روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۳
باللی آدیندا آری ایله خاللی آدیندا میلچک دوستوق ائدیردیلر.
اونــــــــلار هر گون چمنلیکده گؤروشور، هره اؤز ایشی ایله
مشغول اولوردو. باللی چیچکلردن شیره چکیر، خاللی ایسه
هارا گلدی قونور، نه گلدی یئییردی.
بیر یای آخشامی‌خاللی اؤز دوستونو میلچکلر اؤلکه‌سینه دعوت ائتدی.
بورادا آغیز دئیه‌نی قولاق ائشیتمیردی!
میلچکلر یئمک گؤرن کیمی‌بیر-بیرینه ایمکان وئرمه‌دن ایره‌لی جوموردولار.
ائله میلچک واردی کی، یئمکدن شیشیب دوزانقوردو بـویدا
اولموشدو. ائله‌سی ده واردی کی، آجیندان قانادلارینــی دا
ترپده بیلمیـــــردی. هامیسینین دا قاش- قابـــــــاقی یئرله
گئدیردی.
– بو نئجه یاشاییشدیر؟-دئیه باللی دیللندی.- بو قارمــاقاریشیلیقدا یاشاماق اولار؟ سیزین اؤلکه‌نیزده نه عدالت
وار، نه قایدا- قانون. ایندی گل گئدک بیزیم ائوه.
باللی خاللیــــــنی اؤز عایله‌سینه قوناق آپاردی.
بورادا آنا آری پته‌یین اورتاسیندا ایلشیب هامییا گؤز قویوردو.
اونون سؤزو آریلار اوچون قانون ایدی. آنا آری هامی‌ایله عدالتله داورانیردی.
پته‌یین قارشیسیندا قاروولچو آریلار دایانمیشدی.
اونلار چمنلیکدن قاییدانلاری بیر-بیر یوخلاییب پتیه بوراخیردیلار.
شیره گتیرمه‌ینلری گئری قایتاریردیلار. ایشچی آریلار مومدان پتک هؤرموشدولر.
اونلار حوصله‌ایله ایشله‌ییردیلر. هئچ کس بیر-بیرینین یئمه‌یینه شریک چیخمیر.
هامی‌سئوینجله ویزیلداشیردی. بوتون آریلار چوخ شن گؤرونوردولر.
– بو قدر ایشین قاباغیندا سیز نئجه ده خوشبختسینیز؟-دئیه خاللی دیللندی.
– عدالت،نیظام-اینتیظام اولان یئرده هامی‌خوشبخت اولور
و ایشله‌مکدن ماراقلانیر.
خاللی آریلـــــارین خوشــــبختلیینین سببینی باشا دوشدو.
اونو دا باشا دوشدو کی،میلچکلر هئچ زامان خوشبخت اولا بیلمه‌یه‌جک‌لر.
سید رضا حسینی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید