روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۰۳
روزنامه ساقی آذربایجان
تبلیغات
آمار بازدید
  • 1
  • 14
  • 948
  • 1,355,352
بایاتی

عزیزیم سو دایـــاندی
اود یاندی، سودا یاندی
دردیمی سویا دئــــــدیم
اود دوتدو، اودا یانــدی
*
عزیزیم دوشن یئری
آتلانیب، دوشن یئری
گؤز یاشیم اودا دؤنوب
یاندیرار دوشن یئـــری
*
آلتیمدا کیلیم یانــــــــدی
اود دوشدو، کیلیم یاندی
بالا، بالا دئمـــــکده ‌ن
آغیزیمدا دیلیم یانــدی
*
اوزه‌رلیک دانا ـ دانــا
اوجاغدان گؤتورسانا
بد نظرین گؤروم کی
گؤزلری اوددا یـــانا
*
کؤینه‌یین گولو یانسیـــــــن
اود دوتسون، گولو یانسین
سنی منده‌ن ائده‌نیــن
آغزیندا دیلی یانسین
*
اوجاغین اودو کئچــــدی
یئل ووردو، اودو کئچدی
نه باخیرسان آی اوغـلان
سئوگیلین بودو کئــــچدی
*
گؤیـــلر بولودلو قالـدی
قوشلار اومودلی قالدی
آچاری یار بوینونـــــدا
کؤنلوم کیلیدلی قالـدی
*
آتیمیزی قوشالیم
داغی-داشی آشالیم
سن یاغیش اول، من بولوت
یاغارکن قووشالیم
*
فلکین داد الینــــــــدن
اولمادیم شاد الینـــدن
گونده بیر غم ایچینده
چَکیره م داد الینـــدن
*
عزیزیم، بادا گئتـــــــــدی
یئل ووردو بادا گئتــــــدی
دوشمن بیر ایش ایشله دی
گنج عؤمروم بادا گئــــتدی
*
سویا گئده‌ن ایگیدی،
ساچی مخمر تکیدی.
آللاه منی سو ائیله.
سو گؤزه‌للر یوکودو
*
سو آخیر سامانلیقدان،
یول کئچیر قارانلیقدان.
چالیش یاخشیلیق ائیله،
نه چیخار یامانلیقدان؟

*

سو تک چاغلارام سنسیز،

قارا باغلارام سنسیز.

گئجه‌لر صبحه کیمی،

درددن آغلارام سنسیز.

*

سو گله ر آرخا، هارای!

تؤکولمه ز چارخا، هارای!

ایگید غربته دوشسه،

چاغیرارآرخا، هارای!

*

سو آخار، یئر یاش قالار،

داش زینداندا داش قالار.

اوغلو گئده‌ن آنانین،

گؤزلرینده یاش قالار

*

سویون بندینه قوربان،

یارین فندینه قوربان.

یار آتینی یَه هَه رلر،

سینه بندینه قوربان.

*

فلکین ایشی دوشسون

آغزیندان دیشی دوشسون

اونوندا منیم کیمی

نامرده ایشی دوشسون

*

فلکین قهری منه

گلمه ییر رحمی منه

دولدورور غم باده سین

ایچیردیر زهری منه

*

سو گلیر گیله ـ گیله

بولبوللر گلیر دیله.

یاریمی باغدا گؤردوم،

باتیبدیر قیزیل گوله.

*

سو گله ر آخار، دویماز،

داغ ـ داشی یاخار، دویماز.

گؤزلریم یار گؤزونه،

اؤلونجه باخار، دویماز

*

سو گله ر آخار گئده ر

وَریانی ییخار گئده ر

یار منیم کؤنلوم آلار

ألینده سیخار گئده ر

*

ائیله‌دئیمی سو یازدا،

آخار گئده‌ر سو یازدا.

من یاری گؤرمه‌میشم،

کئچن یازدا، بو یازدا.

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز