روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۲/۰۳
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 743
  • بازدید دیروز: 996
  • کل بازدید ها: 625,683
اوزاقلاشیردی

اوشاق اولوب آغلیییردی؛ بؤیویوب مکتبه گئدیردی؛ بیردن الینه چلیک آلیب، آستادان یئریییردی؛ چوخ کئچمه‌‌دن گلین دوروردو.‌‌ زامانین یؤنونو ایتیررک، فصیل‌‌لر کیمی‌ اولدوغونو دوشونوردو.‌‌ یای‌‌دا قاپی پنجره‌‌نی باغلاییب، پئنجک گیییردی؛ قیش‌‌دا قاپی پنجره‌‌نی تاواز قویوب، بیر تی‌‌شرت‌‌ایله دولانیردی.‌‌ بو دورومو قوراقلیغین باشلاما‌‌سیندان بیر نیشانه سانیردی.‌‌ اؤیون بیر کتاب‌‌دا اوخوموشدو، سحرلر یای اولاجاق، ناهاردان سونرالار قیش، نه گؤی گؤیرنتی بیته‌‌جک نه ده مئیوه.‌‌ یییه‌‌جک‌‌لریمیزین یئرینه کاپسول آتاجاییق.‌‌
گاهدان هئچ قورخموردو، سؤزلرینی دئییب‌‌ـ دئییب بوشالیردی؛ گاهدان دا سؤز ائشیدیب‌‌ـ ائشیدیب سوسوردو.‌‌ آج اولوردو بیر نه یئییب‌‌ـ یئمه‌‌دن دویوردو.‌‌ داریخیب، ائشییه چیخیب‌‌ـ چیخمادان اوره‌‌یی آچیلیردی.‌‌ دیشلرینی بیرـ بیرینه سیخیب، نفس چکمه‌‌یی یادیندان چیخاردیردی.‌‌ اوره‌‌ییندن آغری قالخماقدا، کؤکس دولوسو نفس آلیردی.‌‌ اوره‌‌یی دوزلیب‌‌ـ دوزلمه‌‌دن بیر دؤشک اینه‌‌سی باشینین بیر یانیندان گیریب او بیری یانیندان چیخیردی.‌‌
آیاق‌‌لارینین آلتی سیزیلداییردی، بارماق‌‌لاری کئیییردی.‌‌ بیر یئرده اوتوروب، هئچ نه دئمه‌‌سین‌‌لر منه، دئیه قاش‌‌ـ قاباغینی تؤکوردی.‌‌ کیمسه‌‌نین جینقیری چیخمیردی.‌‌ گئت‌‌ـ گئده یئرینی آییردی.‌‌ بالاـ بالا بیر مئتیر، ایکی مئتیر، اوچ مئتیر، چوخ آغاج‌‌لار اوزاقلاشدی.‌‌ داها قاییتماییم دئیه، کؤرپولرین‌ هامیسینی بیربه‌‌بیر دالیسیجا داغیدیب گئدیردی.‌‌
دوداقلارینی چئینییردی، یارا اولموشدو.‌‌ یارالارین اوستو کؤزمه باغلامیشدی.‌‌ یئنه دوداقلارینی چئنییر، کؤزمه‌‌یی قوپور، قان آخیر، نئچه آی‌‌دی.‌‌ دلی شئیطان دئییر آناسی، کورسومون آغزیندان چالان ترسه سیلله‌‌نین تایین، بونون دا آغزینین ایچینده‌‌ن چالسین، بلکه بونون دا قادابالاسی جانیندان چیخسین.‌‌
کورسوم اوتوروب‌‌ـ اوتوروب بیردن آغزین آدامین اوستونه ائله آچاردی، آدام دئییردی ایندیجه بوتونلوک‌‌له اوتولاجاق.‌‌ کورسومون قادا بالاسی گئدندن سونرا بیلمیشدی یازیق قیزین گؤجه‌‌لری یارا اولموشوموش، یاپیشیرمیش بیرـ بیرینه.‌‌ آغزینی اوجور آچماغینین دا ندنی اوایمیش.‌‌
تلویزیون کاناللارینی تاققاتاق دییشیر.‌‌ نه تورکجه‌‌یه، نه فارسجایا، نه انگلیزجه‌‌یه باخماقی گلمیر.‌‌ بیر دیقه ده بیرینده قالاندا، کؤکلوقدان اوتانیرسیز، ورزش نه‌‌دی، داوا یییین، داوا نه‌‌دی،‌هارانی آریقلاتماق ایسته-ییرسیز اورایا کرم یاخین، سونرا دا البته کرم یاخماقدان یورولموسوز بیر دویمه‌‌نی باسین بؤتوو ایشلری گؤرسون سیزه.‌‌ کانالی تاق دییشدی، آریخلیق‌‌دان بئزیشمیسیز.‌‌.‌‌.‌‌ تلویزیونو باغلادی.‌‌
بیر بادام گؤتوروب دیشلدی، یاریمچیق باداما باخدی.‌‌ دولوایدی بالاجا باجالارلا؛ هر باجا دا دولوایدی نارین بؤجک‌‌لرله.‌‌ تولازلادی؛ بادام فیرلاناـ فیرلانا بیر قویویا دوشدو.‌‌ ایسته‌‌ییردی قویویا باخسین، بو قویو هر نه‌یی اؤزونه چکر دئیه، بیریسی الیندن یاپیشیب، گئری چکدی.‌‌
تریبون آرخاسیندا دایانیب؛ هئچ نه یادینا دوشمور.‌‌‌ هامی‌ باخیر بونا.‌‌ بالاـ بالا هر بوجاقدان سس اوجالیر.‌‌ سس‌‌لری بیرـ بیریندن آییرد ائده بیلمیر.‌‌ قارالار گئت‌‌ـ گئده چوخالیر.‌‌ سرعت‌‌له قویونون دیبینه یاخینلاشیر.‌‌
روح‌انگیز پورناصح

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز