجه لر گیزله نیب گــــــون دالیسیندا
عؤمور بیر صاندیقدیر آغـــزی قیفیللی
آلیبدیر آپاریر گون دالیسیــــــــــــندا
*
دئییرم ای « اصغر » قیش عؤمروموزون
گونلـــــــــــری دولانار یاز اولار بالا
آتالار دئییبلـــــــــــــــر بیر مثل بیزه
یامان گـــــونون عومری آز اولار بالا
اصغر اسدی اسبخوان
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید