روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۳
کمال گزسن ائل سؤزونده ن سؤز گؤتور
هئی دانیشما ائل ایچینده من گره ک
غریبه دیر حیات اونو دویماغا
یوز اولچه سن بیر بیچه سن ،سن گره ک
***
سویوخ عشقین ذیروه سینی قار آلار
یئرسیز صحبت اوره ک لری یارالار
ساختا گولوش دوداقلاری پارالار
دوغرو گولوش دوغرو دیلدن شن گره ک
***
بیلیر سن کی باغبان سیز باغ باغ اولماز
قارا صیفت هئی یوماخلا آغ اولماز
هر سینه سی قالتاقلیدان داغ اولماز
داغ باشیندا دومان گره گ چن گره ک
***
شیره دونر یاخشی گونده چوخ انسان
یامان گونده دوستا قئیماز شیرین جان
بوش ایشله سه باش آ غریدار دَییرمان
بوغاز دولو، دنلیگینده دن گره ک
***
یالانچیلار قورودونو نم ساتار
آ غیر آلار آلدیغینی کم ساتار
اعتبار سیز یار یارینا غم ساتار
دوست دوستونا یار یارینا تن گره ک
***
من ستارام آللانمارام خور یادا
باش ایمه رم هر شهرته هر آدا
دوه چیله دوست اولانین دونیادا
قلبی بویوک دروازه سی گئن گره ک
ستار گؤل محمدی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید