روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۸
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 2,322
  • بازدید دیروز: 2,848
  • کل بازدید ها: 838,364
اورهان ولی

حریته دوغرو
گون دوغمادان
دنیز داها بم – بیاض کن چیکاجاکسین یولا
کوره کلری توتمانین شهوتی آووچلاریندا
لیچینده بیر ایش گؤرمه نین سعادتی
گئده جکسین
گئده جکسین ایلیپلرین چالخانتیسیندا.
بالیقلار چیخاجاق یولونا، قارشیجی
سئوینه جکسین.
آغلاری سیلکه له دیکجه
دنیز گله جک الینه پول – پول
روحلاری سوسدویو وقت مارتیلارین
قایالیقلارینداکی مزارلاریندا
بیرده
بیر قیامتدیر قوپاجاق اوفوقلاردا.
دنیز قیزلاری می دیرسن، قوشلارمی دیرسن؛
بایراملار سئیرانلار می دیرسن،
شنلیکلر جنبشلرمی؟
گلین آلایلاری، تئللر، دوواقلار
دئنانمالار می؟
هئئئئی
نه دورویورسون به، آت کندینی دنیزه :
گئری بکیلیه نین وارمیش، آلدیرما؛
گؤرمویورموسون، هر یاندا حریت؛
یئلکن اول، کوره ک اول، دومان اول، بالیق اول، سو اول؛
گئت گئده بیلدیگین یئره. . .
بو شئعری بیز آراشدیرمالی ییق. اورهان ولی تورک شئعری نین مودئرن بؤلومونون ده یرلی شاعیری دیر. او، ۱۹۱۴ده استانبولدا آنادان اولدو. سونرا استانبول بیلیم یوردوندا فلسفه بؤلومونو بیتیریب و ترجمه ایشینه گیریشیب ایشله مه یه باشلاییب. آنجاق شئعره اوز گتیرندن سونرا ایشیندن ایستعفا ائدیب ۱۹۴۷ ایلیندن شاعیرلیگه باشلادی. اونون اؤنملی ایشلریندن بو ایدی کی ایکی باشقا دوستو – اوختای رفعت و ملیح جودت ایله بیرگه بیر نئچه آی اؤزلرینی حبس ائدیب و مطالعه یه باشلادیلار و نهایت بیر بالاجا شئعر کتابینی چیخاراراق، اؤز ادبی یوللارینا بیر مانیفست اولاراق “غریب” کتابینی چیخاردیلار. بو بالاجا کتاب اوچ شاعیرین شئعرلرینی احتوا ائدیردی کی ۱۹۴۹ دا چاپ اولدو(آنجاق شئعرلری ۱۹۳۷جی ایللرده یازیلیب و درگیلرده یاییلیردی). اوندان سونرا ۱۵ گونده یاییلانان بیر درگینی “یاپراق” آدیندا یاییملادیلار. بو درگی نین یاییملاماغی تکجه بیر ایل اولدو. آنجاق بو بیر ایلده بیر مکتب یاراندی. بو مکتبین مانیفستی همان غریب کتابی اولدو. بو اثر بوتون دونیا دیللرینه ترجومه اولدو. آنجاق نه یازیق کی ۱۹۵۰جی ایلده اورهان ولی اؤلدو. آمما او اؤز ایشینی گؤرموشدو.
اورهان ولی نین چاپ اولان اثرلری بونلاردیر:
غریب – ۱۹۴۱
واز کوچه مه دیگیم – ۱۹۴۵
دستان کیبی – ۱۹۴۶
قارشی – ۱۹۴۹
بوتون شئعرلری – ۱۹۵۱
نثر یازیلاری – ۱۹۵۳
ادبیات دونیامیز – ۱۹۷۵
نصرالدین حوجا حیکایه لری – ۱۹۴۹
فرانسیز شئعری آنتالوژیسی- ۱۹۴۳
بیر قاپی یا آچیق دورمالی، یا قاپالی- رفعت ایله – ۱۹۴۳
اورهان ولی شئعر یارادیجیلیغی ایله یاناشی گؤزه ل چئویرمه لری ده واردیر. او جومله دن گوگول، شکسپسیر، مولیر و باشقا دونیا سویه سینده تانینان شاعیرلرین اثرلرینی چئویرمیشدیر. اونون بیر چوخ شئعرلری ده اؤلوموندن سونرا چاپا وئریلمیشدیر.
اورهان ولی ایکی یولداشی ایله بیرلیکده بیر ۴۵ صحیفه لیک شئعر کتابی “غریب” آدیندا یایماغا چالیشیرلار کی اونون ۱۵ صحیفه سی اونا یازیلان بیر اؤن سؤزدور ، بورادا بو اوچ شاعیرین لفظ و معنا، وزن و قافیه، ادبیاتا باخیش، انسانلارین دورومو و حاققی، ادبی جریانلار باره سینده دوشونجه لرینی اختوا ائدیردی. و کلاسیک ادبیات هجوم باشلانیردی.
م. کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز