بایاتی

چای قیراغی بیچیلمه ز
سویو دَرین کئچیلمه ز
بیر جاندان ، بیرده یاردان
شیرینلیکدن کئچیلمه ز
*
گلیردیم یاواش یاواش
آیاغیـــما دَیدی داش
سندن منه یار اولــــماز
گل اولاق باجی قارداش
*
سو درین‌دی گئچیلمه ز
بولانلیقدی ایچیـــلمه ز
دئـییرله یارین«دان گئچ
یار شیریندی گئچیلمه ز
*
عزیزیم بولاریمـــــیش
ایچمه‌لی سولاریمـــیش
عزرائیلین آدی پیـــس
جان آلان یوللاریمیش
*
باشیندا گؤموش سانجاق
گئدیردی بیر یار آنجاق
دئدیم بو اوجا بوی یار
گؤره‌ن منیم اولاجاق !
*
قیزیل اوزوک دار بارماق
سؤزلرین بال، دیل قایماق
سئوگی‌لرین حاققی‌دیـــر
کؤنول تاپشیریب آلمــاق
*
آلمالار بوداق بوداق
یاراندیق بیز، غم اوتاق
نئیله‌میشدیم، کؤسموسن؟
نه ائیله‌ییم باریشاق

*

من یاری گؤردوم بایاق

الینده ساری داراق

قاچدیم دوتا بیلمه‌دیم

سیناسان بئله آیاق

*

توت آغاجی پیتـیراق

چادیر چالاق اوتوراق

بیرین سن دئه، بیرین من

قوی بو غمدن قورتولاق

*

سو گلیر میللندیریر

باغچانی گول‌لندیریر

باغچاداکی آلمالار

دیل سیزی دیل‌لندیریر

*

ماشین گلیر اوت گلیر

ایچی دولو کوْت گلیر

من او کوْتو گئـین‌ده

قایناناما اوْت گلیر

*

سو داغدان مه له ر گله ر

داشلاری ده ‌له ر گله ر

ائلدن آیری دوشه‌نین

باشینا ‌نه له ر گله ر؟

*

دیدگاه بگذارید

avatar
  Subscribe  
باخبر شدن از