روزنامه کثیرالانتشار سراسری صبح ایران
به دو زبان ترکی و فارسی
۱۳۹۷/۱۱/۳۰
آلمالار بوداق بـــــوداق
یارانــــدیق بیز، غم اوتاق
نئیله‌میشدیم، کؤسموسن؟
نه ائیله‌ییــــــم باریشاق
*
من یاری گؤردوم بایاق
الینده ســـــاری داراق
قاچدیم دوتا بیلمه‌دیم
سیناســـــان بئله آیاق
*
توت آغـــــاجی پیتـیراق
چادیر چـــــالاق اوتوراق
بیرین ســن دئه، بیرین من
قوی بو غمدن قورتولاق
*
سو گلیر میللنــــدیریر
باغچـــانی گول‌لندیریر
باغچـــــاداکی آلمالار
دیل سیزی دیل‌لندیریر
*
ماشین گلیـــر اوت گلیر
ایچی دولو کوْت گلیر
مـــــن او کوْتو گئـین‌ده
قاینــــــاناما اوْت گلیر
*
سو داغدان مه له ر گله ر
داشلاری ده له ر گـــله ر
ائلـــــدن آیری دوشه‌نین
باشینـــــــا نه له ر گله ر؟
*
پنجــــــره‌دن داش گلیر
خومار گؤزدن یاش گلیر
ســـــــــنی منه وئرسه‌لر
آللاها دا خــــوش گلیر
*
کهر آت نالی نئـیلیر
آغ بوخاق خالی نئـیلیر
یاری گؤیچک اولانلار
دونـیادا مالی نئـیلیر
*
داغلار آخ آهی نئـیلیر؟
بؤرکو کولاهی نئـیلیر؟
سن اوردا یان من بوردا
گؤره ک ایلاهی نئـیلیر؟
*
های سالیرام اوْیانمیر
درده غمه بوْیانمیر
عشق اوْدونا دوشموشوک
من یانـیرام اوْ یانمیر
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید