روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۹
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,404
  • بازدید دیروز: 3,301
  • کل بازدید ها: 840,747
ای شهید عشق!

کـاخ عشقی زینبون عشقیله آباد ائیله دی
قبرون اوسته خاطر ناشادینی شاد ائیله دی
*
ای شهید عشق و ای استاد دانشــــگاه حق
ای ســـــالان دونیایه اسلامیّته خونین شفق
زینبون گَتدی سولان گللرون الده بیر طبق
سوز درد فرقت و هجروندن آزاد ائیله دی
*
ای اولان شأنینده نازل کاف و ها،یا،عین و صاد
ای اولان ذبح عظیمه عمــــــــــــده معنا و مراد
چـــــــــوخ منه توهین ائدیبدیر کوفیان بد نژاد
سانمـــا بیر آن فوج محنت زینبی شاد ائـیله دی
*
ای وئـــــــرن ذوالنونه فیض فاستجبنا برملا
وادی عشقــــونده سر گردان اولوبدور انبیاء
آیه آیه عشقیـــــوی تأیید ائدیب سـّر خدا
عمده الرحمانیــده سندن خدا یاد ائیله دی
*
ای اناالحــــــــقّه یئر اوسته قانیله معنا یازان
سن آچان گوندن بو یئرده مکتب آزادگان
حقّین آلدی دکتراسین زینب بی خانـــمان
شام ایچینده کاخ استبدادی بر باد ائیله دی
*
گر چه مـــــن نخل وفادن خوشه ی غم درمیشم
سینۀ رنجوریم اوستـــــــــــــه حسرتیله سرمیشم
کیــــــــم دئییر من لشکر اشراره معجر ویرمیشم
دست حق چون معجرین حفظینده امداد ائیله دی
*
فاش قیلدیم عشقـــــیمی من پیشگاه عشقده
ســـــــرفراز عشّاق اولوندی دادگاه عشقده
نعشیوی باشســـــــیز گورنده قتلگاه عشقده
زینبیله نه فلک سس چکدی فریاد ائیله دی
*
قتلــــــگاهوندا عزاخانه اودور ائتدیم به پا
آغـــلایام بیر قویمادی راحت گروه اشقیا
اولدوق عازم کوفه یه ای شهریار قل کفی
ظلمده طغیان او گونده قوم بیداد ائیله دی
*
کوفه نی گوردوم دوتوبدور کفر و جهلین ظلمتی
باشــــــــلادیم بیر خطبه ، رسوا ائتدیم اهل ذلّتی
واردی،آندیـــــــردیم او یئرده، زینبین شخصیّتی
مرشد کامل منی بو یولدا ارشـــــــــــاد ائیله دی
*
کوفه اهلی تخم ظلمی یئر اوزونده اکدیلر
خامۀ ظلمیله طرح جور و ظلمی چکــدیلر
قیزلارین یوخدور هواداری دئییبلر تَکدیلر
شکر اولا باشون جداده بیزلره داد ائیله دی
*
چکدیلر بزم شرابه بیزلری اعـــــــدای دین
اَل چالیبــــــلار هلهله ایتدی گروه مشرکین
سینـــــــــه ده آرتدی ملال بیکرانی زینبین
تا نظاره آهـــــــــوانِ صیده صیّاد ائیله دی
*
بیر وقاریله من اولدوم داخل بزم شــــراب
بو تکبّرلی دئییب،کیمدی عبید کین مآب
عزم قیلدیم تا سالام بزم شرابه انقـــــلاب
فکریمی تصدیق او دم بانی ایجاد ائیله دیسســــــله دیم اُسکُت که من زهرا عزیزی زینبم
برج غـــــــــمده سیر ائدن بیر بخت قاره کوکبم
آتش عشــــــــــــــقیله هر شام و سحرگه در تبم
مرتضادن یاد او قوم کیــــــــــــــنه بنیاد ائیله دی
*
کوفیه سالدیم او گونکی من حسیـــــــــنیم ولوله
دوشـــــــــــــــدی ناگه نه سمایه ظلم الیله غلغله
قوُی دئیـــــــیم واضح وئریلدی عابده بیر سلسله
نســـــــــــترن تک اهل کوفه قد شمشاد ائیله دی
*
دســــــــــت بدعتدن اولار منشور ظلمی آلدیلار
کـــــــــــــــوفه ده زندانه آل مصطفانی سالدیلار
بیلمیـــــــــرم من نئچه گون اوردا عیالون قالدیلار
کیم مصیبـــــــــت ساعتین دونیاده تعداد ائیله دی
*
ای اولان مســـــــت می حق ای شه عالی سرشت
واردی باشیمـــــده ندندیر چوخ عجیبه سرنوشت
گــــه بیزه زندان مکان اولدی گهی دیر و کنشت
گـــــــــؤر بو ظلمی دهریده بیر آدمیزاد ائیله دی
*
شــــــــــــامیده امّا بیزه بی حد جسارت ائتدیلر
قوم باطل فرقۀ حقّه شـــــــــــــــــماتت ائتدیلر
بزم می ده باشــــــیوه چوخ چوخ اهانت ائتدیلر
گاه سجّاده اشارت تیغ جـــــــــــــلاد ائیله دی
*
شرح قیلمـــــــاقه او بزمی زینبون یوخ فرصتی
چونکه تعقیب ائیــله ییردی ، اؤزگه مـأموریتی
آچـــــــــــــــــدی اوردا شعبۀ دانشگه حرّیتی
بیر قیـــــــــزین امّا او دانشگاهه استاد ائیله دی
*
کاخ دانشـــــــــگاهی بر پا ائیله دی ویرانه ده
شمع تـــــــــــک یازدی قوانینی پر پروانه ده
رونوشتیــــــــــن بایگانی ائیله دی غمخانه ده
چونکه توشیحین اونون سلطان سجاد ائیله دی
*
ائیلرم هردم تفاخر سن کیـــــــــــمی قارداشیله
طشت زردن سن گلیــــــــبسن دیدۀ خونپاشیله
افتــــــــــــــتاح ائتماقه دانشگاهی قانلی باشیله
گوردی هر کیمسه بو لطفی آفرین یاد ائیله دی
*
انتخاب اولدی رقیه ای شـــــــــــــه آزادگان
قاره بیر معجر باشیندا قوللاریندا ریســـــــمان
مقــــــــدموندن پیشواز ائتسین الینده نقد جان
باخدی هر کیمسه بو حاله داد و بیداد ائیله دی
*
گَل کنــــــــارینده او گون که بلبل دستانسرا
عالمی گوزدن آتیـــب دنیایه ووردی پشت پا
آلـــــــــدی آغوشه اودور که زینب بی اقربا
دفن اونیــــــله شامیده بیر عدّه اسناد ائیله دی
*
بیرده گوردوم شام اولوبدور شرق و غربه شاهراه
حقّیله معناده جنگ ســــــــرد ائدیر قوم تباه
ائیله دیم بر پا او یئرده دین حقّه پایـــــــگاه
زینبون بو یئرده حق شاهددی بیداد ائیله دی
*
ســـرپرست ائتدیم بو تأسیساته بیر طفل صغیر
گــــــــر چه اولموشدی سپاه دلتباهه دستگیر
لیــــــــــک دنیانی ائدیب مغز سیاسیسی اسیر
بئیله دانشــــجونی هانسی مکتب آزاد ائیله دی
*
شامده گوردوم اولـــــــور اجرا رژیم بربریسم
ایده آل مسلمیندی تا بیلیب امپـــــــــــریالیسم
ائیله دی اوّل رژیم بربریســـــــــــمی لیبرالیسم
موقعــــــــــــــــیت نا مرام حقّه ایجاد ائیله دی
*
چون ائدیبدیر هیئت سرخــاب تبریز عزم طوس
جمـــــــــله سی زنجیر زن زنجیر عشقه پایبوس
چوخ جوانشیریله مسعـــود ائیله دی آه و فسوس
عرض ایدیبلر « هادییه » بیزدن اولار یاد ائیله دی؟
شعر: مرحوم هادی تبریزی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز