روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 0
  • 590
  • 721
  • 1,335,512
بالاش آذر اوغلونون یاشاییشینا عاید

۲۰۰۳ جو ایلین نووامبر آییندا شاعیری گؤرمه یه طالع بیزه یاردیم ائتدی، اسگی دوستوم بهروز ایمانی جنابلاری و باشقا ادبیات سئوه ر قلمداشلارین بیر نئچه سی ایله بیرلیکده شعریمیزین آغ ساققالی و اؤلکه میزین چاغداش جانلی تاریخینی باکیدا یاخیندان زیارت ائتمه یه ناییل اولدوق. اونون شاعیر قلبی بیزی چوخ حؤرمت و محبتله قارشیلادی. عؤموردن اؤتن ایللر” عنوانی ایله یازیلمیش خاطیره لر کتابی نین عرب الیفباسینا کؤچوردویوم ال یازیسینی شاعیره تقدیم ائدنده اینانین اونون مهربان گؤزلرینده بیر تمیز حیس و هیجان یاراندی. شاعیرین بالاجا اوتاغیندا کتاب رفلری نین اؤنونده بیر نئچه ساهات اوتوروب دانیشان زامان من او بؤیوک انسانین قایغی کئشلییی، هله ده اؤزونو وطنه حصر ائتدییی حیسلرین جوشغونلوغون یئنی دن دوشوندوم. او زامان شاعیریمیزین حیات یولداشی مدینه خانیمین وفاتیمدان ۱۲ ایل اؤتوردو. اوتاغین ایچریسینه داخیل اولاندان بری منیم بیر گؤزوم بالاشدا بیر آیری گؤزوم ایسه اونون باشی اوسته دوواردان آسیلان شاعیره آنامیز رحمتلیک مدینه گولگون خانیمین شکیلینده ایدی. آمما شاعیرین اوره یی اینجیمه سین دئیه، چالیشیردیم او منیم بو حیسسیمی باشا دوشمه سین. بیر آیری طرفدن منیم خانیمین حاققیندا دا اونون اؤز دیلیندن سؤز ائشیتمک ایسته ییردیم. آرتیق بو گیزلی احساسلارین توققوشماسیندا شاعیریمیز اؤزو بو مووضوعا اشاره ائده رکن، سؤز آراسی، چایینیزی ایچین دئیه، بیر آن چکیب آرتیردی:” اوغلوم! خوش گلیب سینیز، آمما حاییف کی مکه نیزین مدینه سی داها یوخدور…” آرتیق او بیر آز دوروب دوشونندن سونرا یاریمچیق قالان سؤزلرینه داوام ائتدی:”آنجاق بونو بیلین کی مدینه منه یالنیز حیات یولداشی یوخ، بلکه مسلک یولداشی ایدی… یول یولداشی ایدی. من اونو اینیرندن بری اینانین توتغون اوره ییم بیر آن دا اولورسا، آچیلمامیشدیر…” آنجاق بو قیسا گؤروش بیر باشقا خاطره لر، تاریخی ایضاحلار و سؤزلرله باشا چاتدی و او خزان یارپاقلاری” کتابینی منه یادگار اولاراق وئرندن سونرا، بیزی قاپی یا دک مشایعت ائدیب یولا سالدی. یئنه ده اورادا منیم ۲۶ ایل بوندان اؤنجه سؤیله دییم شعرین بیر پارچاسیندا بالاشین آدی چکیلن بندی یادیما دوشدو. او مصراعلار بئله سؤیلنمیشدیر:
“…”روستم” کیمی ائل شاعیری یاتمیش او عدالتلی دیاردا
“وورغـــــــون” کیمی، “ممد” وار او “حسرت” لی دیاردا.
افسانه یه دؤنموش “رشید” اوغلوم وار او “شوکت” لی دیاردا
“گولگون”،” نگار”، “عثمان”، “صادیق”،”انور” “ علی توده “ “بالاش” اوردا
قوربانلیق اولوبدور وطنیم لش بو دیاردادی باش او دیاردا…”
آمما داها ایندی بالاش یوخدور. ساوالان باشیندا قارا بولوتلار آغلایان زامان بیر یاز آخشامیندا بالاشی دا ایتیرمیشیک.
لاکین اونون جیسمی بیزیم ایچیمیزده اولماسا دا روحو آذربایجان داغلاری نین زیروه لرینده بیر قارتال کیمی گزیر و اونون تمیز آمال لارینی اوخشاییر:
یئنه سیزی گؤردوم، کؤنول طرلانی،
وطــــن داغلارینا اوچدو آداغلار!
اینـــــدی ساوالانین باشی نین اوسته
سیخیب گؤزلرینی بولوتلار آغلار…
منی اونوتمــــــایین دؤنه جه یم من،
الیمـــــــــــده بنووشه، لاله، یاسمن،
کدچیب “سرداوا” دان، “ویله دره”دن،
یانیمــدا تانیشلار، دوستلار، قوناقلار،
سیــــزینله گؤروشه گله رم داغلار!
داغـــــلار!
آ داغلار!…
یازار: عادل شاهوئردی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز