روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 943
  • بازدید دیروز: 1,605
  • کل بازدید ها: 841,891
الیف شافاکین «عشق» رومانی

الیف شافاکین «عشق» آدلی رومانی قوزئی
آذربایجانلی مترجم، نریمان عبدالرحمانلی
الی‌له آذربایجان تورکــــجه‌سینه چئوریلن
اثری، مــهدی میمـــــندی طرفیندن عرب
الیفباسینا کؤچورولوب و آزجا رئداکته اولوناراق، اتک یازیلارلا تبریزین نباتی نشریاتی طرفیندن ۴۳۲ صفحه‌ده، رقعی بیچیم‌ده ۱۳۹۷-جی ایلین شهریور آییندا یایینلاندی.
الیف شافاک، ۲۵ اوکتیابر ۱۹۷۱-جی ایلده فرانسادا، ایستراسبورقدا دونیایا گلمیش تورک اصیللی یازیچی‌دیر. آتاسی سوسیال پسیخولوق نوری بیلگین، آناسی دیپلمات شافاک آتایمان‌دیر. دوغولاندان قیسا بیر واخت کئچندن سونرا آتاسی و آناسی آیریلیب، آناسی‌نین کؤلگه‌سینده بؤیویوب و سوی‌آدی کیمی آناسی‌نین آدینی گؤتوروب. اورتا تحصیلینی آناسی‌نین چالیشدیغی یئر اولان مادریدده، داها سونرا لیسانس تحصیلینی «آنکارا آتاتورک آنادولو اونیوئرسیتئتینده» آلیب. یوکسک تحصیلینی اورتا شرق تکنیکی اونیوئرسیتئتی‌نین اولوسلارآراسی علاقه‌لر فاکولته‌سینده آلیب..
الیف شافاکین اینگیلیسجه قلمه آلدیغی و ۲۰۰۹- جو ایلین مارت آییندا چاپ ائدیلن «عشق» آدلی رومانی تورک ادبیّاتی تاریخی‌نین «اَن قیسا مدتده اَن چوخ ساتیلان ادبی اثر»ی آدینی قازاناراق تورکیه‌ده بوتون ساتیش رئکوردلارینی تزه‌لییر. بو رومان یازیچی‌نین شهرتی‌نین اوستونه شهرت گتیریر.
ائللا روبینشتئین‌ ۴۰ یاشلی ائولی قادیندیر. تیپیک بورژوا دیرلری‌نین حاکم اولدوغو چوخ وارلی عائله‌‌‌سی، گؤرونتوده اولدوقجا ساغلام و پروبلئم‌سیز عائله‌‌‌سی وار. اوچ اوشاغینی بؤیوتدوکدن سونرا بیر نشریاتدا رئداکتور یاریمچی‌سی کیمی ایشه دوزه‌لیر. ایلک ایشی ع. ز. زاهارا آدلی تانینمامیش بیر یازیچی‌نین تصوّف فلسفه‌سی موضوعسوندا اولان تاریخی رومانی «عشق شریعتی» حاققیندا رأی یازماقدیر. لاکن حیاتی‌نین قارماقاریشیق چاغلاریندا الینه آلدیغی بو کتاب، هئچ گؤزله‌مه‌دییی شکیلده ائللانی سارسیداجاق. دونیوی عشقی کشف ائتمک آدینا چتین و تهلکه‌‌‌لی بیر یولجولوغا چیخماسینا نه‌دن اولاجاقدیر. حیاتیمیزین دورغون گؤلونو دالغالاندیران داش مثالی… ع. ز. زاهارانین «عشق شریعتی» آدلی اثرینده مولانا و تبریزلی شمس آراسینداکی ایلاهی عشقدن سؤز آچیلیر، شمسین دیلیندن صوفی‌لرین ۴۰ قایداسی قلمه آلینیر. بونلا یاناشی ائللانین یاشامی و عزیزله علاقه‌سی روماندا گلیبدیر.
یازیچی‌نین اؤزو بو رومان حاققیندا بئله یازیر:
«…بو روماندا اوخوجویا اؤز اوره‌ییمی آچدیم. تصوّف منیم سرّیــــمدیر، او سرّی

اوخوجو اوچون آچدیم..
بو کتابی شمــــس تبریزی و
مولانا رومی حاققیندا بیر کتاب
یازماق آرزوسویلا قلمه آلمادیم.
بو کــــــتابدا من عشقی آنلاتماق
ایسته‌دیم. اساس مقصدیم بو ایدی.
هم دونیوی، هم ده معنوی اؤلچولرله عشقدن یازدیم.
بیر- بیرینه ضد اولان کاراکتئرلری یان- یانا گتیره‌رک اونلارین معنوی باغلیلیق‌لاری‌نین اولماسینی آرزولادیم. ۲۰۰۸- جی ایلده بوستوندا یاشایان، اوچ اوشاق آناسی اولان بدبخت بیر آمریکالی یهودی قادین اوچون «مولانا نه‌یی افاده ائدیر؟» سئوالی‌نین جاوابینی آختارماغا چالیشدیم.
اثرین یازیلماسینا گلدیکده ایسه، البته‌‌‌، خطالار و قصورلار اولا بیلر.
یوخسا شمس‌له مولانادان یازماغا باشلایاراق هر شئیی باشا دوشدویونو ادعا ائتمک تکبّرلوک اولار.
آمّا بونو صمیمیّت‌له سؤیله‌یه بیلرم: من بو رومانی عشق‌له یازدیم، عشق‌له ده اوخونماسینی ایسته‌ییرم»
قیزیل قلم

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز