« ادبی کؤرپو » آدیندا آیلیق شعر ژورنالی ۲۵ صحیفه‌ده الکترون شکیلده نشر ائدیلمیشدیر. آذربایجان شعری اوزره فعالیت گؤسترن و لاتینجا نشر اولان بو آیلیق الکترون درگی تانینمیش شاعریمیز «سخاوت عزتی»نین تشبثی ایله یاییلیر. درگینین بیرینجی نومره‌سینده آذربایجان شاعرلریندن: حبیب ساهر، عباس بارز،‌هاشم ترلان، سؤنمز، عدالت دومان، گونای حسنلی، شریفه جعفری، چالغین، صیاد زیادپور، لیلی کهالی،علی جوادپور، ممد اصلان، ائلدار موغانلی، صالح سجادی، سخاوت عزتی و دیگر آذربایجان شاعرلریندن شعر نمونه‌لری یاییلیبدیر. درگینین بیرینجی نومره‌سینی PDF فورمتده ایشیق سایتی‌نین کیتاب بؤلوموندن الده ائده بیلرسینیز.
«ادبی کؤرپو» آیلیق شعر ژورنالی‌ ایله بو آدرسله علاقه ساخلاماق مومکوندور: edebikopru@gmail.com