روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۸
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 83
  • بازدید دیروز: 3,301
  • کل بازدید ها: 839,426
اِنّالله و اِنّا اِلَیهِ راجِعُون

اوزون زامان‌دیر قزئتلری، درگی‌لری، بوتون اؤیکو، رومان، شئعیر کتاب لارینی اوخودوغومدا ان چوخ یاناشدیغیم کلمه لر اؤلوم کلمه لری اولموشدولار. نه‌دنینه فیکیرله شیر سونوجا چاتابیلمه‌دن بو کلمه لرتکرار اوزره بئینیمه ایله شیر بوتون یازیلاریما سبک اولموشدولار.ایرمی فاییزدان چوخ شئعیرلریمه سوخولوب یازدیقلاریمین قورخویا قاپیلماسینا سبب اولموشدولار. نئجه دئییم آج قورد کیمی بوتون یازی لاریما تپیلیب ییرتیب داغیتمیشدیرلار اوخوجولاری، دینله‌ییجی لری یوروب مندن اوشوندوروردولر! اونلار ائله دوشونوردولر کی، غرض اوزره اوخوجو هابئله دینله ییجی لری ائتکی لندیرمک اوچون عمدن اؤلوم سؤزجویوندن چوخ فایدالانمیشام. واللاه ائله ده دئییل. باشقالاری کیمی منده اوخویوب دینله دیک‍لریمدن ائتکی له نیرم منیم ده جانیم وار، من ده، انسانام! یاشامی سئویرم. اونون داوامیندا سئوگی سئوینجیمی ده، بیلدیریرم. یاخشی دئییبدیرلر« آدامین آدی چیخینجا جانی چیخایدی کئشکه »! انسان قویون دئییل کی،آیاقلارینی باغلاییب یئره ییخیر باشین کسیر. دریسینی سویور. سور سوموگونو آییریب چیلخا اتین یئیه سن. قارا جییارینین یارا یوره سی « توده سی » ده اولموش اولسا کسیب ایته آتاسان! آنجاق، ایتلر غریزه اوزره « بیولوژیک » مادّه لری ایییله ییب یئمک‌دن چکی‌نرلر!؟ دئییرم بو سؤزجویون یارانماسینین نه دنی نه اولموشدور؟ قورخودوب چکیندیرمک، یوخسا اؤلومون عینی اولدوغو اوچون یارانمیشدیر!؟ یوخسا دا باشقالاری بو سؤزجویون نه دنینی دوشونوب عمل لریندن چکینیرلر؟ یا خود منیم کیمی بوش بئیین‌لرین بئیین لرینه اَیله شیب دیللرینده تیکرارلانیر،! قورخو سؤزجویو، اؤلوم اوچون یئرسیز دئییل می؟ اؤلوم اؤلومدو قورخو نه دئمک دیر؟ اولمویا بوتون مزارلیقلار قورخو دوشرگه سی‌دیر!!! بئله ده دئییل آنجاق، هر نه یین اؤلومو وار.« کوره لرین »، بینالارین، داغ داشین، باغ باغچانین، کند شهرین، حتتا دنیزلرین ده اؤلومو وار!؟ آمما بوسادالادیغیم گورونتولر هئچ واقت اؤلومدن قورخمازلار. اونا گؤره کی، بونلار جانسیز یاراتیقلاردیرلار. روحلاری یوخدو. یالنیز بونلارین اؤلوموجانلی‌لارین اؤلومونه سبب اولابیلر!؟
انسان دئدییین تانینماز بیر موجوددور! بیری اؤلور نئچه‌سی دیریلیر! بیری اؤلنه قده ر یئییر! او بیریسی یئیه‌بیلمه‌دن آجیندان اؤلور! آنجاق اؤلوم دئدییین یاشامین ترس اوزودور. چوخ دا جیددی توتمایین بونو!
عصیرلر بویو انسان‌لار قودرته چاتماق اوچون قانلی دؤیوشلر آپاریب. بیر بیرلرینی قیریب آرادان گؤتورور قودرته چاتیر امپراتورلوق‌لار دوزتمیشدیرلر.آنجاق هئچ زامان هئچ بیر قودرته مالک اولان کیمسه ائلییه بیلمه میشدیر. ابدی‌لیک اؤلومو آرادان قالدیریب همشه‌لیک دیری قالسینلار! بو عمل اولمایان بیر ایشدیر.انسان اؤلوب ایتمه‌یی قبول ائله‌ییب هر زامان اؤلومه باش ایمیشدیر. یاخشی دئییبدیرلر آخیری اؤلومدور نه ائده بیلریک! « اؤلومدن اویانا نه وارکی؟» هرنه اولورسا انسانین الینده دئییل.بشر همشه اؤزونو سئویب. اؤزو اوچون یاخشی‌لاری سئچیب دیر. آنجاق بونو دا بیلیر کی،کیمسه اؤز عملینین اؤنونده سوروملودور. اؤلوم، هامی اوچوندور! آغ قاراسینا باخماز
سؤزو دولاندیریب او یؤن بو یؤنه آپارماقدان یورولماییرام. آنجاق سؤز سؤزه سویکه‌نرک آدام ائولادینین تاریخینی ساغلاییر. تاریخ بوُیو تاریخین یارانماسینا سبب اولان اولای‌لار تؤره‌دن آدلیم انسانلاردیرلار. بو انسانلارین نه جور کؤچوب گئتدیکلری تاریخ کتابلارینین صحیفه لرینده موجوددور. بیز بو یاشانتی‌لارین سونوجونو یالنیز اؤلوم واسیطه سیله آراشدیرا بیلیریک.
یاشام بویو ان چوخ اوغورلو انسان‌لار چشیدلی اولای‌لار آراجی ایله دونیالارینی دییشیر،تاماه گؤزلری گئرییه باخارکن قاپانیب!؟ نه جور اؤلدوک‌لرینی ده بیلمه‌ییبدیرلر آنجاق اؤلوم دئدییین انسانین آغیلیندان باشلانیر. بیری دنیزده بوغولور. بالیغ‌لارا یئم اولور.بیرینی یای گونو شهرده قورد یئییر! باشقاسی یاز دئجه یین یازدیغیندا خودکار الینه قوسور! ایچ دئجه‌یین چایینی ایچیر!؟ بیرینی ایلان وورور. او بیریسینی انسان!؟ بیری شئعیردن باشلانیر! بیری اؤیکودن، روماندان. اولای‌لار فرقیلی اولورسا دا اؤلومون فرقی یوخدور!
***
بوراخ بو یوروجو سؤزلری انسان کؤورک اورکلی، سئوگی سئوینجی سئون جانلی موجوددور. هئچ واقت باشقالارینین جانینی آلماغا الی گلمه‌ییب، گلمز ده. بو سؤزلری سنه یازدیران یالنیز ساغالماز یارالارین آغریسی‌دیر!
بو آغرینی سؤندورمک اوچون یئنی مرحم‌لر« مرهم »لر گره کیر. بو یولدا چالیشانلارا، عشق اولسون!
عشق، یاشامی سئویب بوتون جانلی‌لارا سئوگی بسله‌مک کیمی‌دیر. باجاردیغین قده ر اونوتما گؤزللیک‌لری! بو ایشلر اؤلومو دایاندیرماسا دا سرعتینی آزالدا بیلر.چوخ دا اؤزونه فیکیرله‌شیر قونوم قونشولاری یادیندان چیخارتما.
اوره یینده باشقالارینین سئوگیسی‌نی داشییان انسان آیاغی یئره ایلیشیب داغیلماسین دئیه قورخار! قورخونون ایچینده هرشئی وار. اؤلوم ده! ائله اونا گؤره دی کی،هر یئره باخیرام اؤلوم گؤرورم!؟ منی قینامایین. اوشاقلیغیمدا آنام بیر ایشی گؤروب، گؤرمه‌دیییمدن چکیندیرمک اوچون قورخودوب دئیردی دامدا باجا وار!؟ باجا سؤزجویونو ائشیدنده ایستر ایسته‌مز هئچ گؤرمه‌دییم ناتاراز بیرحیوانی حیسس ائدیب منی اؤلدوروب یئدییینی دوشونردیم! اولسون کی، باشقالاری دا منیم کیمی قورخورلار.قورخونون ایچینده اؤلومون عینی اولدوغونو دویورلار!
***
گئت گئده سؤزلر اوزانیر. قورخونون دئهشه‌تیندن اؤز ایچیمه سیغینیرام. اوردا هر یئره باخیرام قبریستانلیق گؤرونور. قبیرلرین ایچینده انسانلارین دوشونجه لری یوخ ! سور سوموک‌لری گؤزه چارپیر. هویوخوب قاچیرام. قاچا قاچا دؤنوب گئرییه باخیر. کند شهرلر گؤرورم. بوتون بینالار سؤکولوب داغیلیب باجا باجا کؤهنه مزارلیقلار کیمی آغیزلارین گؤیه آچیب اولاییرلار. سس‌لرین نه قده ر قورخولو اولدوغوندان اؤلولر قبیرلری بوراخیب قاچیرلار! دیری‌لر اؤلولرین آیاقلارینین آلتیندا ازیلیب توپراغا یاخیلیرلار! نم هاردا گیزله‌نیب اؤزومو تهله‌که دن قورتاریرام. اؤلولرین دیریلری اؤلدورمه‌یی منه یوخو کیمی بیر شئی گلیر!؟ بو فیکیری باشیمدان چیخارا بیلمه‌ییرم. ائله دوشونورم کی، اؤلوب اؤلدورمه‌یین ده ابزارلاری دییشیلیب! پسا پوست مودرن آماج‍لار واسیطه سیله هر ایشین راحاتلیغی یئنی آنلام داشیییر. اؤلن اؤلور. ایتن ایتیر. یالنیز بیز یئرسیز آنلام‌لار دالیسی جا سوروتله‌نیریک! یئرین دار اولدوغو منی داریخدیریر! هر نفس آلدیغیمدا اؤلومو دوشونورم. ایندی اینانیرسان اؤلوم سؤزجویو ایسته‌مه‌دن بئینیمیزه سوخولوب یولوموزو آزدیریر.ال ساخلا، بو یازینین آخیری مزارلیغا چاتاجاق. ایسته‌مه‌دن اؤلوب اؤلدورمه‌یین چئشیدلی لییینه شاهید اولاجاغیق!؟ اوشاق آناسیندان دوغولدوغوندا آغلاییر. بو آغلاماق دئییل، اؤلوم سسی دیر! بیری یاشام بویو یالنیزبیر کره اؤلور. او بیریسی مین کره! دونیا وار ایکن اؤلوم ده واردی. اونون اوچون هرنه‌یین تیکراری یالنیز اؤلومدور.
من، آنامدان دوغولاراق اؤلموشدوم!هیس قوروملو بیر تاوانین آلتیندا سئرچه کیمی اوچدوغومدا اؤز جسدیمه باخا باخا فیرلانیردیم! قاناد چالدیقجا شئعیر اوخویوردوم.هامی منی آلقیشلاییردی! یاز دئدیلر. یازدیم اؤلوم! ایچ دئدیلر اؤلومو ایچدیم!!!
دوغوردان دا اؤلوم کلمه‌سی یازیلدیقجا قورتارمیر! انسان دوغولدوقجا اؤلوم چوخالیر. سن ایشینده اول، یاز یارات!؟
کیلاسیک یاخود مودرن یازیلاردا یازیچی‌لار ان گوجلو هابئله ائتکی‌لندیریجی اولای‌لار یاراداندا ساده‌جه اؤلومدن سوووشا بیلمه‌میشدیرلر. هئچ اولماسا گؤز اوجو اونا باخیب بیرپای آپارمیشدیرلار.آنجاق اؤلوم چوخ دا دایاندیریجی بیر عامیل دئییل!؟ بیر اوووج سئوگینین مینلرجه اؤلومدن دیه رلی اولدوغونو دوشونموشم. گلین سئویب سئویلمه‌یی اؤیره نک. گلین یازاق یاراداق، یاشییاق. الیمیز دولو اولسون! الی بوش انسانلار اؤلمکدن چوخ قورخارلار. قورخو دئدییین اؤلومون یولداشی‌دیر دوستوم!؟
مسعود اسلامی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز