اسحاق افندی زنجانی کیمدیر؟

اسحاق زنجانی صفویه دؤرونده یاشاییب – یارادان بیر شاعیردیر. ایندیلیکده اونون یاشاییشیندان الدن معلومات اولماسا دا، الیمیزدن ایکی الیازما واردیر.
بیری اونون غزللرینی احتوا ائدیر و بؤیوک حجملی بیر دیوانی نین وارلیغیندان خبر وئریر و ایکینجی اثر بیر مثنوی دیر.
بو الیازمالار گؤسته ریر اسحاق گوجلو بیر غزل شاعیری دیر. مثنویسی ده طریقت مساله لرینه توخوناراق، اونون تصوف اهلی اولدوغونو بیلدیریر.
بو ایکی الیازمایا آرخالاناراق، اسحاق زنجانی صفویه دؤرونده یاشایان و بؤیوک شاعیرلر او جمله دن: خیالی، ذاتی، نجاتی و شوقی تبریزی ایله یاخینلیغینی اؤیرنمک اولور؛ آنجاق الیازلارین هر ایکیسی ده اونونجو عصره عاییددیر و شوبهه ائتمه دن شاعیرین ۱۰جو عصرده یاشاییب – یاراتماسینا اینانیریق. دیل اؤزه للیکلری ده بونو گؤسته ریر.
آنجاق بیز بورادا ایندیلیکده نئچه غزلینی نمونه وئره رک، شاعیری معرفی ائدیریک. آرزو ائدیریک اونون حاققیندا معلومات الده اولانلار بیزه یاردیم ائتسینلر. بیز ده اونون شعرلرینه تقدیم ائده جه ییک. ایندی هله شعرینی اوخویون:
هر زمان اول نرگس فتاّن مست
خنجــــــر برّان الینده قان مست.
هی نه ظالم­ـــــدیر شراب نازدن
بیر دم آییق اولمادی الان مـست
گؤره ­لی مشکین ساچین، میگون لبین
دل پریشان، عقل حیران، جـــان مست.
سرّ عشـــــــقی آشکار ائتدی گؤیول
گیزلی رازین ائده­ مــــز پنهان مست.
بوسه انعام ائیله شـــــــــاهیم، قوللارا،
بخشش ائیلر اولیجاق سلطــــان مست.
غنچه نین آغزین قوخــــــولار ژاله ­لر
کیمسه گؤرمز جام الینـــده قان مست.
***
دلبریم گلشــــنِ جنتده آچیلمیش گولدور
اهل جنّت گیبی، یارب، آنی هر دم گولدور.
قفــــس تنده­ کی دل مرغنی ای سرو سهی
آشیــانی باشی اوستونده گؤره­ نین گولدور.
زلف و خدیّن حرم حُسنه ایکــی خادم­دور
بیریسی­نین آدی ریحان، بیری­نین سونبولدور.
عشق بابینی تمام اصلی – فصـــــــــــــلیله
بولبوله سور کی گلستان اوخویان بولبولدور.
رُخی دورنده لبی فکرینه دوشموش “اسحاق”
نئیله ­سون لازم اولان موسم گولده مُلدور…
م. کریمی

دیدگاه بگذارید

avatar
  Subscribe  
باخبر شدن از