ال لرین نه یامان سویوقدور!

ال لرین نه یامان سویوقدور، گولوم
ال لرین ائله بیل قار چیچه گی دیـــر
آی آمان، الینده دوندو کی، الیــــــــم
ال لرین الیمین بوز الجه گــی دیر
*
بیز کی، جنوبلویوق
بو سویوق هاردان؟
گره ک کولوموز ده سویوق اولماسین
گؤزوموز دونیادا ان قاینار بـــــــولاق
گره ک الیمیز ده سویوق اولماسیـــن
*
اوددان یوغرولموشــوق
آتشیک آخی
قلبیمــــــــیز
دویغولار تونقالی کیمی
یاناغیــــــن
ائله بیل آلوو دیلیـــــمی
ال لرین بیر تاختا یونقاری کیمی …
ال لرین نه یامان سویوقدور گولوم
*
نییه بو سویوغو ایندی دویموشــــــام؟
بیر عؤمرون محبّت طالعی نی من
او سویوق ال لره نئجه قییمیشــام؟
*
آی اوزو باهارلی
الی قیــــش سونام
گیلئییه م گولمه لی گلمه سین منیم
قورخـــــــــــــورام
سئوگی‏ده سویوماغین دا
الیندن باشــــــلایا
الیندن سنیــــــــــن
ال لرین نه یامان سویوقدور گولوم !
نسرت کسمنلی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz