روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 492
  • بازدید دیروز: 1,605
  • کل بازدید ها: 841,440
امپراتورون سیفاریشی

بئله نقل ائدیرلر کی، ایمپئراتور سیزه – تنها بیر آداما، اؤزونون ان آشاغی مؤقع لی تبه سینه، ان اوزاق مسافه دن ایمپئرییا گونشی نین قارشیسیندا ایکی قات اَییلمیش جیلیز کؤلگه یه سیفاریش گؤندرمیشدیر؛ ایمپئراتور اؤلوم یاتاغیندا شخصن سیزه سیفاریش گؤندرمیشدیر. او، ائلچی یه امر ائتدی کی، یاتاغی نین کناریندا دیز چؤکسون. سونرا سیفاریشی چوخ اهمیتلی سایدیغی اوچون ائلچی یه گؤستریش وئردی کی، آغزینی اونون قولاغینا یاخینلاشدیریب دئدیکلرینی تکرار ائله سین. سونرا باشی ایله تصدیقله دی کی، سیفاریشی دوزگون تکرار اولونوب. بلی، اونون اؤلومونون شاهیدی اولماق اوچون توپلاشان – آراکسمه لر گؤتورولموشدو و ایمپئرییانین بوتون گؤرکملی شخصیتلری هوندور، گئنیش پیللَه کانین باشیندا دؤوره وورموشدولار – اعیانلارین قارشیسیندا ایمپئراتور ائلچی یه گئتمک امری وئردی.
او جثه لی و یورولماز شخص دورمادان حرکت ائدیر، گاه بیر، گاه دا باشقا الی ایله جاماعات ایچریسینده اؤزونه یول آچیر، هاردا مانعه یه راست گلیرسه، دؤشونده کی گونشلی اوردئنی گؤستریر و کیمسه نین باجارمایاجاغی بیر آسانلیقلا اؤزونه یول آچیر. آمما جاماعات حددن آرتیق چوخدور، اوتاقلار دا کی، قورتارماق بیلمیر. یقین کی، اونون قارشیسیندا آچیق ساحه اولسایدی، سورعتله قاچاردی و سیز بیر قده ر سونرا اؤز قاپینیزدا اونون یومروغونون سسینی ائشیدردینیز. آمما وضعیت عکسینه دیر و اونون بوتون سعی لری عبثدیر؛ او هله داخیلی قصرین اوتاقلارینی کئچمکده دیر کی، هئچ زامان اونلارین آخیرینا چیخا بیلمه یه جک. لاپ اونلاری باشا وورسا دا، ائله بیر ایش گؤرموش ساییلا بیلمز، چونکی سونرا پیلله لرین آشاغیسینا قده ر ائنمه لیدیر. اگر بونو دا ائتمیش اولسا، یئنه بیر شئی ائله میش ساییلمامالیدیر، چونکی مئیدانلاردان کئچمه لیدیر و مئیدانلاردان سونرا اونون قارشیسیندا بیرینجی قصری احاطه ائدن ایکینجی، خاریجی قصر دایانیر؛ اونون ایسه داها چوخ پیلله لری و داها چوخ مئیدانلاری وار. اونلاردان سونرا داها بیر قصرده واردیر. بو سایاقلا مین ایللر کئچه جکدیر. اگر نهایتده او، چیخیش قاپیسینا چاتسا، – هرچند بو، چوخ-چوخ موشکول بیر مسئله دیر – او زامان هله دونیانین مرکزی ساییلان و اینسان قارالتی لاری ایله دولو اولان پایتخت قارشیسیندا دایانیر. هئچ کسین اورادان کنارا چیخماغا قدرتی یوخدور، اودا قالسین بیر اؤلونون سیفاریشینی اؤزو ایله آپارانین…
آرتیق آخشام دوشدویو اوچون سیز اؤز ائوینیزین پنجره سی قیراغیندا اوتورورسونوز و ائله بیل بوتون بو ماجرانی گئرچک بیر رؤیادا گؤرورسونوز.
یازان: کافکا
چئویره ن: مسیح آغامحمدی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز