روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۰۱
روزنامه ساقی آذربایجان
تبلیغات
آمار بازدید
  • 1
  • 199
  • 843
  • 1,352,672
ایراندا تورک دیلی و ادبیاتی

تورک دیلی نین سومئر دیلی ایله ایلگی سی
تورک دیلی دونیانین محتشم دیللریندن بیری دیر و اونون سسی تاریخین درینلیک لریندن گلیر. دونیا دیللری اوچ بؤلومه بؤلونور: هیجالی دیللر، التصاقی یا پیوندی دیللر، ترکیبی دیللر.
هیجالی دیللر: چین و ژاپون دیللری
التصاقی دیللر: تورک دیللری
ترکیبی دیللر: هند
– اوروپا دیللری.
تورک دیلی دونیانین
ان قایدالی دیلی دیر.
تورک دیلینده
صرف، نحو و حتا تلفظ
فورمالاریندا قایداسیز
بیر قورولوش یوخدور.
سؤزجوکلری
بوللو، فعللر بول،
زمان باخیمیندان
گوجلو بیر
دیلدیر.
اؤزه للیک لری

و گؤزه للیک لری گؤز قاماشدیریجی قدر چوخدور. دونیانین تامام دیللری گؤزل و سئویملی دیر. هئچ بیر دیله خور باخماق دوزگون بیر ایش دئییلدی. دیلچی لر ۱۳۶۴جی ایلده هوپا دیلی نین سون دانیشانی اؤلن گونو دونیادا عزا گونو اعلان ائتدیلر. یازیق او وطنداشلاریمیز کی ۳۰ – ۴۰ میلیون تورک دیلی نی دانیشانلارین دیلی نین اؤلمه سینه چالیشیرلار. بو ضد بشر آداملارا نه دئمک اولار؟
تورک دیلی نین ایزلرینی دونیانین هر یئریندن تاپا بیلیریک. چین دن توتوب ایتالیانا قدر بوگون دیلیمیزدن داغلاردا، قایالاردا چکیلن یازیلار واردیر. سؤزو اوزاتمادان سومئر دیلینه کئچه لیم. دیلچی عالیم لر او جومله دن پروفسور عثمان ندیم تونا ۴۰ ایل تورک دیلی ایله سومئر دیلی آراسیندا بنزرلیک لری آراشدیریب و نهایت بو قناعته گلمیشدیر کی سومئر دیلی بوگونکو تورک دیللرین خلفی دیر. ایل کئچدیکجه بو نظریه علمی سوویه تاپیب و بونا اینانان عالیم لر گونو گوندن چوخالیر.
پروفسور تونا ۴۰ ایل عرضینده سومئر دیلینده قالان ۳۷۰ سؤزجویونو تورک دیلینده نه فورما گلدیگینی گؤسته ریر. حتا دیل قورولوشونون دا بیرگه اولدوغونو گؤسته ریر. بئله لیکله تورک دیلی ۷۰۰۰ ایللیک بیر تاریخه مالیک چیخیر.
بیلیرسینیز ۱۹۷۵ جی ایله قدر اوروپالیلار تورکلره نسبت نفرتله توخونوردولار، چونکی تورکلر اوچ دؤنه اوروپانی آلمیشلار: بیرینجی دفعه میلاددان ۱۷۰ ایل اؤنجه، ایکینجی دؤنه میلادین دؤردونجو یوزایلینده و اوچونجو دفعه ۱۵جی عصرین اوّللرینده محمد فاتح قسطنطنیه نی اوروپالی لار الیندن آلمیشدیر. اوروپالیلار بو عمللردن اینجیمیش و همیشه تورکلردن قورخورموشلار. ایش او یئره چاتیر کی کلیسادا تورکلرین شرریندن قورتارماغی دوعا ائدیرلر!؟ تورکلری تاریخسیز، خطسیز و ادبیاتسیز بیلیردیلر. اما ۱۹۷۵ ایلینده “اولان باتور”دا بیر مقبره تاپیلدی. بو مقبره ده تاپیلان جواهر خزینه سی دونیادا و تاریخده ایکینجی خزینه نی اؤزونه اختصاص وئریر. آنجاق بو خزینه ده بیر گوموش دیس ده تاپیلدی. بو گوموش دیس تکجه ۳۰ – ۶۰ سانتی مترلیکده ایدی آما اوندا یازیلان حرفلر و کلمه لر خزینه نین چواهرلریندن داها آرتیق گؤز قاماشدیریجی اولدو. چونکی بو دیس اوزه رینده یازیلان جمله لر تورک دیلینده و گؤگ تورک الیفباسیندا اولموشدور. گاما رئی ایله بو دیسین یازی تاریخینی ۲۵۰۰ ایل بوندان قاباغا عایید اولدوغونو بللندیردی. دونیا بونو بیلدی کی ۲۵۰۰ ایل اؤنجه دن گؤگ تورک یازیلارینا قدر ۱۲۰۰ ایل آرا واردیر و بو آرادا گؤگ تورک خطی تورکلر آراسیندا بیر ملی خط کیمی استفاده اولونوردو. اونا گؤره اوروپالی لار ایچینده تورکلرله قوتسال ساواش بیر قوتسال باریشا چئوریلدی. تاسوفله ایراندا اربابلارین اؤز گناهلارینا اعتراف ائتدیکلری عکسینه نؤکرچی لیکلرینه داوام ائدیرلر!؟
هر حالدا دیلیمیزین تاریخی مین ایللرله ایلگیلی دیر. بو محتشم دیلده گوجلو و زنگین بیر ادبیات واردیر کی بو گونه قدر گیزلی قالمیشدیر. بیز بو ادبیاتی تانیماغیمیز گره کیر. اؤزه للیکله اسلامی انقلابیمیز بو امکانی یاراتمیشدیر کی دیلیمیزی و ادبیاتیمیزی تانییاق و تانیتدیراق.
م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز