روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۱۵
روزنامه ساقی آذربایجان
تبلیغات
آمار بازدید
  • 0
  • 836
  • 857
  • 1,394,129
احیــا گئجه لـــری

قدر سوره سی نین آیه لرینه باخاراق ، احیا گئجه لری نین ده یه ری بیزه داها آرتیق آیدینلاشیر. چونکی:
– قرآن اوندا نازل اولوبدور.
– احیا گئجه لری اویاق قالیب عبادت ائتمه ک ، مین آی دان چوخ اولان ده یه ر یله برابردیر.
– تانری نین خئیر برکتی او گئجه نازل اولور.
– تانری نین خاص رحمتی بنده لری نین حالینا شامیل اولور.
– تانری نین ملک لری و روحلار ، او گئجه یئر اوستونه یئنیر.
*
احیا ( قدر ) گئجه سی ، ایسلامین مقدّس و ایسته کلی گئجه لریندن دیر. تانری اؤز کیتابی قرآن دا اوندان بؤیوکلوکله آد آپاریب و اونون آدیندا ( قدر سوره سی ) ، سوره نازل ائدیبدیر. ایلین بویوندا هئچ بیر گئجه قدر گئجه سینه چاتماز . بو گئجه ده قرآن، تانری پیغمبری نین اوره گینه قویولوبدور و روحلار ، ملک لر یئر اوزونه یئنیب عبادته باشلاییرلار. احیا گئجه سی نین عبادتی نین ده یه ری مین گئجه دن آرتیق عبادت ائتمه کدن ده ثوابی چوخدور . بو گئجه ده اینسانین بیر ایل لیک مقدّراتی رقم وورولور . ملک لر بو گئجه یئر اوزونه یئنیب ، امام زمان (عج) حضرتلری نین قوللوغونا گئدیب ، بنده لره مقدّر اولان زادلاری او حضرته عرضه بویورارلار. اویاق قالیب احیا ساخلاماق، قرآن اوخوماق ، مناجات و عبادت ائتمه ک بو گئجه ده چوخ تاپیشیرلیبدیر.
*
احیا گئجه سی نین ، باشقا گئجه لرله توتوشدوراراق ، بؤیوکلوگون و ده یه رین بیلمه ک و ثوابینا یئتمه ک ، آشاغاداکی ایشلریله داهادا آرتیق و آیدینجاسینا آریدیلیر :
گوناهدان گئچمه ک :
تانری پیغمبری (ص) ، قدر سوره سی نین تفسیرینده بئله بویوروبدور:
« هر کیم قدر گئجه سی اویاق قالیب مؤمین اولسا و جزاء گونونه اینانسا، بوتون گوناهلاری باغیشلانیر »
رمضان اوره گی:
امام صادق (ع) حضرتلری بویورور:
« تانری نین کیتابیندان آلینیر کی هر ایل اون ایکی آی دیر ، آی لارین باشی رمضان آیی دیر و رمضان آیی نین اوره گی « احیا گئجه لری » دیر
قرآنین گلمه سی:
دئییشلره گؤره، قرآن بوتونلوکده، قدر گئجه سی تانری پیغمبری نین زولال اوره گینه قویولوبدور، آمما یاواش یواش و قیرتی قیرتی ، ییرمی اوچ ایلین بویوندا پیغمبر (ص) حضرتلری نین کلامی قالیبنده ائل اوچون نازل اولوبدور.
مین ایل دن ده یه رلی:
روحلارین و ملک لرین یئره یئنیب ، تانری بنده لرینه سلام وئرمه کلری ، او گئجه نین بؤیوکلوگون و ده یه ری نین چوخ اولماسین گؤرسه دیر . و بیلینیر کی بیر احیا گئجه سی مین گئجه دن شرافتلی دیر. امام باقر (ع) حضرتلری بویورور:
« احیا گئجه سینده ، ناماز قیلماق، زکات وئرمه ک و آیری یاخشی ایشلر کیمی صالح عمل لر ، باشقا آیلارین عمل لریندن کی اونلاردا قدر گئجه سی یوخدور ، یاخشی و اوستوندور »
*
احیا گئجه سین غنیمت سایاق
احیا گئجه سی بیز اوچون بیر قیزیل و ده یه رلی فُرصت دیر کی اوره ک آیناسین یویوب دورولداق. آنجاق بیــزه یاخشی بیر واختدیر کی بو واختدا ، یاخشیلیقلاری پیسلرین یئرینه قویاق، باریشیغی و دینجلیگی ، دؤیوش ایله فیرتانانین یئرینه قویاق، احسان وئریب یاخشیلیق ائتمه گی ظولمون یئرینه قویاق، آتا آنایا احسان ائتمه گی ، عاق والدین اولماغین یئرینه قویاق، صله ی رحم ایشین ، قطع رحم یئرینه قویاق و ها بئله – صدقه وئرمه کله آخیرت ائوی نین داهادا آرتیق آبادلاشماغیندا چالیشاق.
قدر گئجه سی ، احیا ساخلاماقلا و اویاق قالیب عبادت ائتمه کله ، بؤیوک تانری بیزیم آدیمیزی یاخشی بنده لری نین سیراسیندا یازیـر و جهنّم اودون بیــزلـره حرام ائدیــر.
آیا بونداندا یاخشی بیر ایش اولار کی جهنّم اودو بیزه حرام اولسون و بیز تانری یا یاخینلاشاق؟!
رمضان گئجه لری نین دوعاسی و اونو دال با دال اوخوماق بیزیم اوره گیمیزه ایشیق ساچیـر. یاخشیدیـر دوعالاری اوخودوقجا سؤزلـرین معنالارینا دا درین باخاراق ، گونده لیک ایشلریمیزده گؤزو آچیق و بیلیجی لیکله آددیم آتاق.
تانری قبول ائتسین
قایناق: اینترنت/رشد – چئویره ن: الف.عظیمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز