روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۵
روزنامه ساقی آذربایجان
تبلیغات
آمار بازدید
  • 0
  • 389
  • 761
  • 1,333,090
ائو ایچینده الدن دوتماق

کریم مشروطه­ چی سؤنمز تخلصی ایله بو گونکو آذربایجان شعری نین ذیروه سینده دایانان محتشم شاعیرلریمیزین بیری سی دیرکی ۱۳۰۷ جی ایلینده تبریزده آنادان اولوب، زمانه میزین ائنیش- یوققوشلو آخیمینی دالدا قویوب، توفانلاری باشدان کئچیریبدیر. شاه رژیمی نین استبدادیندان قاچا بیلمه ییب. دوستاقلارا سورگونلره ده معروض قالیبدیر. آنجاق بیر آن دا سوسماییب، خالقیمیز اوغروندا دایانمادان چالیشیبدیر. شاه دوورونده «آغیر ایللر» شعری دفترینی یازان شاعیر، انقلابدان سونرا، «آمان داغلار»، «شئح مونجوغو»، «عیسانین سون شامی» «بو یاشدا» شعر اثرلرینی خالقینا اتحاف ائتمیش، نثر ساحه سینده ده بؤیوک باجاریلیقا «حسرت چلنگی» و «ایملامیز حاققیندا» اثرلری یاراتمیشدیر. بونلارلا برابر «حیدر بابایا سلام» ین فارسیجایا شاعیرانه ترجمه سی، شاعیریمیزین شعریت کارنامه سینی داها زنگین لشدیریر. ایللر بویو – وارلیق درگی سینین اکثر نمره لرینده ده یئرلی مقاله لریله چیخیش ائدیر.
سؤنمزین شعرلری شاهین بوغونتولو زامانیندان بو گونه قده‌ر دیللر ازبری اولوب و چوخلو شعرلری بوگون موسیقی میزده سسله نیر. اونون درین توپلومسال گؤروشلری، نجیب شاعیرانه دویغولاری، اینسان سئوه رلیک فیکیرلری هر اوخوجونو جلب ائدیر و شاعیریمیزی اوره ک لرده یا شادیر. شاعیرین ایلهام قایناغی، گرچک حیاتدان گؤروب- گؤتوردویو تجربه لر، تاثیرلندیگی حادثه‌لر و یاشانتی‌لار اولموشدور. شعرلرینده یاشایان دوشونجه لرین مایاسی گرچک حیات اولموشدور. شاعیرین ایلک اثری اولان «آغیر ایللر» ۱۳۵۶ جی ایلینده یارانیب قورتاریر. بو اثر، «حیدربابایا سلام» سایاغیندا و فورماسیندا اولاراق ۱۷۴ بنددن عبارت دیر.
بیر شعر:
سون سؤز
دستانیمی اوخویانلار!
ناغیلیمی دینله ین لر!
هر کیمسینیز،
سیزی گؤروم داماغینیز چاغ،
اوزونوز آغ،
وجدانینیز اویاق اولسون!
اوره گیمدن
یاشیل – الوان چیچکلنمیش آرزیلاردان
دیلک لردن دردیگینیز هر نه دیرسه،
ایستر یالنیز بیر شاخه گول،
ایسترسه ده خرمندن بیر قوجاق اولسون.
دردیگیزی گؤزه ل – گؤیچک دسته له یین،
سونرا اونا بیر نسخه ده
ناغیلیمدان سانجاقلایین،
اوره ییزه دایاق اولسون.
“میانا”دان یولوز دوشسه،
سیزی تانری!
اورادا بیر دایانارکن،
ناغیلیمی
او انصافسیز شاللاقچی یا هدیه وئرین،
بیر اوخویوب،
ایشلرینده سایاق اولسون….
قایناقلار:
م.کریمی، آذربایجان چاغداش ادبیاتی، جلد دوم، زنجان، ۱۳۸۶٫
م.کریمی، ائلیمیزین سؤنمه ین شاعیری، تهران، انتشارات پینار، ۱۳۹۰٫

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز