اولدوز میوه سی

اختری، کوکبی یا اولدوز میوه سی ،
استوایی میوه لردن دیر.
بو میــــــــــوه نین اصل یئری،
سری لانکا، هندوستان و اندونزی اؤلکه لری دیر. دونیانین ایستی یئرلری نین میوه لریندندیر. رنگی ساری و یاشیل و قابیغی ایشیلداقدیر.
( آییق اولون: بو میوه نین او نوعوندان کی اوستونده قهوه ای رنگ ده خال یا خط لری واردیر مئیل ائتمه یین! )
بو میوه نی یییه نده قابیغین سویماق لازیم دئییل. چون فال فال کسه نده اولدوز شکیلینه دوشور اونا گؤره بو میوه یه اولدوز میوه سی دئییرلر.
دادی تورش و شیرین دیر. آز کالوریسی اولان میوه دیر . اونون قابیغی یئمه لی دیر .
و اَتی مُلایم، و

تورشی دادی و عطیری وئریر آنجاق اولدوز میوه سی ، یئمه لی لرین ایچینده سئویملی دیر.
اولدوز میوه سی ساری و یاشیل رنگ ده دیر. ایکی نوع دور : بیر نوعو کیچیک و تورش دیر ، بیر نوعو یئکه و شیرین دیر.
بو یئمه لی نین بدنین نیازی اولان معدنی مواددی واردیر مخصوصاً فیبر و ویتامین (ث ) اوندا چوخدور.
اولدوز میوه سی نین آنتی اوکسیدان خاصیتی واردیر.
آییق اولون کی بو میوه ، بؤیره ک ناخوشلوغو اولانلار اوچون زیان دیر و بــؤیره ک ناراحتلیک لری اولانلار اولدوز
میوه سی یئمه سینلر.
اولدوز میوه سی آلاندا باخین:
– دوزگون یئتیشمیش اولسون.
– سرعتله یالخی سو ایله یووون!
– باشادک بوتونجه کَسین!
– پارا پارا ائدین!
– توخومون ائشیگه آتین!
– سونرا مئیل ائدین!
باشقا یوللار واردیر کی سیز ائلییه بیله رسیز بو میوه نی یئمه کدن لذّت آپاراسیز:
– اونو پارا پارا ائدیب یئیین!
– سالادا یا باشقا یئمه لی لره قاتین یئیین!
– چاشنی کیمی ایشله دین!
– پودینگ ایله پیشیرین!
– اونو خوروش ایچینه قاتین!
– موراببا، ژله یا تورشی کیمی ایشله دین!
– اونون عصاره سین باشقا ایچمه لی لر کیمی ایچین!
*
اولدوز میوه سی ، دادلی بیر میوه دیر. کالوریسی آزدیر . ویتامین «ث» سی چوخدور. فیبر و آنتی اوکسیدان خاصیتی واردیر.
آمما بؤیره ک ناخوشلوغو اولانلار بو میوه دن یئمه سینلر.
قایناق: اینترنت/ رژیم سلامتی
چئویره ن: الف. عظیمی بیلوردی

دیدگاه بگذارید

avatar
  Subscribe  
باخبر شدن از