روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۱۰/۲۷
روزنامه ساقی آذربایجان
تبلیغات
آمار بازدید
  • 0
  • 194
  • 771
  • 1,433,830
باریش

داغدا گزه‌ر ده‌لی جئـــیران
باخان اولار اونا حئـــــیران
عشقه مین بیر جانیم قوربان
قیزیل گول تک دریلسم ده
مخمل اوسته سریلســـم ده
***
طبعی یانار شیـــــققی سینار
اییلمـــــــز کیمسه یه چینار
کویرده جوشـــــلانان پینار
چشمه لرین چیراغـــلارین
سؤز دؤشورن قولاغلارین
***
اوموزدوردو گؤزون دردی
گؤز به‌به‌گین گونه ســردی
آداخـــلی قیز نه محشردی!
عشــقی یاوان دورمه‌له‌دیم
چـــپ باخانی گولله‌له‌دیم
***
کاش اولایدی یار دینجه‌له
یارامیـــــــزا سئوگی چیله
یئدی بوروق حوسین گیله
غزل کانی منــــزوی ‌دی
اؤز شهرینده اجنبــی ‌دی!
***
گؤزلریمــیز داردی بیزیم
حقیــــــقته کاردی بیزیم
سئودامیز آخساردی بیزیم
الیمیــــــزدن توتان اولسا
آیندیررام یاتـــــان اولسا
***
سازدی سؤزون بهانه سی
قاسیم اوف‌ون نازلی سسی
چال یئره سیــــندیر قفسی
چالخالادیم کره چیخسین
نامردلرین ائوین ییخسـین
***
ایلانلی‌دی بو یونجــــالیق
سنی سئودیم دادیمجـالیق
عشق یاراماز دویونجـالیق
حایات آچیق پنجــره‌دی
تغزولدو حنجــــــره‌دی
***
یوباندیم آخشاما چاتدیم
کربلادان شاما چــاتدیم
پوزولموش برجاما چاتدیم
چوره‌ک داشدان چیخیر قارداش
هوشوم باشدان چیخیر قارداش
***
قومار ائتدیم اوتوزدوردوم
جان کیسه‌سی سو قیزدیردیم
سانا بیر نامه یازدیردیـــــم
عکسـیمیزی قوشا چکدیم
سئودا جامین باشا چکدیم
***
دوغراماجی ایچه‌ک یایدا
بوغولموشدو خیال چایدا
اییل عشقه بودور قــــایدا
چوروکلو ال‌لره آلقیـــش
سولمویان گول‌لره آلقیش
***
کیپریک چالار گؤزون یومار
ســئوگی قیزار عقیل جومار
سنده خومار منـــده خومار
یار قوینونا آلان اولســـــــا
سینیق قلبی چالان اولســــا
***
سوسان روحا ناخیش اولسون
شـــــورانلیغا یاغیش اولسون
گــــوناهلارا باغیش اولسون
قیزیل‌دان قورقوشوم یاخچی
گولون قدرین بیله‌ر باغچی
***
وورولموشام حقــــــــیقته
تامارزی‌یام محـــــــــــبته
یئریکـــــــــــلیرم عدالته
اورتامیزدا باریــــــش اولا
غــم بوشالا سئوگی دولا
یوسوف_مرادلو جنابلارینا کیچیک بیر تحفه
رضا قاسمپور (یاشار زنگانلی)

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز