اوَل باخیشدا وئردیم اؤزوم اول نیگاره کؤنول
عشق اودونا گرکدی یانا، یوخدو چاره، کؤنول
موژگان اوخون بئله ووردون منیم یانان سینه مه
سینه م یاریلدی کی هئچ، اولدی پاره پاره کؤنول
معشوقینه مطیع دور عشق اهلی عالمده
قوربان اولار اگر ائدسن، بیر اشاره کؤنول
عشقون دیریلدیب عالمی یوخسا اولوبدور هامی
قیلسون نظر بی لحظه، تاپار جان دوباره کؤنول
هیجرونده غم ضیافتی وئررم گئجه گوندوز
شامه جیگر کباب ائدرم من نهاره کؤنول
آدون لا دل اولار آرام، کؤنول اولار مدهوش
ازبس که ذکر ائلیوب، اوخشئیور هزاره کؤنول
لوطفون اگر منه شامل اولا سنون بیرده
آی داندا آیدین اولار منده کی بو قاره کؤنول
فیروزی