بایاتی

کهر آت نالی نئـیــــلیر
آغ بوخاق خــالی نئـیلیر
یاری گؤیچک اولانلار
دونـیـــــادا مالی نئـیلیر
*
داغلار آخ آهی نئـیلــیر؟
بـــؤرکو کولاهی نئـیلیر؟
ســن اوردا یان من بوردا
گؤره ‌ک ایلاهی نئـیلیر؟
*
های سالیرام اوْیانمیر
درده غـــــمه بوْیانمیر
عشق اوْدونا دوشموشوک
مــن یانـیرام اوْ یانمیر
*
آراز آراز خــــان آراز
سولطان آراز خان آراز
گــؤروم سنی یاناسان
بیــر دردیمی قان آراز
*
داغلاردا قارا باخـــماز
چیچــــه‌یه، بارا باخماز
سنی گؤره ن گؤزلریم
آیری بیر یارا باخماز
*
درد الیندن جان دورماز
یارام چوخدور قان دورماز
مــنی بئله یاندیردین
اوْد دا ائله یاندیرماز
*
سونبول یاغیش‌سیز آچماز
آی گــــون ایلن قاریشماز
فلک آغلادان کـــــــــیمه
دئـییب گولمه ک یاراشماز
*
نه‌دن‌دیر گئده‌ر قالماز
آخار سو گئده ‌ر قالماز
وفالی‌یا جـــان قوربان
وفاســیز گئده ‌ر قالماز
*
بوردا دورنا کؤچ سالماز
آلما گؤندرسه م آلماز
غم یـئمه ده لی کؤنلوم
زمـــــــــانه بئله قالماز
*
بــو داغدان آشماق اولماز
نارینجی باشمــــاق اولماز
بیر قورو سؤز اوســــتونده
یاریله ساواشماق اولماز
*
بو داغــــدا ایلان اولماز
دردیمی بیلن اولـــماز
دردیــــمی بیلن اولسا
چاراسین قـیلان اولماز

*

باغچانـین اوستو اولماز

اوْجاق‌سیز توستو اولماز

دوْستدان دوشمان تاپیلار

دوشمانـین دوْستو اولماز

*

باغچا میزدا قویی وار

سرین – سرین سویی وار

بیر دانا یار سئومیشه م

گؤزه ل حالی- خویی وار

*

عزیزی یه م آلما یار

ائوده یالقیز قالما یار

ال منیم ، اتک سنین

منی گؤزدن سالما یار

*

عزیزی یَم، گؤزوم یار

الیم سندن اوزوم یار

وعده وئردین گلمه دین

قوجاقلادیم دیزیم یـار

*

عاشیق ناچار آغلاما

پیس گون گئچه ر آغلاما

بو قاپینی باغلایان

بیر گون آچار آغلاما

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz