ایمام لارین آدی

بیلدیگینیز کیمی ایران توٍرکلرینین اکثریتی اوْن ایکی ایماملی شیعه موٍسلمانلاردیر .
اونا گؤره ده اوشاقلارا کیچیک یاشلاریندان ایماملارین آدلارینی اؤیردرلر آشاغیدا توفارقاندا ثبت ائدیلمیش (آل خبر دئییم) آدلی قوشما دا همین مقصده اویغون یارانمیش و خلق ایچینده یاییلمیشدیر:
سحر سحر قوچ ایگیدلر عرب آتی مئیداندی
محرابدا باشیندان تؤکولن قاــــــــــــــــندی
اوّلینـــــــــجی ایمامین آدی شاهی مرداندی
ایکــــــــــــــــــــینجی سین آل خبر دئییم
*
جنت قاپیسینا قدم باســــــــــــــــاندی
بهشت باغلاریندا قندیل آسانــــــــدی
ایکینجی ایمامین آدی ایمام حســندی
اوچونجوسون آل خبر دئییــــــــــــم
*
اوْخودوم قورآنی آچیلدی دیلیــــــم
کربلا چؤلونده تشنه حوسئیــــــــــنیم
اوچونجو ایمامیم آدی ایمام حوسئنیم
دؤردونجوسون آل خبر دئییـــــــــم
*
باهار اوْلــــــــو داغلار گئییر تزه دون
دیــــــــن ایچینده بسله میشم تزه دین
دؤردونجو ایمامیم آدی زین العابدین
بئشینجی سین آل خبر دئییــــــــــم
*
بیر یئره گئدیرسن اوتور،دور آغیر!
موشگولده قالاندا مولانی چاغیر!
بئشینجی ایمام آدی محمد باغیـر
آلتینجی سین آل خبر دئییـــــــــــم
*
دونیا مالین ییغدیق ، ییغدیق بودادیق
گول عطریله دونیامیزی بویادیـــــق
آلتینجی ایمامیم آدی جعفر صادیق
یئدینجی سین آل خبر دئیــــــــیم
*
آلاق دستامازی، قیلاق نامــــــازین
بیر جــــان وئرین وئرک بونون نیازین
یئدینجی ایمامیم آدی موسایی کاظیـم
سگیزینــــــــجی سین آل خبر دئییـم
*
اونــــــــــون آدی بنزه ر آیا ، اوْلدوزا
اونا هر نه وئرســــــــن ریضادی ریضا
سگیزینجی ایمامیم آدی ایمام ریضـــا
دوّقوزونجوسون آل خبر دئییــــــــــم
*
آغام علی کوثر اوسته ساغیـــــــــــدی
او گزن یئر جنتین بیر باغیـــــــــــــــدی
دوّقوزونجو ایمامین آدی محمد تاغیدی
اونونجوسون آل خبر دئیــــــــــــــــیم
*
آغام علی کوثر اوسته ساغـــــــــــیدی
او گزن یئر جنتین بیر باغــــــــــــــیدی
اونونجو ایمامین آدی علی النـــــقی دی
اون بیرینجی سین آل خبر دئیــــــــــیم
*
باغیندا وار شیرین اوزوم عســــــــگری
باغ دیبیندن حزین-حزین ســـــس گلی
اون بیرینجی ایمامین آدی حسن عسگری
او ن ایکینجی سین آل خبر دئییـــــــــم
*
سحر اوْلوب داغلار باشی دومانـــــــدی
قیامتده،دینسیز گونو یامانــــــــــــــــدی
اون ایکینجی ایمامین آدی ایمام زماندی
مهدی صل الله عــــــــــــــــــــلیه وآله
دکتر اکبر رضایی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz