ایلک شهردارلیق تبریــز شهرینده

مین اوچ یوز ییرمی دؤرد ده ، ذیحجّه آیی نین ییرمی یئددی سینده، « انجمن » روزنامه سینده اولان ، آذربایجان ایالتی نین ییغینجاق نماینده لری نین دانیشیقلاریندا بئله گلیبدیــر:
مجلسین قورتولوشوندا ، آقا مشهدی میرعلی اکبر دئدی:
ایندی کی عدلیّه قورولوشو جوره دوشدو ، یاخشیدیر اساسی قانون یئتیشینجه بلدیّه اداره سی نین ترتیبی وئریله و بو اداره نی مرتّب و منظّم حالدا ایشه سالاق و بلدیّه نین جوره دوشمه سی ، عدلیّه نین جوره دوشمه سیندن لازیمدیر.
بئله لیکله یوز ایل قاباقجادان مشروطه دؤیوشلری قیزیشان چاغلاردا ، اؤلکه میزین ایلک شهرداری لیغی تبریز شهرینده جورله نیب ایشه باشلادی و آداملارین اؤز گه له جه ک و یاشاییشلاریندا شراکت اولماقلاری ، یئنی بیر مرحله یه چاتدی ، دوزون ایسته سه ک ، مدنی نهادلارین باشلانیشیدیر کی سبب اولدو آذربایجان شهرلری نین اهالیسی شهرده اوتورماق دؤرانین کئچیردیب ، شهرلی اولماق دؤرانینا آیاق قویسونلار و اؤزلرین شهر صاحیبی بیله ره ک شهرلری نین باره سینده اؤیودلر وئریب ، سؤز دئییب سؤز ائشیتسینلر .
قایناق: کتاب تبریز – شهر اولین ها /
دوکتور صمد سرداری نیا
چئویره ن : الف. عظیمی بیلوردی

دیدگاه بگذارید

avatar
  Subscribe  
باخبر شدن از