روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۱۰
روزنامه ساقی آذربایجان
تبلیغات
آمار بازدید
  • 1
  • 662
  • 749
  • 1,337,147
ایلمک سالانلارین سؤزلری

آذربایجانین باشا باشیندا، اؤزللیکله محتشم تبریز شهرینده عائله‌لرین دولانیشیغی فرش توخوماقدان چیخاردی. ایلمک سالانلار دا بو صنعتین مظلوم اعضالاری ساییلاردیلار کی زور ایله‌، فرش اربابلارینین ظولمو آلتیندا جان و دل ایله چالیشیردیلار. گاهدان اوشاقلارین آتالاری‌، یوخسوللوق اثرینده‌، اوشاقلارین فرش اربابلارینا‌، معین زمان قارشیلیغیندا ساتاردیلار. بو شعرلری‌، ائلیمیزین قهرمان اوغلو مناف فلکی تبریزلی و اونون معلیمی‌ عباسعلی رضایی‌نین ۵۰ ایل بوندان اؤنجه آدینه مهدآزادی درگیسی‌نین یئددینجی نمره‌سینده یازدیغی مقاله‌دن‌، خلاصه اولاراق‌، تورکو لشدیریب‌، خدمتیزه چاتدیردیم.
کرخــــــانادا ایشله‌رم
میخـــــــانادا خشله‌رم
پالــــتارلاریم ییرتیلسا
دؤره‌سـین کیریشله‌رم
*
ایلمک ساللام پول آللام
اربابیـــــــن قیزین آللام
ارباب قیــــزین وئرمه‌سه
ایلمگی ترســــه ساللام
*
ایلمک ایلمک قوش ایلمک
قانادی گوموش ایلمـــــک
من دالـــــــــــــی‌یا قالاندا
یئگین‌، یئگین دوش ایلمک
ایلمک سالانلارین آنالاری هر زمان اؤز اوشاقلارین بیر دیل ایله کرخانایا یوللاردیلار‌، ایلمک سالانلارین آنالاری بئله اوخویاردیلار:
علــــــــی بالا دور ایاغا
گون دوشدو یورقانیـــوا
اوستان گلیب دالینــــجا
شوی گتیریــب بویونجا
آپاراجـــــاق اؤزایله آنا
شوی ویراجاق دویونجا
او زامان مظلوم اوشاقلار آنالارینین جوابیندا بئله اوخویاردیلار:
ای وای آنا کـــــــرخا
باغریمی‌قان ائیلــــه‌دی
ایلمک‌ سالان بارماغیم
گؤر نه قابار ائیـــله‌دی
(تایلاری قان ائیله‌دی)
آنا سؤیله ییر:
اولسون اوغول گئت یئنه
آخشاماجان ســوت یئنه
(آخــشامیوی گود یئنه)
آخـــــــشام ائوه گلنده
بیرشاهـــــــیوی وئر پیه
بارماغیـــوا سـورت یئنه
ایلمک سالانلار ایشدن یورولوب‌، جمعه گونونو و جمعه آخشامینی و هفته اوچون آرزیلاردیلار. چونکی هفته اوچو(دوشنبه‌لر) و جمعه آخشامی‌لار‌، فرش کرخانالاری، ناهارا قده ر ایشلردیلر. جمعه گونلری بوتونلوکله تعطیل اولاردی.
شاببــــادان‌، شوببادان
جمــعه باخیر قوببادان
فرش قورتولان زامان کی ۳ لای دان ۱۰ لایا دک قالیرمیش‌، بئله اوخویارمیشلار:
فرشی سالـــــــــدیق له‌وره
الله موبارک ائله‌سیـــــــــن
اوستـــــــــــایا خبر ائله‌یین
شاگردانانی حاضیر ائله‌سین
فرشی قورتاریب کسندن سونرا‌، فرشی سککیه سالیب بئله اوخویاردیلار:
فرشی سالدیق سککی‌یه
اوستا گئدیر مکـــکه‌یه
اوستا بیزه بیر شاهی وئر
بیزده چیخاق سککی‌یه
حمید احمدزاده (تیلیم‌خانلی)

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز