امام موسی بن جعفر (ع) شهادتی ( اوخشاما )

یوخ بیر کسیم اولسون دادخواهیم آلله!
هم سن سن اُمیدیم ، هم پناهیــم آلله!
دویدوم داهی من جاندان
قورتار منی زندانــــــدان
ای پناهیم آلله! ، ای پناهیم آلله!
*
زندانیده یارب دل زار و غمــــینم
یوخ دردیمه چاره مسموم وحزینم
گون به گون غمیم آرتار
رحم ائیله منی قورتــــار
ای پناهیم آلله! ، ای پناهیم آلله!
*
هارونه دییه ن یوخ ال گؤتور جفادن
ظولم ائتمه ایمامه شرم ائله خدادن
بو نوگل طاهادیر
ذرّیّه ی زهــرادیر
ای پناهیم آلله! ، ای پناهیم آلله!
*
دین یولوندا یارب هر غمه رضایم
مین بئیله مصیبت گله یوخ گلایم
تسلیم قضایم من
اسلامه فدایم من
ای پناهیم آلله! ، ای پناهیم آلله!
*
الدن غم و محنت صبریمی آلیبدی
سوُن نفَسده گؤزلریم قالیبـــــــدی
وار شراره جانیمــــده
یوخدوکیمسه یانیمده
ای پناهیم آلله! ، ای پناهیم آلله!
*
یوخ یانیمدا بیر کس حالیمی بیلئیدی
جان وئرنده اوغلوم نه اولار گلئیدی
عؤمرومون گولی سوُلدی
اشگیله گؤزوم دولــــدی
ای پناهیم آلله! ، ای پناهیم آلله!
*
وار چشم امیدیم بار الهی سنــــــــده
یول گؤزله ییر ایندی معصومه وطنده
سینمی بو غم داغلار
من غریبه کیم آغلار
ای پناهیم آلله! ، ای پناهیم آلله!
*
ای رسالور بو غمده سن فغان ائت
گؤز یاشون عذاره دم بدم روان ائت
عشقیوی عیان ائیله
هر لحظه بیان ائیلـه
ای پناهیم آلله! ، ای پناهیم آلله!
قوشان: حسن رسالور

دیدگاه بگذارید

avatar
  Subscribe  
باخبر شدن از