روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۹
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,404
  • بازدید دیروز: 3,301
  • کل بازدید ها: 840,747
اکینچی لیـک باره ده

اکینچیلیک ایشلری بیزیم خالقیمیزین اَن اؤنملی و حیاتی ایشلریندندیر. اکینین نه زامان، نئجه اَکیلمگی، اَکین یئرینین نئجه حاضیرلانماغی، نه آدلانماغی، نئجه سوواریلماغی، آلاقلاری‌نین نئجه آرینماغی، نئجه بسلنمگی، ییغیلماغی و دنین یارپاق و سامانیندان نئجه آیریلماغی‌نین، همده بوستان محصوللاری‌نین (صیفی‌لری‌نین)،‌ هابئله آفت‌لرین آرادان آپاریلماسی پروسسینده – محصولون تَزه جوجردیگی زاماندان یئتیشدیگی گونه کیمی- اونلارا دئییلن چئشیدلی و معنا دولو آدلاری واردیر. او جومله‌دن:
اکین محصول‌لاری:
بوغدا، آرپا، دویو، داری، نوخود، کوروشنه، ماش، مرجی، پاخلا، توتون، تنبکی، گونه باخان، کونجود، بزَرک، پانبیق، کتان، سویا، مکه، گرچک و …
بوغدا نوع‌لری:
آغ‌بوغدا، قیرمزی‌بوغدا، قاراقیلچیق‌بوغدا، یازلیق‌بوغدا و…
بوغدانین عمله گلمه‌سی:
گؤیلمه، لوله‌لنمه، قینا دولما، گول آچما، سوتول اولما، آغارما و …
بوغدا کولونون حصه‌لری:
کولش، بوغون، باششاق، قیلچیق، یارپاق و …
وَل:
محصول بیچیلندن سونرا باغلانیب اوست- اوسته قالانماسینا(وَل) دئییلر.
جارجار:
بوغدالاری دَن ساماندان آیریلماق اوچون خرمنگاهدا «جارجار» دئییلن بیر دستگاه‌لا دؤیرلر.
جوت سورمه:
دنی ساماندان آییرماق مقصدیله یئره سریلن بوغدالارین اوستونده جوت(ایکیلیده) دولاندیریلان اینه‌یین، یا اؤکوزون و یا آتین دولاندیریلماسینا جوت سورمه دئیرلر.
بوستان محصول‌لاری:
قووون، قارپیز، شاماما، خییار، کادی، بورانی، قارابادیمجان، آغ بادیمجان، تورپ، چوغوندور، یئرکوکو، پامادور(قیرمزی‌بادیمجان)، توت‌فرنگی و …
بوستانچیلیق ایش‌لری:
تکله‌مک، شیتیل ائله‌مک، وَرقویماق و …
امکداشلیق نغمه‌لری
محصولو خرمنگاهدا دؤیندن سونرا سوووراردیلار. بوغدالاری آییریب تای‌لارا دولدوروب، داشییاردیلار ائولره. سونرا خرمن صاحیبلری قارشیلیقلی امکداشلیغا قرار وئرردیلر؛ بئله کی مثلن هفته‌نین بیرینده فیلان همسایانین سامانین چکیب گتیرسینلر. واختیندا او آدامین قونشولاری، قارداشلاری، اوغوللاری و فامئلین کیشی‌لری ییغیشیب و او ائوین سامانین داشییب، تؤکردیلر سامانلیغا. بورادا گؤزل گرایلی‌لار و بایاتیلار اوخویاردیلار. نمونه اوچون:
تاخیلیمیز گؤیــــــله‌دی
قــــــادا، بلا گؤرمـه‌دی
زمـی‌ یاشیل دون گئییب
آرزیلار درینــــــــله‌دی
اوجالـــــــدی لوله‌لندی
یئل ووردو لــــــپه‌لندی
بوگون صــــاباح یئتیشر
اوره‌ییــــم تَزه‌لنـــــدی
قــــینا دولــــدو بارلانیر
اوزاخـــــلاردان بویلانیر
یئل چالـــــــیر داراغینی
نه گــــــــؤزل داراقلانیر
سو گلـــدی گؤله دولدو
وَرووردوم گـــؤله دولدو
تاخیلیــــــــم یاشیللانیب
بوی چکیب گؤله دولدو
باهـــــار گئدیر یای گلیر
آغاجــــــــــلارا بار گلیر
بوغــــــدالار سوتول‌لنیر
برکتـــــــــــلی وار گلیر
گونلر کئچدی آی اولدو
بیر- بیــــــرینه تای اولدو
تاخــــــــیل‌لار آغاردیلار
کند کؤوشنــده‌ های اولدو
بوغدالار ســوورولدو گل
ساج اوسته قوورولدو گل
سفـــــــــــــــره‌لر برکتی
دارتیلیـــب اون اولدو گل
ائوین خانیمی‌دا نئچه کیلو اَتی بیر قازانچادا دادلی دوزلو شوربا (آبگوشت) سامان داشییانلارا ناهار وئرردی. تامام ایشلیین کیشی‌لر به‌به‌ایله یئییب، یورغونلوقلاری چیخاردی. بو ناهارا «سامان شورباسی» دئییلردی و دادی داماقلاردا قالاردی
یازان: رقیـه علیقلیـان

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز