اولماسایدی

جننته بنزردی بو فانی دونیــــــــــا
جئیرانلار اسلانا یئم اولماســــایدی
دعا ایله قارقیش نَیَه یـــــــاراردی
مظلومون گوزلری نم اولماسایدی
***
اولماسا دونیادا دمیر قفســـــــــــلر
زایا گئتمز بولبولده کی نفســـــــلر
گلمزدی قایدایا سازداکی سســـــلر
زیلین قارشیسیندا بم اولماسایــدی
***
معناسیز قالاردی تانری حکمـــــتی
چکمه سیدی ایوب اونجا محـــــنتی
چکیلمز اولاردی هیجران حسرتی
ویصالداکی شیرین دم اولماسایدی
***
قالماسا یوسوفون حسرت ایزلـــــری
کوراولماز یعقوبون نمـــلی گؤزلری
کاتب اوغلو یازماز دردلی سوزلری
خسته کونلو دولو غم اولماســـــایدی
کاتب اوغلو

دیدگاه بگذارید

avatar
  Subscribe  
باخبر شدن از