باشماق

امام صادق(ع) حضرتلری، بعضی صحابه لریله یاخین آداملاری نین بیری نین گؤروشونه ( عیادتینه ) گئدیرمیشلر، یول آراسیندا امامین باشماغی نین باغی قیریلدی. بیر حالداکی داها باشماق آیاقدا دورمادی. امام باشماغی الینه آلیب آیاق یالین یولا دوشدو.
ابن ابی یعفور- او حضرتین صحابه لری نین باشچی لاریندان بیری – تئز اؤز آیاغیندان باشماغی چیخاردیب اماما ساری اوزالتدی. تا امام باشماق ایله گئتسین و اؤزو آیاق یالین اولسون.
امام هیرسلی حالدا ، عبدالله دان اوز چئویردی و هئچ واخت بو ایشی قبول ائتمه دی و بویوردو:
اگر بیر کسه چتینلیک اوز وئرسه ، او کس هامی دان چوخ گره کدیر اؤز چتینلیگینه دؤزوم گؤرسه تسین ، یوخسا معناسی یوخدور حادثه گؤره ن آدام اؤزو راحات اولسون و اونون آغریسین و چتینلیگین باشقا بیر کس چکسین.
قایناق: داستان راستان
چئویره ن: الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz