روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۹/۲۶
روزنامه ساقی آذربایجان
اوستانین قارا کؤینه یی

توز – دومان ایچره ایتمیش و گئری ده قالمیش یای گونلری نین بیرینی خاطیرلارکن گؤیه ،آیا و اولدوزلارا باخیب اؤزومو و او اونودولموش گونو یادا سالدیم. او زامانلار جوان ایدیم و اوره ییمدن ائله آرزولار کئچردی کی اؤزومه بیر زاد دیله مه دن تکجه ائلین و اؤلکه نین سعادت و گله جه یین دوشونه ردیم . بو اوزدن ایسه اؤزومه و صاباحیما بیر گون آغلامادان، فیکریم فقط کیتاب لاردا و هُنر ده ایدی. بو اوزدن ایسه صاباح لار منی سیخیب چوخلی چتینلیک لرله قارشی – قارشی یا قویدو. اورا جان کی دفعه لرجه گیزلی آغلاییب باشیمی دووارا چالماق لا عصب لریم ده پوزقون بیر دوروما دوشدی.
اوگونلر کی هر زادی گؤزل گؤروردوم بیر شاعیر دوستوم دا وارایدی کی شعرلرین ده عشق ، محبت، عصیان و فریاد اولاراق شعرلری منی شراب خوم لارین دان دا داها آرتیق مست ائدردی. خسته خانالاردا چالیشدیقی اوچون، بیر گون ائشیتدیم باشقالارین دان سیلّ توتوب یاتاقدادیر. اونو گؤرمه یه جان آتدیم و اوکی اؤزون دن چوخ شعرلری نین نیگرانی ایدی، سولغون رنگ و تیتره ک سس ایله ” منه بیر زاد اولورسا شعرلریمی ییغیب چاپ ائتدیرمک سنه دوشور” دییه ویداعلاشدیق. زامانلا توختادی و بیر گون اونو اؤزشهریمیزه قوناق چاغیردیم .
خوی ون گؤرمه لی یئرلری ، دوم – دورو بولاقلاری، اوجالیقی و یوکسک قایالاری ایله شؤهرت تاپان داغلاری، آخان چایلاری و شلاله لری اینسانا جان وئریردی. یاشیل چیمن لر، بؤیوک ناخیرلار، سورولر، آری لار و حتتا اَسَن یئل ده آداما خوش گلیردی. تپه لرین باشینا چیخیب شَهَره باخدیق دا، هر زاد چوخوردا اولسادا قَلَمه آغاج لاری اوقَدَر بوی آتمیشدیلار کی بو چوخورلوق چوخ گؤزه گلمیردی. باغلاری بوستانلاری گزیب دولاشساق دا ، او شاعیرین اوره یی یئنه اینسانلارین یانیندایدی. آدلارینی بیلَن آمما اؤزلرینی یاخیندان گؤرمه ین بیر رسام و عاشیقی گؤرمک ایستیردی.
منه قوناق اولدوغو او گونلردن بیری ، اونلارین گؤروشونه ده واخت آییردیق. شاعیرین ساغلاملیقی هله بوسبوتون قاییتماسادا، گنج لر له آیاقلاشماقی سئویردی. من اِهمال گئتدیک ده گؤروردوم او یئیین له شیر :
” قورخما هله آیاقدایام ! منه خاطیر آیاقلارینی سوستاتما کی فیکر ائله رم قوجالمیشام .”
شاعیرین کؤنلو نغمه لر ده و کلمه لرده ایدی . عاشیق اصلانین سازینی ائشیتمک دویماق و سسینه قولاق آسماق، او آندا اَن بؤیوک آرزوسویدی. چارراهدان دؤندوق دوز مئیدانینا کی اوردا نه مئیدان وارایدی نه ده دوزچی. اوقَدَر خییابان چکمیشدی لر کی کئچمیش یئرلردن تکجه بیر آد قالمیشدی. عاشیق اصلانین قفه سینه چاتدیق دا، اونو پوزقون، سوسموش و دوشونجه لی گؤردوک. سلام وئریب ایچَری گیرجَک گؤروشدوک و شاعیر دوستومی تانیتدیردیم :
” وورغون لاریزدان بیر یدی کی ساز و سؤزوزه عاشیق دی. آدی سولئیمان دی اؤزوده شاعیر.”
عاشیق اصلان چوخ حؤرمت له سولئیمانی کنارینا آلدی . قفه نین دووارینا گؤز گزدیردیک ده اوستا اصلانین سازینی گؤرمه مک منه چوخ عجیب گلدی. سؤز صؤحبت قیزیشارکن آنلادیم کی سازی توتوقلودی و چالیب اوخوماغی یاساق . ییرمینجی عصرین سونونا ییرمی ایل قالیردی و عاشیق اصلانین یاشی یئتمیشی آشمیشدی. او “سازیمی آلسالاردا سسیمی اؤلمه دن آلانمازلار ” دییه ایلک دفعه اولاراق ساز چالمادان اوخویارکن منی آغلاتدی. عاشیق اصلان دان آیریلارکن منی قوجاغینا باسیب دئدی :
” بیر زمانلار رادیونون بولبولو و عشق اهلی نین دوداقلارین دا جوشان نغمه اولسایدیم دا بوندان بئله قلب لر سولطانی اولاجایام . ساز منه هئش واخت چؤره ک آغاجی یوخ بلکه جی یَر لریم ده دولاشان نَفَس ایدی. سازلاری یاندیریب کول ائتسه لرده ، اوره ک کؤزوموز آمما سؤنمک بیلمه یه جک . زمانه نین حؤکمودور و بیر ایش ده گؤرمک اولماز .”
من ده اونا بیر شعر اوخویوب ویداع لاشدیق :
” صدفلی ساز کهلیک کیمی قاققیلدار / اصلان سسی داغ دره ده شاققیلدار / قاینار بولاغ کیمی جوشار پاققیلدار / اودورکی وورغونام سازی سؤزونه “ .
قفه دن چیخیب دوستومون ایسته یی ایله “نجیب”ین قالری سینه ساری گئتدیک. نجیب رسام ایله تَزه اؤپوشوب گؤروشموشدوک کی بیردن بیره بیری ایچری گیریب اِهمالجا قولاغینا پیچیلداراق اونون رنگی آتدی. دینمز – دانیشماز خودافیظ لیک ائده رکن بیزی قارداشینا تاپشیریب دیشاری چیخدی.
ایشین نه اولدوسونو آنلامادان ، اوستادین تابلو لارینی دیقّت له ایزله ییب سونوندا ایسه ویداع لاشیب ائشی یه چیخدیق .
سولئیمانین کدرلی دویغولارا دالماسینی حیس ائده رک ائوه گئده رکن یول اوستونده اولان تاریخی و محتشم بیر داش دروازه نی اونا گؤسترمک ایسته دیم. بو آندا گؤردوم بیزی بیر نئچه نفر دؤوره لرکن ایکیسی بیزه یاخین لاشاراق بؤیروموزه تاپانچا دایادیلار .
بیر اسکی بؤیوک بیر نیظامی بینانین حَیَطینده قدم ووراراق باشقا توتوقلو لار کیمی شاشیب قالمیشدیق. نجیب رسّامی تفتیش اوتاقیندان چیخارداق سیرا بیزه چاتدی. اوّل منی چاغیریب سورغو سوآلا چکه رک سولئیمانین نه آماج ایله تبریزدن خویا گلدییین سوروشدولار .
زیندانین دمیر قاپی لاری دالیندا داریش لیق و خفه بیر حَیَط ده توتوقلولار ایچینده دولاشاراق، گؤزله نیلمز بو دوروم بیزی نیگران ائتسه ده هله سوچوموزو بیلمیردیک .
آنجاق سولئیمان داریخماسین دییه منله نجیب ین ایصراریله باشلادی شعرلرینی اوخوماغا کی او گون دن ایللر کئچسه ده بو شعری هله یادیم دان چیخماییب :
” قانادلی قوش اولام گؤی لره اوچام / گئجه لر آی اولام یئره نور ساچام / بیر نفر دئمه یه چیپلاغام آجام / اوندا شیرین اولار بو حیات منه … “
گئجه نی بیر حوجره نین دمیر بارماقلیق لاری دالیندا قورخولو آنلار یاشایاراق تزه بیله میزی یوخو آپاریردی کی منی گلیب دوسلاردان آییر دیلار. نجیب هله هئچ قالدیم سولئیمانین فیکرینه کی منیم قوناغیم ایدی. آزقالا دلی اولوردوم . ایچ ایچه دمیر قاپیلاردان کئچه رک ایشکنجه لی بیر احوالی دوشونوردوم کی نه ایسه او جور اولمادی. سورغو سوآلا آلی نیب واؤزحیاتیم دان دانیشاراق اوزاق بیر کند ده مُعلّیم اولدوغومو سؤیله یه رک هُنَره اولان علاقه م دن دانیشدیم و دوستومون شاعیر اولدوغوندان . سونرا باشقا بیر حُجره ده ساخلاناراق سحر اذانی ایدی کی منی زیندان دان چیخاریب آزاد بوراخاراق نجیب ایله سولئیمانی گؤردوم کی دیشاری دا منتظیردیلر. دئمه نجیب ین رسم ائتدی یی تابلولارا حساس اولوب اونون سیاست له ایلگی سی اولدوغون ظن ائتمیشدیلر . آنجاق گوناه سیز اولدوغوموزو آنلارکن آزاد ائدیلسه ک ده شاعیر دوستوم سولئیمان داها آرتیق قوناق اولماق ایسته مه دی و چانتاسینی آلیب سَحَری تبریزه چیخدی.
ییرمی ایل سونرا صوبح اذانی ایله آییلاراق ندنسه ایللرجه اونلاردان خبر سیز اولدوغوم حالدا، یئنه او اسکی دوسلارین یادینا دوشوب گؤزلریم یاشارکن عاشیق اصلانین نیسگیلی منی داها اینجیتدی. نییه کی او اؤله نه جان یانان سازی نی هئچ اونوتمامیشدی و او گوندن بری، عؤمور بویو قارا کؤینه ک گئییب اونون یاسین ساخلاییردی.
بو احوالاتا جوماراق بیردن بیره گؤردوم عاشیق اصلانین مزاری باشیندا یام و اونا سؤز وئریره م کی بو گونو هر هاردان اولمالی دی سولئیمان لا نجیب دن خبر توتاجایام .
علیرضا ذیحق

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز