بایاتی

ســـو گلیر گیله ـ گیله
بولبــــــوللر گلیر دیله
یاریمی باغدا گؤردوم
باتیبدیر قیزیل گولـــه
*
سو گلر آخار، دویمـــــــاز
داغ ـ داشی یاخار، دویماز
گؤزلــــــــریم یار گؤزونه
اؤلونــــجه باخار، دویماز
*
ائله‌دیمی سو یــــــازدا
آخار گئده‌ر سو یــازدا
من یاری گؤرمه‌میشم
کئچن یازدا، بو یـازدا
*
عزیزیم سودا یاندی…
اود یاندی، سودا یاندی
دردیـــــمی سویا دئدیم
اود توتدو، اودا یانـدی
*
عزیزیم دوشن یئــــری
آتلانیب، دوشن یئـــری
گؤز یاشیم اودا دؤنوب
یاندیرار دوشن یئـــری
*
آلتیمدا کیلیم یانـــــــــدی
اود دوشدو، کیلیم یاندی
بالا، بالا دئمــــــــــکده‌ن
آغیزیمـــــدا دیلیم یاندی
*
اوزه‌رلیک دانا ـ دانــــا
اوجاغدان گؤتور سانا
نظری بد اولانــــــــین
گؤزلری اوددا یــــــانا
*
کؤینه‌یین گولو یانسیــــــن
اود توتسون، گولو یانسین
سنی منده‌ن ائده‌نیـــــــــــن
آغزیندا دیلی یانسیـــــــــن

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz