روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۰۹
روزنامه ساقی آذربایجان
تبلیغات
آمار بازدید
  • 0
  • 636
  • 773
  • 1,386,869
اوروجلوق آییندا سیگاری ترک ائتمه ک چوخ آساندیـــر

سیگار چکن لر و اعتیادا دوشن لر اوچون ، اوروجلوق اونلارین ترک ائتمه گینه بؤیوک بهانه اولا بیله ر . اوروج آدامین اراده سی اولورسا بیر واختدا کی اون یئددی ساعات سیگار سیزلیغا دؤزور ، پس اونون ایچه ریسینده سیگاری بیر یوللوق ترک ائتمه گه گوج واریدیر. اوروج دوتماغین هرنه تمرین دن اوستون ، لاپ واجیب فایداسی سیگار اعتیادینا دوشن لرین ، سیگاردان چکینمه سی و اونو بیر یوللوق قیراغا قویماسی دیر.
اگر بونا اینانیریق کی اوروج دوتماق ، قانین قولای یاغی کیمی بدنه زیان یئتیره ن زادلاری بدندن چیخاردیر پس درین ایمان ایله بونادا ایناناق کی سیگار قانین سمّینه آرتیریر و بو سمّ بیر یوللوق بدندن قیراق اولمالی دیر.
سیگار چکن لر اگر تصمیم دوتوب اوروجلوق آییندا دوداقلارینا سیگار وورماییب و فیطیر بایرامینا دک دؤزه لر سیگارین زهری بدن لرین دن چیخاجاق و روح داها سیگاردان ایرگه نه جکدیر.
اوروجلوق آییندا سیگاری ترک ائتمه ک اوچون بئله عمل ائدین:
– افطاردان سونرا سیگار بئنیزه وورسا بئله فیکر ائدین کی بیر کیمسه، دوشمانلیق اوچون زورایله سیزه زهر وئریر کی اؤله سیز .
– اوباشدان چاغی سیگار بئینیزه ووراندا بئله فیکر ائدین کی شیطان ایسته ییر سیزی اؤلدورسون و تانری ثوابیندان کنار ائتسین.
– گئجه سیگار بئینیزه ووراندا اونو آلیشدیرین بیر ده رین نفس ووروب سونرا اراده ایله اوغوب شیطانا لعنت دئیین! و بو ایشی نئچه گون تکرار ائتدیکدن سونرا ، داها آلیشدیرمامیش اوغون!
– سیگار بئینیزه ووراندا صلوات چئویرین و بئله احساس ائدین کی هر بیر دانا سیگار چؤپو ، بیر آی عؤمرونوزدن آزالدیب و بیر آددیم تانری دان آرا سالیر !
– افطاردان سونرا سیگار چوخ بئینیزه وورسا مسجده گئدین و بئله لیکله اؤزوزون باشیزی عبادت ایله قاتین. آنجاق بئله ایش گؤرسه ز ، بیر اوخ ایله ایکی نیبشان وورورسوز. یعنی هم روحه ثواب قازانیرسیز هم جیسمه .
– افطاردان سونرا سیگار بئینیزه ووراندا فیلم و آجیل ایله باشیزی قاتین.
– اینانین کی اگر اوروجلوق دا سیگاردان قیراق قالساز فیطیر بایرامیندا اؤزوزون سیگاردان زَهله ز و آجیغیز گئده جکدیر.
– افطاردان سونرا سیگار بئینیزه ووراندا ، قرآن اوخویون و مطمئن اولون کی قرآن اوخودوقجا و سیگاردان آرا آچدیقجا روحوز سئوینه جکدیر.
– افطاردان سونرا سیگار بئنیزه ووراندا ده ریندن آه چکین کی دریندن آه چکمه ک سیگارا پوک وورماق احساسین آزالدار.
– افطاردان سونرا سیگار بئینیزه وورسا ، سیگارین سمّ لرینه و زیان لارینا فکیرله شین.
– سیگاری ترک اتمه گی یاشاییشدا بیر قهرمانلیق کیمی بیلین کی سیزدن سونرا کی لاردا سیزدن درس آلسینلار.
– افطاردان سونرا سیگارا بیر یالانچی دوست کیمی باخین کی دوداقیزی اؤپمه کله سیزه سرطان ناخوشلوغون پای وئریر.
– افطاردان سونرا گؤرسه ز سیگار چکمه ک حسّی روحوزا آمان وئرمه ییر ، دورون ایکی رکعت ناماز قیلین و تانری دان بو ایش اوچون یاردیم ایسته یین!
یازان: الف . عظیمی بیلوردی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز