روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۳/۰۴
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 375
  • بازدید دیروز: 1,010
  • کل بازدید ها: 663,220
بایاتی

باغیــــــــــندا وار یاسمن
سوسن ، سونبول ، یاسمن
یاردان آیری دوشــــه لی
غرق اولموشـــام یاسا من
*
بیر بوینوزلو قوچــام من
یئریم یوخدو، قاچام من
اوره گیم سوفـره دئییل
هر یئتنـــــه آچام من
*
دریا دولـــو سئل ایلن
بالام اوینـار گول ایلن
عالمـه جان باغیشلار
منی ساخلار دیل ایلن
*
داغ باشیـــــنا توکوب قار
باغ – باغچایا چوکوب قار
بیر بولبولوم قــــــــفسده
دورد یانیـمی آلیب سار
*
بیـر آی دوغدو کنارسیز
گئنه گوللم من عارسیز
منیم آه و زاریـــم دان
قاچـــین ائللر ، یانارسیز
*
عــزیزی یه م نه دردی
نه درماندی ، نه دردی
آیریلارسان یاریــندان
بیله رسن بو نه درددی
*
باغچادا لالا قالدی
الــــده پیالا قالدی
آنانی آپاردیــــــلار
یورددا بیر بالا قالدی
*
هــــارای ، منی بو سالدی
اوزون عومروم قیسسالدی
قان آغــــلایان گؤزلریم
وئـــران باغا سو سالدی
*
کهلیک قوشا داغیلدی
چـاشا – چاشا داغیلدی
آنـــــــانی اؤلدوردولر
بالا داشـــــا داغیلدی
*
گون گئتدی آی دولاندی
بـــــــولود دا دالدالاندی
هر درده دؤزه ن جــانیم!
چَک ، ایندی اؤز بَلاندی

*

داغستان تونجو منم

گون دوشسه اینجی منم

سن مندن اینجیسن ده

من سندن اینجیمنم

*

آشیق اووانی نئیلیرم

دردی سووانی نئیلیرم

منه اؤزون گره کسن

قورو دوعانی نئیلیرم

*

بوستان چی قوهون دردی

کال دردی، قوهون دردی

ییغیلین ، قوهوم – قارداش

اوستومدن قوهون دردی

*

قایا تک بوزلار گؤردوم

گؤیده اولدوزلار گؤردوم

آناسینا اوخشایان

قوچان ، مرد قیزلار گوردوم

*

درد الیندن داغ یانار

باغچا یانار ، باغ یانار

قارداش گیرسه قاپیمدان

ائویمده چیراق یانار

*

من آشیق داشا دوشه ر

کهلیگیم داشا دوشه ر

قارداشین موشکول ایشی

یئنه قارداشا دوشه ر

*

گؤز یاشیم داشا دوشه ر

آخدیقجا داشا دوشه ر

باجی نین آغیر گونده

یوکو قارداشا دوشه ر

*

وئریبدی آغی یادا

یار چکیب داغی یادا

بیزدن باغبان اولمادی

تاپشیردیق باغی یادا

*

گول اکدیم گول مکاندا

یئرین بیل ، گول مکاندا

سن گولدون ، من ده گولدوم

من هاندا ، گولمه ک هاندا؟!

*

بیر پارچا داشدی دونیا

چوره ک آغاشدی دونیا

کیمه دئییم دردیمی

تامام قان – یاشدی دونیا

*

بولبول اوچار باغ اوسته

شاملار اریر داغ اوسته

نه فایدادی فلکده

داغی چکیر داغ اوسته

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز