ائشیدیبسیز دئیرلر”فلان آدام ایت کیمی قورخاقدیر”.
آتا بابامیز هئچ سؤزو بوشونا سؤیله مه ییبلر.
اصلینده ائله ایت چوخ قورخاق حئیواندیر آنجاق آدام اوستونه جومان ایتلر بیر باشقا اینسانلار الینده بسله نن ایتلردیلر.
اوستاد شهریارین بیر سؤزی وار بویورورکی: ایتیمیز قورد اولالی، بیزده قاییتدیق قویون اولدوق ایت ایله قول- بویون اولدوق.
اینسان اوستونه جومان ایت هئچ شوبهه سیز باشقا اینسانلاریلن قول بویون اولان ایتلردندیر.
میثال ایچون بیر دوولتلی نین یازدیغیندا یئییب قودوروب و یا بیر چوبانین یانیندا اتدن کوتدن یئییب هارینلایان بیر کؤپکدیر.
دئمه لی ایتلن قول بویون اولان اینسانلار او ایتلره اؤره ک وئریرلر. گؤروبسوز اییه سیز ( یییه سیز ) ایتلر یول قیراقلاریندا آت آشغال توکولموش یئرلرده سوله نرلر و اینسان گؤرنده یا قاچیب گیزله نرلر و یا قویروقلارین بولارلار آنجاق اینسان الینده بسله نن ایتلر بیر باشقاسین گؤرنده ییرتماق قصدیله حمله ائده رلر.
ایتی کوشکوره ن آدام اولماسا، اینسان اوستونه جومماق جساراتی اوندا اولماز.
یازار: هاماش